16 shlokas
- 1
अथ कमण्डलुचर्याम् उपदिशन्ति
atha kamaṇḍalucaryām upadiśanti
- 2
छागस्य दक्षिणे कर्णे पाणौ विप्रस्य दक्षिणे
अप्सु चैव कुशस्तम्बे पावकः परिपठ्यते
chāgasya dakṣiṇe karṇe pāṇau viprasya dakṣiṇe
apsu caiva kuśastambe pāvakaḥ paripaṭhyate
- 3
तस्माच्छौचं कृत्वा पाणिना परिमृजीत पर्यग्निकरणं हि तत् उद्दीप्यस्व जातवेद इति पुनर्दाहाद्विशिष्यते
tasmācchaucaṃ kṛtvā pāṇinā parimṛjīta paryagnikaraṇaṃ hi tat uddīpyasva jātaveda iti punardāhādviśiṣyate
- 4
तत्रापि किंचित्संस्पृष्टं मनसि मन्येत कुशैर्वा तृणैर्वा प्रज्वाल्य प्रदक्षिणं परिदहनम्
अत ऊर्ध्वं श्ववायसप्रभृत्युपहतानाम् अग्निवर्ण इत्युपदिशन्ति
tatrāpi kiṃcitsaṃspṛṣṭaṃ manasi manyeta kuśairvā tṛṇairvā prajvālya pradakṣiṇaṃ paridahanam
ata ūrdhvaṃ śvavāyasaprabhṛtyupahatānām agnivarṇa ityupadiśanti
- 5
मूत्रपुरीषलोहितरेतःप्रभृत्युपहतानाम् उत्सर्गः
mūtrapurīṣalohitaretaḥprabhṛtyupahatānām utsargaḥ
- 6
भग्ने कमण्डलौ व्याहृतिभिः शतं जुहुयाज्जपेद्वा
bhagne kamaṇḍalau vyāhṛtibhiḥ śataṃ juhuyājjapedvā
- 7
भूमिर्भूमिम् अगान्माता मातरम् अप्यगात्भूयास्म पुत्रैः पशुभिर्यो नो द्वेष्टि स भिद्यताम् इति
कपालानि संहृत्याप्सु प्रक्षिप्य सावित्रीं दशावरां कृत्वा पुनर् एवान्यं गृह्णीयात्
bhūmirbhūmim agānmātā mātaram apyagātbhūyāsma putraiḥ paśubhiryo no dveṣṭi sa bhidyatām iti
kapālāni saṃhṛtyāpsu prakṣipya sāvitrīṃ daśāvarāṃ kṛtvā punar evānyaṃ gṛhṇīyāt
- 8
वरुणम् आश्रित्य एतत्ते वरुण पुनर् एव माम् ओम् इति अक्षरं ध्यायेत्
varuṇam āśritya etatte varuṇa punar eva mām om iti akṣaraṃ dhyāyet
- 9
शूद्राद्गृह्य शतं कुर्याद्वैश्याद् अर्धशतं स्मृतम्
क्षत्रियात्पञ्चविंशत्तु ब्राह्मणाद्दश कीर्तिताः
śūdrādgṛhya śataṃ kuryādvaiśyād ardhaśataṃ smṛtam
kṣatriyātpañcaviṃśattu brāhmaṇāddaśa kīrtitāḥ
- 10
अस्तमित आदित्य उदकं गृह्णीयान्न गृह्णीयाद् इति मीमांसन्ते ब्रह्मवादिनः
astamita āditya udakaṃ gṛhṇīyānna gṛhṇīyād iti mīmāṃsante brahmavādinaḥ
- 11
गृह्णीयाद् इत्य् एतद् अपरम्
gṛhṇīyād ity etad aparam
- 12
यावद् उदकं गृह्णीयात्तावत्प्राणम् आयच्छेत्
yāvad udakaṃ gṛhṇīyāttāvatprāṇam āyacchet
- 13
अग्निर्ह वै ह्य् उदकं गृह्णाति
agnirha vai hy udakaṃ gṛhṇāti
- 14
कमण्डलूदकेनाभिषिक्तपाणिपादो यावद् आर्द्रं तावदशुचिः परेषाम् आत्मानम् एव पूतम्करोति नान्यत्कर्म कुर्वीतेति विज्ञायते
kamaṇḍalūdakenābhiṣiktapāṇipādo yāvad ārdraṃ tāvadaśuciḥ pareṣām ātmānam eva pūtamkaroti nānyatkarma kurvīteti vijñāyate
- 15
अपि वा प्रतिशौचम् आ मणिबन्धाच्छुचिर् इति बौधायनः
api vā pratiśaucam ā maṇibandhācchucir iti baudhāyanaḥ
- 16
अथाप्य् उदाहरन्ति
athāpy udāharanti

