21 shlokas
- 1
अथ यत्र होतुर् अभिजानाति घृतवतीम् अध्वर्यो स्रुचम् आस्यस्वेति तज्जुहूपभृताव् आदायात्याक्रम्याश्राव्याह समिधो यजेति
atha yatra hotur abhijānāti ghṛtavatīm adhvaryo srucam āsyasveti tajjuhūpabhṛtāv ādāyātyākramyāśrāvyāha samidho yajeti
- 2
वषट्कृते जुहोति यज यजेति
vaṣaṭkṛte juhoti yaja yajeti
- 3
चतुर्थं यक्ष्यन्न् अर्धम् औपभृतस्याज्यस्य जुह्वां समानयते
caturthaṃ yakṣyann ardham aupabhṛtasyājyasya juhvāṃ samānayate
- 4
पञ्च प्रयाजान् इष्ट्वोदङ्ङ् अत्याक्रम्य संस्रावेणानुपूर्वं हवींष्य् अभिघारयति ध्रुवाम् एवाग्रे ऽथ दक्षिणं पुरोडाशम् अथ ध्रुवाम् अथोत्तरं पुरोडाशम् अथ शृतम् अथ दध्य् उपभृतम् अन्ततः
pañca prayājān iṣṭvodaṅṅ atyākramya saṃsrāveṇānupūrvaṃ havīṃṣy abhighārayati dhruvām evāgre 'tha dakṣiṇaṃ puroḍāśam atha dhruvām athottaraṃ puroḍāśam atha śṛtam atha dadhy upabhṛtam antataḥ
- 5
अथ चतुर आज्यस्य गृह्णान आहाग्नये ऽनुब्रूहीति
atha catura ājyasya gṛhṇāna āhāgnaye 'nubrūhīti
- 6
अत्याक्रम्याश्राव्याहाग्निं यजेति
atyākramyāśrāvyāhāgniṃ yajeti
- 7
वषट्कृत उत्तरार्धपूर्वार्धे प्रतिमुखं प्रबाहुग्जुहोति
vaṣaṭkṛta uttarārdhapūrvārdhe pratimukhaṃ prabāhugjuhoti
- 8
अथोदङ्ङ् अत्याक्रम्य चतुर एवाज्यस्य गृह्णान आह सोमायानुब्रूहीति
athodaṅṅ atyākramya catura evājyasya gṛhṇāna āha somāyānubrūhīti
- 9
अत्याक्रम्याश्राव्याह सोमं यजेति
atyākramyāśrāvyāha somaṃ yajeti
- 10
वषट्कृते दक्षिणार्धपूर्वार्धे प्रतिमुखं प्रबाहुग्जुहोति
vaṣaṭkṛte dakṣiṇārdhapūrvārdhe pratimukhaṃ prabāhugjuhoti
- 11
अथोपस्तीर्य दक्षिणस्य पुरोडाशस्य पूर्वार्धाद् अवद्यन्न् आह अग्नये ऽनुब्रूहीति
athopastīrya dakṣiṇasya puroḍāśasya pūrvārdhād avadyann āha agnaye 'nubrūhīti
- 12
अथैनम् उपतिष्ठते मा भेर्मा संविक्था मा त्वा हिंसिषम्मा ते तेजो ऽपक्रमीद् इति
athainam upatiṣṭhate mā bhermā saṃvikthā mā tvā hiṃsiṣammā te tejo 'pakramīd iti
- 13
अथैनम् अभिमृशति भरतम् उद्धरेम् अनुषिञ्च अवदानानि ते प्रत्यवदास्यामि नमस्ते ऽस्तु मा मा हिंसीर् इति
athainam abhimṛśati bharatam uddharem anuṣiñca avadānāni te pratyavadāsyāmi namaste 'stu mā mā hiṃsīr iti
- 14
पूर्वार्धाद् अवदायापरार्धाद् अवद्यति
pūrvārdhād avadāyāparārdhād avadyati
- 15
अभिघारयति प्रत्यनक्ति यद् अवदानानि ते ऽवद्यन्विलोमाकार्षम् आत्मन आज्येन प्रत्यनज्म्य् एनत्तत्त आप्यायतां पुनर् इति
abhighārayati pratyanakti yad avadānāni te 'vadyanvilomākārṣam ātmana ājyena pratyanajmy enattatta āpyāyatāṃ punar iti
- 16
अत्याक्रम्याश्राव्याहाग्निं यजेति
atyākramyāśrāvyāhāgniṃ yajeti
- 17
वषट्कृते जुहोति
vaṣaṭkṛte juhoti
- 18
अथ चतुर आज्यस्य गृह्णान आह प्रजापतय इत्य् उपांशु अनुब्रूहीत्य् उच्चैः
atha catura ājyasya gṛhṇāna āha prajāpataya ity upāṃśu anubrūhīty uccaiḥ
- 19
अत्याक्रम्याश्राव्याह प्रजापतिम् इत्य् उपांशु यजेत्य् उच्चैः
atyākramyāśrāvyāha prajāpatim ity upāṃśu yajety uccaiḥ
- 20
वषट्कृते जुहोति
vaṣaṭkṛte juhoti
- 21
अथोपस्तीर्योत्तरस्य पुरोडाशस्यापरार्धाद् अवद्यन्न् आहाग्नीषोमाभ्याम् इति पौर्णमास्याम् इन्द्राय वैमृधायेति च इन्द्राग्निभ्याम् इत्य् अमावास्यायाम् असंनयत इन्द्रायेति संनयतो महेन्द्रायेति वा यदि महेन्द्रयाजी भवति
athopastīryottarasya puroḍāśasyāparārdhād avadyann āhāgnīṣomābhyām iti paurṇamāsyām indrāya vaimṛdhāyeti ca indrāgnibhyām ity amāvāsyāyām asaṃnayata indrāyeti saṃnayato mahendrāyeti vā yadi mahendrayājī bhavati

