30 shlokas
- 1
गुहू रक्षणे
guhū rakṣaṇe
- 2
रक्षितव्या न प्रकाशयितव्येत्यर्थः
rakṣitavyā na prakāśayitavyetyarthaḥ
- 3
गोपनं नामाप्रकाशनम्
gopanaṃ nāmāprakāśanam
- 4
विद्या पूर्वोक्ता स्वपरान्यप्रकाशिका प्रदीपवत्
vidyā pūrvoktā svaparānyaprakāśikā pradīpavat
- 5
लिङ्गैर्गोप्या रूढविद्या साधके इत्यर्थः
liṅgairgopyā rūḍhavidyā sādhake ityarthaḥ
- 6
आह गूढविद्ये साधके का कार्यनिष्पत्तिः
āha gūḍhavidye sādhake kā kāryaniṣpattiḥ
- 7
तदुच्यते तपआनन्त्याय प्रकाशते इत्येष पाठः
taducyate tapaānantyāya prakāśate ityeṣa pāṭhaḥ
- 8
अथवा कुरवोन्महितवत्तपोऽनन्त्याय प्रकाशत इत्येष वा पाठः
athavā kuravonmahitavattapo'nantyāya prakāśata ityeṣa vā pāṭhaḥ
- 9
तस्मादत्र तपस्तदेव
tasmādatra tapastadeva
- 10
निरुक्तमस्य पूर्वोक्तम्
niruktamasya pūrvoktam
- 11
अन् इत्यपि नियोगपर्यायः गम्यते
an ityapi niyogaparyāyaḥ gamyate
- 12
तपःकार्यत्वाद् अतिगतिसायुज्यवत्
tapaḥkāryatvād atigatisāyujyavat
- 13
आह किं परिमितेष्वर्थेष्वानन्त्यशब्दः उतापरिमितेषु किं वा परिमितापरिमितेष्विति
āha kiṃ parimiteṣvartheṣvānantyaśabdaḥ utāparimiteṣu kiṃ vā parimitāparimiteṣviti
- 14
उच्यते परिमितापरिमितेष्वर्थेषु आनन्त्यशब्दः
ucyate parimitāparimiteṣvartheṣu ānantyaśabdaḥ
- 15
तत्र तावद् ईश्वरस्यैकैकशः परिमितेषु तेष्वेव विभुत्वाद् अपरिमितेषु तथा परिमितापरिमितेष्वर्थेषु अभिव्यक्तास्य शक्तिः
tatra tāvad īśvarasyaikaikaśaḥ parimiteṣu teṣveva vibhutvād aparimiteṣu tathā parimitāparimiteṣvartheṣu abhivyaktāsya śaktiḥ
- 16
तस्य कुशलाकुशलेषु भावेष्व् आनन्त्यशब्दः
tasya kuśalākuśaleṣu bhāveṣv ānantyaśabdaḥ
- 17
यस्मादुक्तं न चैतास्तनवः केवलं मम इति
yasmāduktaṃ na caitāstanavaḥ kevalaṃ mama iti
- 18
तथा रुद्रः समुद्रो हि अनन्तो भास्करो नभः
आत्मा ब्रह्म च वाक्चैव न शक्यं भेददर्शनम्
tathā rudraḥ samudro hi ananto bhāskaro nabhaḥ
ātmā brahma ca vākcaiva na śakyaṃ bhedadarśanam
- 19
अनात्मविद्भिरध्यस्तां पङ्क्तिं योजनमायताम्
वेदवित्पुनते पार्थ नियुक्तः पङ्क्तिमूर्धनि
anātmavidbhiradhyastāṃ paṅktiṃ yojanamāyatām
vedavitpunate pārtha niyuktaḥ paṅktimūrdhani
- 20
तथा च वेदवित्पङ्क्तिमात्मवित्पुनते द्विजः
आनन्त्यं पुनते विद्वान्नाभात्वं यो न पश्यति
tathā ca vedavitpaṅktimātmavitpunate dvijaḥ
ānantyaṃ punate vidvānnābhātvaṃ yo na paśyati
- 21
आनन्त्याय इति चतुर्थी तस्मात्तप एतत्न तु विद्या कार्या
ānantyāya iti caturthī tasmāttapa etatna tu vidyā kāryā
- 22
प्रकाशो नाम भावप्रकाश्यम्न तु प्रदीपवत्
prakāśo nāma bhāvaprakāśyamna tu pradīpavat
- 23
कथम्
katham
- 24
योगाधिकृतस्य प्रदीपस्थानीतयमानैजस्थानीयम् आवारकम् अभिभूय प्रकाशते
yogādhikṛtasya pradīpasthānītayamānaijasthānīyam āvārakam abhibhūya prakāśate
- 25
चक्षुःस्थानीयया विद्यया कुशलविवेकादिकार्यं माहात्म्यातिगतिप्रकाशप्रवृत्तिस्मृतिसायुज्यस्थित्यादिप्रकाशनं तपःकार्यमित्यर्थः एवं च गुप्ते ब्राह्मणे तप आनन्त्याय प्रकाशत इत्यर्थः
cakṣuḥsthānīyayā vidyayā kuśalavivekādikāryaṃ māhātmyātigatiprakāśapravṛttismṛtisāyujyasthityādiprakāśanaṃ tapaḥkāryamityarthaḥ evaṃ ca gupte brāhmaṇe tapa ānantyāya prakāśata ityarthaḥ
- 26
आह स्वभावगुप्तत्वाद् अतीन्द्रियात्मगती विद्या गोप्येति
āha svabhāvaguptatvād atīndriyātmagatī vidyā gopyeti
- 27
तदुच्यते अव्यक्तप्रेताद्यवस्थानैर्लिङ्गैर्गोप्या इत्यर्थः
taducyate avyaktapretādyavasthānairliṅgairgopyā ityarthaḥ
- 28
आह कानि पुनस्तानि विद्यालिङ्गानि यैर्गुप्तैर्विद्या गुप्ता भवति
āha kāni punastāni vidyāliṅgāni yairguptairvidyā guptā bhavati
- 29
तदुच्यते व्रतादीनि
taducyate vratādīni
- 30
यस्मादाह
yasmādāha

