10 shlokas
- 1
अष्टकां व्याख्यास्यामः
aṣṭakāṃ vyākhyāsyāmaḥ
- 2
माघ्याः पौर्णमास्या यो ऽपरपक्षस्तस्याष्टमीम् एकाष्टकेत्याचक्षते
māghyāḥ paurṇamāsyā yo 'parapakṣastasyāṣṭamīm ekāṣṭaketyācakṣate
- 3
ततः पूर्वेद्युर् अनूराधेष्वपराह्णे ऽग्निमुपसमाधाय दक्षिणाप्रागग्रैर्दर्भैः परिस्तीर्यैकपवित्रान्तर्हितानि चत्वारि व्रीहिशरावाणि निर्वपतीममपूपं चतुःशरावं निर्वपामि क्लेशावहं पितॄणां सांपराये देवेन सवित्रा प्रसूतः
देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्यां पितृभ्यः पितामहेभ्यः प्रपितामहेभ्यो वो जुष्टं निर्वपामीति
tataḥ pūrvedyur anūrādheṣvaparāhṇe 'gnimupasamādhāya dakṣiṇāprāgagrairdarbhaiḥ paristīryaikapavitrāntarhitāni catvāri vrīhiśarāvāṇi nirvapatīmamapūpaṃ catuḥśarāvaṃ nirvapāmi kleśāvahaṃ pitṝṇāṃ sāṃparāye devena savitrā prasūtaḥ
devasya tvā savituḥ prasave 'śvinorbāhubhyāṃ pūṣṇo hastābhyāṃ pitṛbhyaḥ pitāmahebhyaḥ prapitāmahebhyo vo juṣṭaṃ nirvapāmīti
- 4
एतेनैव पवित्रेण तूष्णीं प्रोक्षणीः संस्कृत्य तूष्णीं प्रोक्ष्य तूष्णीम् अवहत्य यथापुरोडाशमेवं चतुर्षु कपालेषु तूष्णीं श्रपयित्वाभिघार्योद्वास्य प्रसव्यं परिषिच्यौदुम्बरम् इध्मम् अभ्याधायौदुम्बर्या दर्व्योपस्तीर्णाभिघारितं दक्षिणाप्राचीसंततं परं परम् अवदाय दक्षिणाप्राचीसंततं परं परं जुहोति
उलूखला ग्रावाणो घोषमक्रत हविः कृण्वन्तः परिवत्सरीणाम्
एकाष्टके सुप्रजा वीरवन्तो वयं स्याम पतयो रयीणां स्वधा नमः
अपूपं देव घृतवन्तमग्ने स्वधावन्तं पितॄणां तर्पणाय
यथातथं वह हव्यमग्ने पुत्रः पितृभ्य आहुतिं जुहोमि
स्वधा नमः
अयं चतुःशरावो घृतवानपूपः पयस्वानग्ने रयिमान्पुष्टिमांश्च
प्रतिनन्दन्तु पितरः संविदानाः स्विष्टो ऽयं सुहुतो ममास्तु
स्वधा नमः
इति
etenaiva pavitreṇa tūṣṇīṃ prokṣaṇīḥ saṃskṛtya tūṣṇīṃ prokṣya tūṣṇīm avahatya yathāpuroḍāśamevaṃ caturṣu kapāleṣu tūṣṇīṃ śrapayitvābhighāryodvāsya prasavyaṃ pariṣicyaudumbaram idhmam abhyādhāyaudumbaryā darvyopastīrṇābhighāritaṃ dakṣiṇāprācīsaṃtataṃ paraṃ param avadāya dakṣiṇāprācīsaṃtataṃ paraṃ paraṃ juhoti
ulūkhalā grāvāṇo ghoṣamakrata haviḥ kṛṇvantaḥ parivatsarīṇām
ekāṣṭake suprajā vīravanto vayaṃ syāma patayo rayīṇāṃ svadhā namaḥ
apūpaṃ deva ghṛtavantamagne svadhāvantaṃ pitṝṇāṃ tarpaṇāya
yathātathaṃ vaha havyamagne putraḥ pitṛbhya āhutiṃ juhomi
svadhā namaḥ
ayaṃ catuḥśarāvo ghṛtavānapūpaḥ payasvānagne rayimānpuṣṭimāṃśca
pratinandantu pitaraḥ saṃvidānāḥ sviṣṭo 'yaṃ suhuto mamāstu
svadhā namaḥ
iti
- 5
अथान्नस्य जुहोतीयमेव सा या प्रथमा व्यौच्छत्
एकाष्टका तपसा तप्यमाना
या प्रथमा व्यौच्छद् इति
athānnasya juhotīyameva sā yā prathamā vyaucchat
ekāṣṭakā tapasā tapyamānā
yā prathamā vyaucchad iti
- 6
अपूपस्यान्नस्येति समवदाय सर्पिर्मिश्रस्य जुहोति
अग्नये कव्यवाहनाय स्विष्टकृते स्वधा नमः
इति
apūpasyānnasyeti samavadāya sarpirmiśrasya juhoti
agnaye kavyavāhanāya sviṣṭakṛte svadhā namaḥ
iti
- 7
तं घृतवन्तं मधुमन्तमन्नवन्तं श्राद्धाभिमर्शनेनाभिमृश्य पिण्डानामावृता पिण्डान्ददाति
taṃ ghṛtavantaṃ madhumantamannavantaṃ śrāddhābhimarśanenābhimṛśya piṇḍānāmāvṛtā piṇḍāndadāti
- 8
तेन ब्राह्मणान्विद्यावतः परिवेवेष्टि
tena brāhmaṇānvidyāvataḥ pariveveṣṭi
- 9
तेभ्यो यथाश्रद्धमन्नं धनं च ददाति
tebhyo yathāśraddhamannaṃ dhanaṃ ca dadāti
- 10
प्रसिद्धम् ओदकाञ्जलिदानाद्यथा मासिके
prasiddham odakāñjalidānādyathā māsike

