32 shlokas
- 1
शुचिम् अध्वरं देवा जुषन्ते
śucim adhvaraṃ devā juṣante
- 2
शुचिकामा हि देवाः शुचयश्च
śucikāmā hi devāḥ śucayaśca
- 3
तद् एषाभिवदति
ओम्
शुची वो हव्या मरुतः शुचीनां शुचिं हिनोम्य् अध्वरं शुचिभ्यः
ऋतेन सत्यम् ऋतसाप आयञ्शुचिजन्मानः शुचयः पावकाः
इति
tad eṣābhivadati
om
śucī vo havyā marutaḥ śucīnāṃ śuciṃ hinomy adhvaraṃ śucibhyaḥ
ṛtena satyam ṛtasāpa āyañśucijanmānaḥ śucayaḥ pāvakāḥ
iti
- 4
अहतं वाससां शुचि
तस्माद्यत्किं चेज्यासंयुक्तं स्यात्सर्वं तद् अहतैर्वासोभिः कुर्यात्
ahataṃ vāsasāṃ śuci
tasmādyatkiṃ cejyāsaṃyuktaṃ syātsarvaṃ tad ahatairvāsobhiḥ kuryāt
- 5
प्रक्षालितोपवातान्य् अक्लिष्टानि वासांसि पत्नीयजमानाव् ऋत्विजश्च परिदधीरन्
prakṣālitopavātāny akliṣṭāni vāsāṃsi patnīyajamānāv ṛtvijaśca paridadhīran
- 6
एवं प्रक्रमाद् ऊर्ध्वम्
evaṃ prakramād ūrdhvam
- 7
दीर्घसोमेषु सत्त्रेषु चैवम्
dīrghasomeṣu sattreṣu caivam
- 8
यथासमाम्नातं च
yathāsamāmnātaṃ ca
- 9
यथैतद् अभिचरणीयेष्व् इष्टिपशुसोमेषु लोहितोष्णीषा लोहितवाससश्चर्त्विजः प्रचरेयुश्चित्रवाससश्चित्रासङ्गा वृषाकपाव् इति च
yathaitad abhicaraṇīyeṣv iṣṭipaśusomeṣu lohitoṣṇīṣā lohitavāsasaścartvijaḥ pracareyuścitravāsasaścitrāsaṅgā vṛṣākapāv iti ca
- 10
अग्न्याधाने क्षौमाणि वासांसि तेषाम् अलाभे कार्पासिकान्य् और्णानि वा भवन्ति
agnyādhāne kṣaumāṇi vāsāṃsi teṣām alābhe kārpāsikāny aurṇāni vā bhavanti
- 11
मूत्रपुरीषलोहितरेतःप्रभृत्युपहतानां मृदाद्भिर् इति प्रक्षालनम्
mūtrapurīṣalohitaretaḥprabhṛtyupahatānāṃ mṛdādbhir iti prakṣālanam
- 12
वासोवत्तार्प्यवल्कलानाम्
vāsovattārpyavalkalānām
- 13
वल्कलवत्कृष्णाजिनानाम्
valkalavatkṛṣṇājinānām
- 14
न परिहितम् अधिरूढम् अप्रक्षालितं प्रावरणम्
na parihitam adhirūḍham aprakṣālitaṃ prāvaraṇam
- 15
नापल्पूलितं मनुष्यसंयुक्तं देवत्रा युञ्ज्यात्
nāpalpūlitaṃ manuṣyasaṃyuktaṃ devatrā yuñjyāt
- 16
घनाया भूमेर् उपघात उपलेपनम्
ghanāyā bhūmer upaghāta upalepanam
- 17
सुषिरायाः कर्षणम्
suṣirāyāḥ karṣaṇam
- 18
क्लिन्नाया मेध्यम् आहृत्य प्रच्छादनम्
klinnāyā medhyam āhṛtya pracchādanam
- 19
चतुर्भिः शुध्यते भूमिर्गोभिर् आक्रमणात्खननाद्दहनाद् अभिवर्षणात्
caturbhiḥ śudhyate bhūmirgobhir ākramaṇātkhananāddahanād abhivarṣaṇāt
- 20
पञ्चमाच्चोपलेपनात्षष्ठात्कालात्
pañcamāccopalepanātṣaṣṭhātkālāt
- 21
असंस्कृतायां भूमौ न्यस्तानां तृणानां प्रक्षालनम्
asaṃskṛtāyāṃ bhūmau nyastānāṃ tṛṇānāṃ prakṣālanam
- 22
परोक्षोपहतानाम् अभ्युक्षणम्
parokṣopahatānām abhyukṣaṇam
- 23
एवं क्षुद्रसमिधाम्
evaṃ kṣudrasamidhām
- 24
महतां काष्ठानाम् उपघाते प्रक्षाल्यावशोषणम्
mahatāṃ kāṣṭhānām upaghāte prakṣālyāvaśoṣaṇam
- 25
बहूनां तु प्रोक्षणम्
bahūnāṃ tu prokṣaṇam
- 26
दारुमयाणां पात्राणाम् उच्छिष्टसमन्वारब्धानाम् अवलेखनम्
dārumayāṇāṃ pātrāṇām ucchiṣṭasamanvārabdhānām avalekhanam
- 27
उच्छिष्टलेपोपहतानाम् अवतक्षणम्
ucchiṣṭalepopahatānām avatakṣaṇam
- 28
मूत्रपुरीषलोहितरेतःप्रभृत्युपहतानाम् उत्सर्गः
mūtrapurīṣalohitaretaḥprabhṛtyupahatānām utsargaḥ
- 29
तद् एतद् अन्यत्र निर्देशात्
tad etad anyatra nirdeśāt
- 30
यथैतद् अग्निहोत्रे घर्मोच्छिष्टे च दधिघर्मे च कुण्डपायिनाम् अयने चोत्सर्गिणाम् अयने च दाक्षायणयज्ञे चेडादधे च चतुश्चक्रे च ब्रह्मौदनेषु च तेषु सर्वेषु दर्भैर् अद्भिः प्रक्षालनम्
yathaitad agnihotre gharmocchiṣṭe ca dadhigharme ca kuṇḍapāyinām ayane cotsargiṇām ayane ca dākṣāyaṇayajñe ceḍādadhe ca catuścakre ca brahmaudaneṣu ca teṣu sarveṣu darbhair adbhiḥ prakṣālanam

