11 shlokas
- 1
भुञ्जानान्समीक्षते
ब्रह्मणि म आत्मामृतत्वाय
इति
bhuñjānānsamīkṣate
brahmaṇi ma ātmāmṛtatvāya
iti
- 2
भुक्तवतो ऽनुप्रव्रज्य शेषमनुज्ञाप्योदकुम्भं दर्भमुष्टिं चादाय दक्षिणपूर्वमवान्तरदेशं गत्वा दक्षिणाग्रान्दर्भान्संस्तीर्य तेष्ववाचीनपाणिर्दक्षिणापवर्गांस्त्रीन् उदकाञ्जलीन्निनयति
मार्जयन्तां पितरः सोम्यासः
मार्जयन्तां पितामहाः सोम्यासः
मार्जयन्तां प्रपितामहाः सोम्यासः
इति
असाव् अवनेनिङ्क्ष्वासाव् अवनेनिङ्क्ष्व
इति वा
bhuktavato 'nupravrajya śeṣamanujñāpyodakumbhaṃ darbhamuṣṭiṃ cādāya dakṣiṇapūrvamavāntaradeśaṃ gatvā dakṣiṇāgrāndarbhānsaṃstīrya teṣvavācīnapāṇirdakṣiṇāpavargāṃstrīn udakāñjalīnninayati
mārjayantāṃ pitaraḥ somyāsaḥ
mārjayantāṃ pitāmahāḥ somyāsaḥ
mārjayantāṃ prapitāmahāḥ somyāsaḥ
iti
asāv avaneniṅkṣvāsāv avaneniṅkṣva
iti vā
- 3
तेष्ववाचीनपाणिर्दक्षिणापवर्गान्पिण्डान्ददाति
एतत्ते ततासाव् इति पित्रे पिण्डं ददाति
एतत्ते पितामहासाव् इति पितामहाय
एतत्ते प्रपितामहासाव् इति प्रपितामहाय तूष्णीं चतुर्थं स कृताकृतः
teṣvavācīnapāṇirdakṣiṇāpavargānpiṇḍāndadāti
etatte tatāsāv iti pitre piṇḍaṃ dadāti
etatte pitāmahāsāv iti pitāmahāya
etatte prapitāmahāsāv iti prapitāmahāya tūṣṇīṃ caturthaṃ sa kṛtākṛtaḥ
- 4
अथ यदि नामधेयानि न विन्द्यात्
स्वधा पितृभ्यः पृथिविषद्भ्यः
इति पित्रे पिण्डं दद्यात्
स्वधा पितृभ्यो ऽन्तरिक्षसद्भ्यः
इति पितामहाय
स्वधा पितृभ्यो दिविषद्भ्यः
इति प्रपितामहाय
atha yadi nāmadheyāni na vindyāt
svadhā pitṛbhyaḥ pṛthiviṣadbhyaḥ
iti pitre piṇḍaṃ dadyāt
svadhā pitṛbhyo 'ntarikṣasadbhyaḥ
iti pitāmahāya
svadhā pitṛbhyo diviṣadbhyaḥ
iti prapitāmahāya
- 5
अत्राञ्जनाभ्यञ्जने वासश्चानु पिण्डं ददाति
atrāñjanābhyañjane vāsaścānu piṇḍaṃ dadāti
- 6
आङ्क्ष्वासावाङ्क्ष्वासाव् इति त्रिराञ्जनम्
āṅkṣvāsāvāṅkṣvāsāv iti trirāñjanam
- 7
अभ्यङ्क्ष्वासाव् अभ्यङ्क्ष्वासाव् इति त्रिरभ्यञ्जनम्
abhyaṅkṣvāsāv abhyaṅkṣvāsāv iti trirabhyañjanam
- 8
एतानि वः पितरो वासांस्यतो नो ऽन्यत्पितरो मा यूढ्वम्
इति दशाम् ऊर्णास्तुकान्वा छित्त्वा न्यस्यति पूर्वे वयसि
etāni vaḥ pitaro vāsāṃsyato no 'nyatpitaro mā yūḍhvam
iti daśām ūrṇāstukānvā chittvā nyasyati pūrve vayasi
- 9
स्वं लोम छित्त्वोत्तरे
svaṃ loma chittvottare
- 10
अथ पात्रं संक्षाल्य
पुत्रान्पौत्रान् अभितर्पयन्तीर् आपो मधुमतीरिमाः स्वधां पितृभ्यो अमृतं दुहानाः
आपो देवीर् उभयांस्तर्पयन्तु नदीरिमा उदन्वतीर्वेतस्विनीः सुतीर्थ्याः
अमुष्मिंल्लोक उप वः क्षरन्तु
इति प्रसव्यं परिषिच्य न्युब्जपात्रं पाणी व्यत्यस्य दक्षिणम् उत्तरम् उत्तरं च दक्षिणम्
नमो वः पितरो रसाय
इति नमस्कारैरुपतिष्ठते
atha pātraṃ saṃkṣālya
putrānpautrān abhitarpayantīr āpo madhumatīrimāḥ svadhāṃ pitṛbhyo amṛtaṃ duhānāḥ
āpo devīr ubhayāṃstarpayantu nadīrimā udanvatīrvetasvinīḥ sutīrthyāḥ
amuṣmiṃlloka upa vaḥ kṣarantu
iti prasavyaṃ pariṣicya nyubjapātraṃ pāṇī vyatyasya dakṣiṇam uttaram uttaraṃ ca dakṣiṇam
namo vaḥ pitaro rasāya
iti namaskārairupatiṣṭhate
- 11
तत उदकान्तं गत्वा त्रीनुदकाञ्जलीन्निनयति
tata udakāntaṃ gatvā trīnudakāñjalīnninayati

