28 shlokas
- 1
समान उपस्थानः
samāna upasthānaḥ
- 2
समानो ऽभिमर्शनः
samāno 'bhimarśanaḥ
- 3
अपरार्धाद् अवदाय पूर्वार्धाद् अवद्यति
aparārdhād avadāya pūrvārdhād avadyati
- 4
अभिघारयति
abhighārayati
- 5
समानः प्रत्यञ्जनः
samānaḥ pratyañjanaḥ
- 6
अत्याक्रम्याश्राव्याहाग्नीषोमौ यजेति
atyākramyāśrāvyāhāgnīṣomau yajeti
- 7
वषट्कृते जुहोति
vaṣaṭkṛte juhoti
- 8
अथोपस्तीर्य द्विः पुरोडाशस्यावद्यन्न् आहेन्द्रायानुब्रूहीति महेन्द्रायेति वा यदि महेन्द्रयाजी भवति
athopastīrya dviḥ puroḍāśasyāvadyann āhendrāyānubrūhīti mahendrāyeti vā yadi mahendrayājī bhavati
- 9
द्विः पुरोडाशस्यावद्यति द्विः शृतस्य द्विर्दध्नः
dviḥ puroḍāśasyāvadyati dviḥ śṛtasya dvirdadhnaḥ
- 10
अभिघारयति
abhighārayati
- 11
प्रत्यनक्ति
pratyanakti
- 12
अत्याक्रम्याश्राव्याहेन्द्रं यजेति महेन्द्रम् इति वा यदि महेन्द्रयाजी भवति
atyākramyāśrāvyāhendraṃ yajeti mahendram iti vā yadi mahendrayājī bhavati
- 13
वषट्कृते जुहोति
vaṣaṭkṛte juhoti
- 14
अथोपस्तीर्य दक्षिणस्य पुरोडाशस्योत्तरार्धाद् अवद्यन्न् आहाग्नये स्विष्टकृते ऽनुब्रूहीति
athopastīrya dakṣiṇasya puroḍāśasyottarārdhād avadyann āhāgnaye sviṣṭakṛte 'nubrūhīti
- 15
सकृद्दक्षिणस्य पुरोडाशस्योत्तरार्धाद् अवद्यति सकृद्ध्रुवाज्यात्सकृद् उत्तरस्य पुरोडाशस्य सकृच्छृतस्य सकृद्दध्नः
sakṛddakṣiṇasya puroḍāśasyottarārdhād avadyati sakṛddhruvājyātsakṛd uttarasya puroḍāśasya sakṛcchṛtasya sakṛddadhnaḥ
- 16
द्विर् अभिघारयति
dvir abhighārayati
- 17
न प्रत्यनक्ति
na pratyanakti
- 18
अवत्ते स्विष्टकृति स्रुवेण पार्वणौ होमौ जुहोत्य् ऋषभं वाजिनं वयम्पूर्णमासं यजामहे स नो दोहतां सुवीर्यम्रायस्पोषं सहस्रिणं प्राणाय सुराधसे पूर्णमासाय स्वाहेति पौर्णमास्याम्
avatte sviṣṭakṛti sruveṇa pārvaṇau homau juhoty ṛṣabhaṃ vājinaṃ vayampūrṇamāsaṃ yajāmahe sa no dohatāṃ suvīryamrāyaspoṣaṃ sahasriṇaṃ prāṇāya surādhase pūrṇamāsāya svāheti paurṇamāsyām
- 19
अमावास्या सुभगा सुशेवा धेनुर् इव भूय आप्यायमाना सा नो दोहतां सुवीर्यम्रायस्पोषं सहस्रिणम् अपानाय सुराधसे ऽमावास्यायै स्वाहेत्य् अमावास्यायाम्
amāvāsyā subhagā suśevā dhenur iva bhūya āpyāyamānā sā no dohatāṃ suvīryamrāyaspoṣaṃ sahasriṇam apānāya surādhase 'māvāsyāyai svāhety amāvāsyāyām
- 20
अत्याक्रम्याश्राव्याहाग्निं स्विष्टकृतं यजेति
atyākramyāśrāvyāhāgniṃ sviṣṭakṛtaṃ yajeti
- 21
वषट्कृत उत्तरार्धपूर्वार्धे ऽतिहाय पूर्वा आहुतीर्जुहोति
vaṣaṭkṛta uttarārdhapūrvārdhe 'tihāya pūrvā āhutīrjuhoti
- 22
अत्रैतन्मेक्षणम् आहवनीये ऽनुप्रहरति
atraitanmekṣaṇam āhavanīye 'nupraharati
- 23
अथैनत्संस्रावेणाभिजुहोति
athainatsaṃsrāveṇābhijuhoti
- 24
अथोदङ्ङ् अत्याक्रम्य जुह्वाम् अप आनीय संक्षालनम् अन्तःपरिधि निनयति वैश्वानरे हविर् इदं जुहोमि साहस्रम् उत्सं शतधारम् एतं स नः पितरं पितामहं प्रपितामहम्सुवर्गे लोके गच्छतु पिन्वमानं स्वधा नम इति
athodaṅṅ atyākramya juhvām apa ānīya saṃkṣālanam antaḥparidhi ninayati vaiśvānare havir idaṃ juhomi sāhasram utsaṃ śatadhāram etaṃ sa naḥ pitaraṃ pitāmahaṃ prapitāmahamsuvarge loke gacchatu pinvamānaṃ svadhā nama iti
- 25
निर्णिज्य स्रुचं निष्टप्याद्भिः पूरयित्वा बहिःपरिधि निनयतीमं समुद्रं शतधारम् उत्सम्व्यच्यमानं भुवनस्य मध्ये घृतं दुहानाम् अदितिं जनायाग्ने मा हिंसीः परमे व्योमन् इति
nirṇijya srucaṃ niṣṭapyādbhiḥ pūrayitvā bahiḥparidhi ninayatīmaṃ samudraṃ śatadhāram utsamvyacyamānaṃ bhuvanasya madhye ghṛtaṃ duhānām aditiṃ janāyāgne mā hiṃsīḥ parame vyoman iti
- 26
अत्रैतद् औपभृतम् आज्यं सर्वश एव जुह्वां समानयते
atraitad aupabhṛtam ājyaṃ sarvaśa eva juhvāṃ samānayate
- 27
अथ यथायतनं स्रुचौ सादयित्वा प्राशित्रम् अवद्यति दक्षिणस्य पुरोडाशस्योत्तरार्धाद्यवमात्रम् अज्यायो यवमात्राद् आव्याधात्कृत्यताम् इदं मा रूरुपाम यज्ञस्य शुद्धं स्विष्टम् इदं हविर् इति
atha yathāyatanaṃ srucau sādayitvā prāśitram avadyati dakṣiṇasya puroḍāśasyottarārdhādyavamātram ajyāyo yavamātrād āvyādhātkṛtyatām idaṃ mā rūrupāma yajñasya śuddhaṃ sviṣṭam idaṃ havir iti
- 28
अथैनत्स्रुवदण्डेनाभिघार्य जघनेन प्रणीताः सादयित्वाद्भिः स्रुवदण्डं संस्पर्श्यावदधाति
athainatsruvadaṇḍenābhighārya jaghanena praṇītāḥ sādayitvādbhiḥ sruvadaṇḍaṃ saṃsparśyāvadadhāti

