28 shlokas
- 1
अथादत्ते दक्षिणेनाज्यस्थालीं सस्रुवां सव्येन जुहूं होत्रे वेदं प्रदाय
athādatte dakṣiṇenājyasthālīṃ sasruvāṃ savyena juhūṃ hotre vedaṃ pradāya
- 2
प्रदक्षिणम् आवृत्य प्रत्यञ्चाव् आद्रवतः
pradakṣiṇam āvṛtya pratyañcāv ādravataḥ
- 3
दक्षिणेनाध्वर्युर्गार्हपत्यं परिक्रामत्य् उत्तरेण होता
dakṣiṇenādhvaryurgārhapatyaṃ parikrāmaty uttareṇa hotā
- 4
तौ जघनेन गार्हपत्यं पश्चात्प्राञ्चाव् उपविशतो दक्षिण एवाध्वर्युर् उत्तरो होता
tau jaghanena gārhapatyaṃ paścātprāñcāv upaviśato dakṣiṇa evādhvaryur uttaro hotā
- 5
अथाध्वर्युर्वेदम् उपभृतं कृत्वा चतुर आज्यस्य गृह्णान आह सोमायेत्य् उपांश्व् अनुब्रूहीत्य् उच्चैः
athādhvaryurvedam upabhṛtaṃ kṛtvā catura ājyasya gṛhṇāna āha somāyety upāṃśv anubrūhīty uccaiḥ
- 6
आश्राव्याह सोमम् इत्य् उपांशु यजेत्य् उच्चैः
āśrāvyāha somam ity upāṃśu yajety uccaiḥ
- 7
वषट्कृते जुहोति
vaṣaṭkṛte juhoti
- 8
चतुर एवाज्यस्य गृह्णान आह त्वष्ट्र इत्य् उपांश्व् अनुब्रूहीत्य् उच्चैः
catura evājyasya gṛhṇāna āha tvaṣṭra ity upāṃśv anubrūhīty uccaiḥ
- 9
आश्राव्याह त्वष्टारम् इत्य् उपांशु यजेत्य् उच्चैः
āśrāvyāha tvaṣṭāram ity upāṃśu yajety uccaiḥ
- 10
वषट्कृते जुहोति
vaṣaṭkṛte juhoti
- 11
चतुर एवाज्यस्य गृह्णान आह देवानां पत्नीभ्य इत्य् उपांश्व् अनुब्रूहीत्य् उच्चैः
catura evājyasya gṛhṇāna āha devānāṃ patnībhya ity upāṃśv anubrūhīty uccaiḥ
- 12
आश्राव्याह देवानां पत्नीर् इत्य् उपांशु यजेत्य् उच्चैः
āśrāvyāha devānāṃ patnīr ity upāṃśu yajety uccaiḥ
- 13
वषट्कृते परिश्रिते देवानां पत्नीर्जुहोति
vaṣaṭkṛte pariśrite devānāṃ patnīrjuhoti
- 14
अथ चतुर एवाज्यस्य गृह्णान आहाग्नये गृहपतय इत्य् उपांश्व् अनुब्रूहीत्य् उच्चैः
atha catura evājyasya gṛhṇāna āhāgnaye gṛhapataya ity upāṃśv anubrūhīty uccaiḥ
- 15
आश्राव्याहाग्निं गृहपतिम् इत्य् उपांशु यजेत्य् उच्चैः
āśrāvyāhāgniṃ gṛhapatim ity upāṃśu yajety uccaiḥ
- 16
वषट्कृत उत्तरार्धपूर्वार्धे ऽतिहाय पूर्वा आहुतीर्जुहोति
vaṣaṭkṛta uttarārdhapūrvārdhe 'tihāya pūrvā āhutīrjuhoti
- 17
अथाग्रेण होतारम् उपातीत्य होतुर्द्विर् अङ्गुलाव् अनक्ति
athāgreṇa hotāram upātītya hoturdvir aṅgulāv anakti
- 18
जिघ्रेण भक्षयित्वा
jighreṇa bhakṣayitvā
- 19
चतुर्हस्तेडां सम्पादयत्य् आज्यस्यैव
caturhasteḍāṃ sampādayaty ājyasyaiva
- 20
समन्वारभेते अध्वर्युश्चैव पत्नी च
samanvārabhete adhvaryuścaiva patnī ca
- 21
उपहूतायाम् इडायाम् अग्नीध आदधाति षडवत्तम्
upahūtāyām iḍāyām agnīdha ādadhāti ṣaḍavattam
- 22
प्राश्नीतः
prāśnītaḥ
- 23
मार्जयेते
mārjayete
- 24
अथ स्रुचि चतुर्गृहीतं गृहीत्वापसलैः पर्यावृत्यान्वाहार्यपचने प्रायश्चित्तं जुहोत्य् उलूखले मुसले यच्च शूर्पे आशिश्लेष दृषदि यत्कपाले ऽवप्रुषो विप्रुषः संयजामि विश्वे देवा हविर् इदं जुषन्ताम्यज्ञे या विप्रुषः सन्ति बह्वीर् अग्नौ ताः सर्वाः स्विष्टाः सहुता जुहोमि स्वाहेति
atha sruci caturgṛhītaṃ gṛhītvāpasalaiḥ paryāvṛtyānvāhāryapacane prāyaścittaṃ juhoty ulūkhale musale yacca śūrpe āśiśleṣa dṛṣadi yatkapāle 'vapruṣo vipruṣaḥ saṃyajāmi viśve devā havir idaṃ juṣantāmyajñe yā vipruṣaḥ santi bahvīr agnau tāḥ sarvāḥ sviṣṭāḥ sahutā juhomi svāheti
- 25
अपरं चतुर्गृहीतं गृहीत्वान्वाहार्यपचन एवेध्मप्रव्रश्चनान्य् अभ्याधाय फलीकरणान् ओप्य फलीकरणहोमं जुहोत्य् अग्ने ऽदब्धायो ऽशीततनो पाहि माद्य दिवः पाहि प्रसित्यै पाहि दुरिष्ट्यै पाहि दुरद्मन्यै पाहि दुश्चरिताद् अविषं नः पितुं कृणु सुषदा योनिं स्वाहेति
aparaṃ caturgṛhītaṃ gṛhītvānvāhāryapacana evedhmapravraścanāny abhyādhāya phalīkaraṇān opya phalīkaraṇahomaṃ juhoty agne 'dabdhāyo 'śītatano pāhi mādya divaḥ pāhi prasityai pāhi duriṣṭyai pāhi duradmanyai pāhi duścaritād aviṣaṃ naḥ pituṃ kṛṇu suṣadā yoniṃ svāheti
- 26
अथैतेनैव यथेतम् एत्य वेदे यजमानं वाचयति वेदो ऽसि वित्तिर् असीत्य् आन्ताद् अनुवाकस्य होत्रे वेदं प्रदाय पत्नीं विष्यतीमं विष्यामि वरुणस्य पाशम्यम् अबध्नीत सविता सुकेतः धातुश्च योनौ सुकृतस्य लोके स्योनं मे सह पत्या करोमीति
athaitenaiva yathetam etya vede yajamānaṃ vācayati vedo 'si vittir asīty āntād anuvākasya hotre vedaṃ pradāya patnīṃ viṣyatīmaṃ viṣyāmi varuṇasya pāśamyam abadhnīta savitā suketaḥ dhātuśca yonau sukṛtasya loke syonaṃ me saha patyā karomīti
- 27
अथास्यै योक्त्रम् अञ्जलाव् आधायोदपात्रम् आनयति सम् आयुषा सं प्रजया सम् अग्ने वर्चसा पुनः सं पत्नी पत्याहं गच्छे सम् आत्मा तनुवा ममेत्य् अथ मुखं विमृष्टे यद् अप्सु ते सरस्वति गोष्व् अश्वेषु यन्मधु तेन मे वाजिनीवति मुखम्सरस्वतीति
athāsyai yoktram añjalāv ādhāyodapātram ānayati sam āyuṣā saṃ prajayā sam agne varcasā punaḥ saṃ patnī patyāhaṃ gacche sam ātmā tanuvā mamety atha mukhaṃ vimṛṣṭe yad apsu te sarasvati goṣv aśveṣu yanmadhu tena me vājinīvati mukhamsarasvatīti
- 28
अपो निनयत्य् अवभृथस्यैव रूपं कृत्वोत्तिष्ठतीति ब्राह्मणम्
apo ninayaty avabhṛthasyaiva rūpaṃ kṛtvottiṣṭhatīti brāhmaṇam

