18 shlokas
- 1
अत्र गूढं प्रच्छन्नम् अप्रकाशमित्यर्थः
atra gūḍhaṃ pracchannam aprakāśamityarthaḥ
- 2
व्रतं नाम यदायतने स्नानहसिताद्यः साधनवर्गस्तद्व्रतम्
vrataṃ nāma yadāyatane snānahasitādyaḥ sādhanavargastadvratam
- 3
कस्मात्
kasmāt
- 4
साकृतत्वाद्यस्मादयं ब्राह्मणस्तथा प्रयुङ्क्ते यथा लौकिकानां धर्मसाधनभावो न विद्यत इति अतो गूढव्रत इति
sākṛtatvādyasmādayaṃ brāhmaṇastathā prayuṅkte yathā laukikānāṃ dharmasādhanabhāvo na vidyata iti ato gūḍhavrata iti
- 5
आह अव्यक्तप्रेतत्वादेव गूढत्वप्राप्तेः पुनरुक्तम् इति
āha avyaktapretatvādeva gūḍhatvaprāpteḥ punaruktam iti
- 6
उच्यते ऽर्थान्यत्वाद् अपुनरुक्तम्
ucyate 'rthānyatvād apunaruktam
- 7
तत्रावस्थानमात्रम् एवाव्यक्तम्
tatrāvasthānamātram evāvyaktam
- 8
इह तु स्नानहसितादिगोपनम्
iha tu snānahasitādigopanam
- 9
अपि च तत्र निष्पन्नं लिङ्गम् अव्यक्तम्
api ca tatra niṣpannaṃ liṅgam avyaktam
- 10
इह तु निष्पत्तिकाले च गोपनोपदेशः
iha tu niṣpattikāle ca gopanopadeśaḥ
- 11
न वाव्यक्तप्रेतत्वं वा विद्यालिङ्गम्
na vāvyaktapretatvaṃ vā vidyāliṅgam
- 12
अतश्चापुनरुक्तम्
ataścāpunaruktam
- 13
तस्माद्गूढव्रतोपदेशाय स्थानापदेशापवादाय स्थाने वस्तव्यम्
tasmādgūḍhavratopadeśāya sthānāpadeśāpavādāya sthāne vastavyam
- 14
स्नानहसितादयश्च गूढाः कर्तव्याः
snānahasitādayaśca gūḍhāḥ kartavyāḥ
- 15
एवं विद्या गुप्ता भवतीत्यर्थः
evaṃ vidyā guptā bhavatītyarthaḥ
- 16
आह किं व्रतमेवैकं विद्यालिङ्गं गोप्यम् आहोस्विद् अन्यदप्यस्ति नेति
āha kiṃ vratamevaikaṃ vidyāliṅgaṃ gopyam āhosvid anyadapyasti neti
- 17
उच्यते ऽस्ति
ucyate 'sti
- 18
यस्मादाह
yasmādāha

