5 shlokas
- 1
ये चेह पितरो ये च नेह यांश्च विद्म याꣳ उ च न प्रविद्माग्ने तान्वेत्थ यदि ते जातवेदस्तया प्रत्तं स्वधया मदन्तु
स्वधा नमः
यद्वः क्रव्याद् अङ्गम् अदहल्लोकान् अयं प्रणयञ्जातवेदाः
तद्वो ऽहं पुनरावेशयाम्यरिष्टाः सर्वैरङ्गैः संभवत पितरः
स्वधा नमः
वहाज्यं जातवेदः पितृभ्यो यत्रैतान्वेत्थ निहितान्पराके
आज्यस्य कूल्या उप तान्क्षरन्तु सत्या एषामाशिषः सन्तु कामैः
स्वधा नमः
इति
एवं द्वितीयां तथा तृतीयां पितामहेभ्यः
प्रपितामहेभ्यः
इति मन्त्रं संनमति
ye ceha pitaro ye ca neha yāṃśca vidma yām̐ u ca na pravidmāgne tānvettha yadi te jātavedastayā prattaṃ svadhayā madantu
svadhā namaḥ
yadvaḥ kravyād aṅgam adahallokān ayaṃ praṇayañjātavedāḥ
tadvo 'haṃ punarāveśayāmyariṣṭāḥ sarvairaṅgaiḥ saṃbhavata pitaraḥ
svadhā namaḥ
vahājyaṃ jātavedaḥ pitṛbhyo yatraitānvettha nihitānparāke
ājyasya kūlyā upa tānkṣarantu satyā eṣāmāśiṣaḥ santu kāmaiḥ
svadhā namaḥ
iti
evaṃ dvitīyāṃ tathā tṛtīyāṃ pitāmahebhyaḥ
prapitāmahebhyaḥ
iti mantraṃ saṃnamati
- 2
एवमन्नस्य जुहोति
वहान्नम्
इति मन्त्रं संनमति
evamannasya juhoti
vahānnam
iti mantraṃ saṃnamati
- 3
अथ सौविष्टकृतीं जुहोति
अग्नये कव्यवाहनाय स्विष्टकृते स्वधा नमः
इति
atha sauviṣṭakṛtīṃ juhoti
agnaye kavyavāhanāya sviṣṭakṛte svadhā namaḥ
iti
- 4
अथान्नमभिमृशति
पृथिवी ते पात्रं द्यौरपिधानं ब्रह्मणस्त्वा मुखे जुहोमि ब्राह्मणानां त्वा प्राणापानयोर्जुहोमि
अक्षितमसि मा पितॄणां क्षेष्ठा अमुत्रामुष्मिंल्लोके
पृथिवी समा तस्याग्निरुपद्रष्टा दत्तस्याप्रमादाय
पृथिवी ते पात्रं द्यौरपिधानं ब्रह्मणस्त्वा मुखे जुहोमि ब्राह्मणानां त्वा प्राणापानयोर्जुहोमि
अक्षितमसि मा पितामहानां क्षेष्ठा अमुत्रामुष्मिंल्लोके
अन्तरिक्षं समं तस्य वायुरुपद्रष्टा दत्तस्याप्रमादाय
पृथिवी ते पात्रं द्यौरपिधानं ब्रह्मणस्त्वा मुखे जुहोमि ब्राह्मणानां त्वा प्राणापानयोर्जुहोमि
अक्षितमसि मा प्रपितामहानां क्षेष्ठा अमुत्रामुष्मिंल्लोके
द्यौः समा तस्यादित्य उपद्रष्टा दत्तस्याप्रमादाय
इति ब्राह्मणानुपस्पर्शयति
athānnamabhimṛśati
pṛthivī te pātraṃ dyaurapidhānaṃ brahmaṇastvā mukhe juhomi brāhmaṇānāṃ tvā prāṇāpānayorjuhomi
akṣitamasi mā pitṝṇāṃ kṣeṣṭhā amutrāmuṣmiṃlloke
pṛthivī samā tasyāgnirupadraṣṭā dattasyāpramādāya
pṛthivī te pātraṃ dyaurapidhānaṃ brahmaṇastvā mukhe juhomi brāhmaṇānāṃ tvā prāṇāpānayorjuhomi
akṣitamasi mā pitāmahānāṃ kṣeṣṭhā amutrāmuṣmiṃlloke
antarikṣaṃ samaṃ tasya vāyurupadraṣṭā dattasyāpramādāya
pṛthivī te pātraṃ dyaurapidhānaṃ brahmaṇastvā mukhe juhomi brāhmaṇānāṃ tvā prāṇāpānayorjuhomi
akṣitamasi mā prapitāmahānāṃ kṣeṣṭhā amutrāmuṣmiṃlloke
dyauḥ samā tasyāditya upadraṣṭā dattasyāpramādāya
iti brāhmaṇānupasparśayati
- 5
प्राणे निविश्यामृतं जुहोमि
इति
prāṇe niviśyāmṛtaṃ juhomi
iti

