38 shlokas
- 1
अथ संप्रैषम् आह ब्रह्मन्प्रस्थास्यामः समिधम् आधायाग्नीद् अग्नीन्सकृत्सकृत्संमृड्ढीति
atha saṃpraiṣam āha brahmanprasthāsyāmaḥ samidham ādhāyāgnīd agnīnsakṛtsakṛtsaṃmṛḍḍhīti
- 2
प्रसूतो ऽत्रैतां समिधं मध्यत आहवनीयस्याभ्यादधाति
prasūto 'traitāṃ samidhaṃ madhyata āhavanīyasyābhyādadhāti
- 3
अथैष आग्नीध्रो ऽस्फ्यैर् एवेध्मसंनहनैः परिधीन्संमार्ष्टि सकृन्मध्यं सकृद्दक्षिणार्ध्यं सकृद् उत्तरार्ध्यम्
athaiṣa āgnīdhro 'sphyair evedhmasaṃnahanaiḥ paridhīnsaṃmārṣṭi sakṛnmadhyaṃ sakṛddakṣiṇārdhyaṃ sakṛd uttarārdhyam
- 4
सकृद् आहवनीयम् उपवाजयत्य् अग्ने वाजजिद्वाजं त्वाग्ने ससृवांसं वाजं जिगिवांसं वाजिनं वाजजितं वाजजित्यायै संमार्ज्म्य् अग्निम् अन्नादम् अन्नाद्यायेति
sakṛd āhavanīyam upavājayaty agne vājajidvājaṃ tvāgne sasṛvāṃsaṃ vājaṃ jigivāṃsaṃ vājinaṃ vājajitaṃ vājajityāyai saṃmārjmy agnim annādam annādyāyeti
- 5
अथैतानीध्मसंनहनान्य् अद्भिः संस्पर्श्याहवनीये ऽनुप्रहरति यो भूतानाम् अधिपती रुद्रस्तन्तिचरो वृषा पशून् अस्माकं मा हिंसीर् एतद् अस्तु हुतं तव स्वाहेति
athaitānīdhmasaṃnahanāny adbhiḥ saṃsparśyāhavanīye 'nupraharati yo bhūtānām adhipatī rudrastanticaro vṛṣā paśūn asmākaṃ mā hiṃsīr etad astu hutaṃ tava svāheti
- 6
अथ जुहूपभृताव् आदायात्याक्रम्याश्राव्याह देवान्यजेति
atha juhūpabhṛtāv ādāyātyākramyāśrāvyāha devānyajeti
- 7
वषट्कृते जुहोति यज यजेति
vaṣaṭkṛte juhoti yaja yajeti
- 8
त्रीन्प्रतीचो ऽनूयाजान्यजति
trīnpratīco 'nūyājānyajati
- 9
प्राचान्ततः सम्भिनत्ति
prācāntataḥ sambhinatti
- 10
अथोदङ्ङ् अत्याक्रम्य यथायतनं स्रुचौ सादयित्वा वाजवतीभ्यां स्रुचौ व्यूहति वाजस्य मा प्रसवेन उद्ग्राभेणोदग्रभीदिति
athodaṅṅ atyākramya yathāyatanaṃ srucau sādayitvā vājavatībhyāṃ srucau vyūhati vājasya mā prasavena udgrābheṇodagrabhīditi
- 11
दक्षिणेन जुहूम् उद्गृह्णाति
dakṣiṇena juhūm udgṛhṇāti
- 12
अथा सपत्नाꣳ इन्द्रो मे निग्राभेणाधराꣳ अकर् इति सव्येनोपभृतं निगृह्णाति
athā sapatnām̐ indro me nigrābheṇādharām̐ akar iti savyenopabhṛtaṃ nigṛhṇāti
- 13
उद्ग्राभं च निग्राभं च ब्रह्म देवा अवीवृधन् इति प्राचीं जुहूम् ऊहति
udgrābhaṃ ca nigrābhaṃ ca brahma devā avīvṛdhan iti prācīṃ juhūm ūhati
- 14
अथा सपत्नान् इन्द्राग्नी मे विषूचीनान्व्यस्यताम् इति प्रतीचीम् उपभृतं प्रत्यूहति
athā sapatnān indrāgnī me viṣūcīnānvyasyatām iti pratīcīm upabhṛtaṃ pratyūhati
- 15
प्राच्या परिधीन् अनक्ति वसुभ्यस्त्वेति मध्यमम्रुद्रेभ्यस्त्वेति दक्षिणम् आदित्येभ्यस्त्वेत्य् उत्तरम्
prācyā paridhīn anakti vasubhyastveti madhyamamrudrebhyastveti dakṣiṇam ādityebhyastvety uttaram
- 16
अथोपभृतम् अद्भिः संस्पर्श्य यथायतनं स्रुचौ सादयित्वा स्रुक्षु प्रस्तरम् अनक्ति
athopabhṛtam adbhiḥ saṃsparśya yathāyatanaṃ srucau sādayitvā srukṣu prastaram anakti
- 17
अक्तं रिहाणा इति जुह्वाम् अग्राणि वियन्तु वय इत्य् उपभृति मध्यानि प्रजां योनिं मा निर्मृक्षम् इति ध्रुवायां मूलानि
aktaṃ rihāṇā iti juhvām agrāṇi viyantu vaya ity upabhṛti madhyāni prajāṃ yoniṃ mā nirmṛkṣam iti dhruvāyāṃ mūlāni
- 18
अथ प्रस्तरात्तृणं प्रच्छिद्य जुह्वाम् अवदधाति
atha prastarāttṛṇaṃ pracchidya juhvām avadadhāti
- 19
अथाश्रावयत्य् ओ श्रावयास्तु श्रौषड् इषिता दैव्या होतारो भद्रवाच्याय प्रेषितो मानुषः सूक्तवाकाय सूक्ता ब्रूहीति
athāśrāvayaty o śrāvayāstu śrauṣaḍ iṣitā daivyā hotāro bhadravācyāya preṣito mānuṣaḥ sūktavākāya sūktā brūhīti
- 20
तम् उपरीव प्राञ्चं प्रहरति नात्य् अग्रं प्रहरति न पुरस्तात्प्रत्यस्यति न प्रतिशृणाति न विष्वञ्चं वियौत्य् ऊर्ध्वम् उद्यौति आप्यायन्ताम् आप ओषधयो मरुतां पृषतय स्थ दिवं गच्छ ततो नो वृष्टिम् एरयेति
tam uparīva prāñcaṃ praharati nāty agraṃ praharati na purastātpratyasyati na pratiśṛṇāti na viṣvañcaṃ viyauty ūrdhvam udyauti āpyāyantām āpa oṣadhayo marutāṃ pṛṣataya stha divaṃ gaccha tato no vṛṣṭim erayeti
- 22
अथाग्नीध्रम् ईक्षते ऽग्नीदिति
athāgnīdhram īkṣate 'gnīditi
- 23
तम् आहाग्नीध्रः संवदस्वेति
tam āhāgnīdhraḥ saṃvadasveti
- 24
अगन् अग्नीद् इत्य् आहाध्वर्युः
agan agnīd ity āhādhvaryuḥ
- 25
अगन् इत्य् आहाग्नीध्रः
agan ity āhāgnīdhraḥ
- 26
श्रावयेत्य् आहाध्वर्युः
śrāvayety āhādhvaryuḥ
- 27
श्रौषडित्य् आहाग्नीध्रः
śrauṣaḍity āhāgnīdhraḥ
- 28
इदं ब्रूहीत्य् आहाध्वर्युः
idaṃ brūhīty āhādhvaryuḥ
- 29
अनुप्रहरेत्य् आहाग्नीध्रः
anupraharety āhāgnīdhraḥ
- 30
अनुप्रहरति
anupraharati
- 31
स्वगा दैव्या होतृभ्यः स्वस्तिर्मानुषेभ्यः शंयोर्ब्रूहीति
svagā daivyā hotṛbhyaḥ svastirmānuṣebhyaḥ śaṃyorbrūhīti

