7 shlokas
- 1
अथातः पवित्रातिपवित्रस्याघमर्षणस्य कल्पं व्याख्यास्यामः
athātaḥ pavitrātipavitrasyāghamarṣaṇasya kalpaṃ vyākhyāsyāmaḥ
- 2
तीर्थं गत्वा स्नातः शुचिवासा उदकान्ते स्थण्डिलम् उद्धृत्य सकृत्क्लिन्नेन वाससा सकृत्पूर्णेन पाणिनादित्याभिमुखो ऽघमर्षणं स्वाध्यायम् अधीयीत
tīrthaṃ gatvā snātaḥ śucivāsā udakānte sthaṇḍilam uddhṛtya sakṛtklinnena vāsasā sakṛtpūrṇena pāṇinādityābhimukho 'ghamarṣaṇaṃ svādhyāyam adhīyīta
- 3
प्रातः शतं मध्याह्ने शतम् अपराह्णे शतम् अपरिमितं वा
prātaḥ śataṃ madhyāhne śatam aparāhṇe śatam aparimitaṃ vā
- 4
उदितेषु नक्षत्रेषु प्रसृतियावकं प्राश्नीयात्
uditeṣu nakṣatreṣu prasṛtiyāvakaṃ prāśnīyāt
- 5
ज्ञानकृतेभ्यो ऽज्ञानकृतेभ्यश्चोपपातकेभ्यः सप्तरात्रात्प्रमुच्यते द्वादशरात्राद्भ्रूणहननं गुरुतल्पगमनं सुवर्णस्तैन्यं सुरापानम् इति च वर्जयित्वा
jñānakṛtebhyo 'jñānakṛtebhyaścopapātakebhyaḥ saptarātrātpramucyate dvādaśarātrādbhrūṇahananaṃ gurutalpagamanaṃ suvarṇastainyaṃ surāpānam iti ca varjayitvā
- 6
एकविंशतिरात्रात्तान्य् अपि तरति तान्य् अपि जयति
ekaviṃśatirātrāttāny api tarati tāny api jayati
- 7
सर्वं तरति सर्वं जयति सर्वक्रतुफलम् अवाप्नोति सर्वेषु तीर्थेषु स्नातो भवति सर्वेषु वेदेषु चीर्णव्रतो भवति सर्वैर्देवैर्ज्ञातो भवत्य् आ चक्षुषः पङ्क्तिं पुनाति कर्माणि चास्य सिध्यन्तीति बौधायनः
sarvaṃ tarati sarvaṃ jayati sarvakratuphalam avāpnoti sarveṣu tīrtheṣu snāto bhavati sarveṣu vedeṣu cīrṇavrato bhavati sarvairdevairjñāto bhavaty ā cakṣuṣaḥ paṅktiṃ punāti karmāṇi cāsya sidhyantīti baudhāyanaḥ

