21 shlokas
- 1
माहात्म्यं नाम अर्यम् अप्रकाशवत्
māhātmyaṃ nāma aryam aprakāśavat
- 2
तदुत यस्य सांनिध्याद् अयं ब्राह्मणः परिदृष्टार्थोऽपि भूत्वा दुष्टाश्वतररथस्थानीयैर्देहेन्द्रियादिभिर् अपनीयते अपह्रियते तद् अमाहात्म्यम्
taduta yasya sāṃnidhyād ayaṃ brāhmaṇaḥ paridṛṣṭārtho'pi bhūtvā duṣṭāśvatararathasthānīyairdehendriyādibhir apanīyate apahriyate tad amāhātmyam
- 3
विधियोगाभिनिवेशासामर्थ्यम् अधर्मबलम्
vidhiyogābhiniveśāsāmarthyam adharmabalam
- 4
उक्तं हि
ह्रियते बुद्धिर्मनोऽपि नरस्य देहेन्द्रियैः
अमूढसंज्ञो दुर्दान्तैर्दुष्टाश्वैरिव सारथिः
uktaṃ hi
hriyate buddhirmano'pi narasya dehendriyaiḥ
amūḍhasaṃjño durdāntairduṣṭāśvairiva sārathiḥ
- 5
माहात्म्यमतो विपरीतम्
māhātmyamato viparītam
- 6
यस्य सांनिध्याद् अयं ब्राह्मणः स्नानशयनानुस्नानादिक्राथनस्पन्दनाध्ययनध्यानस्मरणकरणसमर्थो भवति परया श्रद्धया युक्तस्तन्माहात्म्यम्
yasya sāṃnidhyād ayaṃ brāhmaṇaḥ snānaśayanānusnānādikrāthanaspandanādhyayanadhyānasmaraṇakaraṇasamartho bhavati parayā śraddhayā yuktastanmāhātmyam
- 7
आह किं तदिति
āha kiṃ taditi
- 8
उच्यते यदेतत्प्रभ्रष्टस्य तपसो वीर्यं तपोबलं तपःशक्तिस्तन्माहात्म्यम्
ucyate yadetatprabhraṣṭasya tapaso vīryaṃ tapobalaṃ tapaḥśaktistanmāhātmyam
- 9
कथं गम्यते
kathaṃ gamyate
- 10
चर्यानन्तरोक्तत्वात्
caryānantaroktatvāt
- 11
यदनन्तरं यदवाप्नोति तत एव तद् आसादयतीत्यर्थः
yadanantaraṃ yadavāpnoti tata eva tad āsādayatītyarthaḥ
- 12
आह प्राप्नोतीति अस्तु पाठः
āha prāpnotīti astu pāṭhaḥ
- 13
लब्धुर्भविष्यतीत्युच्यते
labdhurbhaviṣyatītyucyate
- 14
अवरम्य क्षणगतिप्रीतिप्राप्त्यर्थत्वात्तेन विधिचरणेन रक्षते हर्षविशेषाणाम् अभिप्रीतिविशेषणम् अतिगतिसंस्तवनावाप्तिश्च
avaramya kṣaṇagatiprītiprāptyarthatvāttena vidhicaraṇena rakṣate harṣaviśeṣāṇām abhiprītiviśeṣaṇam atigatisaṃstavanāvāptiśca
- 15
तस्मान्मन्त्रबलवद्धर्मबलमेवास्य माहात्म्यम् अवाप्नोतीत्यर्थः
tasmānmantrabalavaddharmabalamevāsya māhātmyam avāpnotītyarthaḥ
- 16
आह कः सो ऽभ्युपायः
āha kaḥ so 'bhyupāyaḥ
- 17
कानि वा तानि धर्मसाधनानि यैर्हर्षोत्पत्तिर्माहात्म्यलाभश्च भवति
kāni vā tāni dharmasādhanāni yairharṣotpattirmāhātmyalābhaśca bhavati
- 18
चरिक्रियाणां वा कतिविधो विभागः
carikriyāṇāṃ vā katividho vibhāgaḥ
- 19
दानादीनां वा पूर्वोक्तानां विशेषणं किमस्ति नेति
dānādīnāṃ vā pūrvoktānāṃ viśeṣaṇaṃ kimasti neti
- 20
उच्यतेऽस्ति
ucyate'sti
- 21
यस्मादाह
yasmādāha

