41 shlokas
- 1
सपिण्डेष्व् आ दशाहम् आशौचम् इति जननमरणयोर् अधिकृत्य वदन्त्य् ऋत्विग्दीक्षितब्रह्मचारिवर्जम्
sapiṇḍeṣv ā daśāham āśaucam iti jananamaraṇayor adhikṛtya vadanty ṛtvigdīkṣitabrahmacārivarjam
- 2
सपिण्डता त्व् आ सप्तमात्सपिण्डेषु
sapiṇḍatā tv ā saptamātsapiṇḍeṣu
- 3
आ सप्तमासाद् आ दन्तजननाद्वोदकोपस्पर्शनम्
ā saptamāsād ā dantajananādvodakopasparśanam
- 4
पिण्डोदकक्रिया प्रेते नात्रिवर्षे विधीयते
आ दन्तजननाद्वापि दहनं च न कारयेत्
piṇḍodakakriyā prete nātrivarṣe vidhīyate
ā dantajananādvāpi dahanaṃ ca na kārayet
- 5
अप्रत्तासु च कन्यासु
aprattāsu ca kanyāsu
- 6
प्रत्तास्व् एके ह कुर्वते
prattāsv eke ha kurvate
- 7
लोकसंग्रहणार्थं हि तद् अमन्त्राः स्त्रियो मताः
lokasaṃgrahaṇārthaṃ hi tad amantrāḥ striyo matāḥ
- 8
स्त्रीणाम् अकृतविवाहानां त्र्यहाच्छुध्यन्ति बान्धवाः
यथोक्तेनैव कल्पेन शुध्यन्ति च सनाभय इति
strīṇām akṛtavivāhānāṃ tryahācchudhyanti bāndhavāḥ
yathoktenaiva kalpena śudhyanti ca sanābhaya iti
- 9
अपि च प्रपितामहः पितामहः पिता स्वयं सोदर्या भ्रातरः सवर्णायाः पुत्रः पौत्रः प्रपौत्रस्तत्पुत्रवर्जं तेषां च पुत्रपौत्रम् अविभक्तदायम्सपिण्डान् आचक्षते
api ca prapitāmahaḥ pitāmahaḥ pitā svayaṃ sodaryā bhrātaraḥ savarṇāyāḥ putraḥ pautraḥ prapautrastatputravarjaṃ teṣāṃ ca putrapautram avibhaktadāyamsapiṇḍān ācakṣate
- 10
विभक्तदायान् अपि सकुल्यान् आचक्षते
vibhaktadāyān api sakulyān ācakṣate
- 11
असत्स्व् अन्येषु तद्गामी ह्य् अर्थो भवति
asatsv anyeṣu tadgāmī hy artho bhavati
- 12
सपिण्डाभावे सकुल्यः
sapiṇḍābhāve sakulyaḥ
- 13
तदभावे पिताचार्यो ऽन्तेवास्य् ऋत्विग्वा हरेत्
tadabhāve pitācāryo 'ntevāsy ṛtvigvā haret
- 14
तदभावे राजा तत्स्वं त्रैविद्यवृद्धेभ्यः सम्प्रयच्छेत्
tadabhāve rājā tatsvaṃ traividyavṛddhebhyaḥ samprayacchet
- 15
न त्व् एव कदाचित्स्वयं राजा ब्राह्मणस्वम् आददीत
na tv eva kadācitsvayaṃ rājā brāhmaṇasvam ādadīta
- 16
अथाप्य् उदाहरन्ति
ब्रह्मस्वं पुत्रपौत्रघ्नं विषम् एकाकिनं हरेत्
न विषं विषम् इत्य् आहुर्ब्रह्मस्वं विषम् उच्यते
तस्माद्राजा ब्राह्मणस्वं नाददीत
परमं ह्य् एतद्विषं यद्ब्राह्मणस्वम् इति
athāpy udāharanti
brahmasvaṃ putrapautraghnaṃ viṣam ekākinaṃ haret
na viṣaṃ viṣam ity āhurbrahmasvaṃ viṣam ucyate
tasmādrājā brāhmaṇasvaṃ nādadīta
paramaṃ hy etadviṣaṃ yadbrāhmaṇasvam iti
- 17
जननमरणयोः संनिपाते समानो दशरात्रः
jananamaraṇayoḥ saṃnipāte samāno daśarātraḥ
- 18
अथ यदि दशरात्राः संनिपतेयुर् आद्यं दशरात्रम् आशौचम् आ नवमाद्दिवसात्
atha yadi daśarātrāḥ saṃnipateyur ādyaṃ daśarātram āśaucam ā navamāddivasāt
- 19
जनने तावन्मातापित्रोर्दशाहम् आशौचम्
janane tāvanmātāpitrordaśāham āśaucam
- 20
मातुर् इत्य् एके तत्परिहरणात्
mātur ity eke tatpariharaṇāt
- 21
पितुर् इत्य् अपरे शुक्रप्राधान्यात्
pitur ity apare śukraprādhānyāt
- 22
अयोनिजा ह्य् अपि पुत्राः श्रूयन्ते
ayonijā hy api putrāḥ śrūyante
- 23
मातापित्रोर् एव तु संसर्गसामान्यात्
mātāpitror eva tu saṃsargasāmānyāt
- 24
मरणे तु यथाबालं पुरस्कृत्य यज्ञोपवीतान्य् अपसव्यानि कृत्वा तीर्थम् अवतीर्य सकृत्सकृत्त्रिर्निमज्ज्योन्मज्ज्योत्तीर्याचम्य तत्प्रत्ययम् उदकम् आसिच्यात एवोत्तीर्याचम्य गृहद्वार्य् अङ्गारम् उदकम् इति संस्पृश्याक्षारलवणाशिनो दशाहं कटम् आसीरन्
maraṇe tu yathābālaṃ puraskṛtya yajñopavītāny apasavyāni kṛtvā tīrtham avatīrya sakṛtsakṛttrirnimajjyonmajjyottīryācamya tatpratyayam udakam āsicyāta evottīryācamya gṛhadvāry aṅgāram udakam iti saṃspṛśyākṣāralavaṇāśino daśāhaṃ kaṭam āsīran
- 25
एकादश्यां द्वादश्यां वा श्राद्धकर्म
ekādaśyāṃ dvādaśyāṃ vā śrāddhakarma
- 26
शेषक्रियायां लोको ऽनुरोद्धव्यः
śeṣakriyāyāṃ loko 'nuroddhavyaḥ
- 27
अत्राप्य् असपिण्डेषु यथासन्नं त्रिरात्रम् अहोरात्रम् एकाहम् इति कुर्वीत
atrāpy asapiṇḍeṣu yathāsannaṃ trirātram ahorātram ekāham iti kurvīta
- 28
आचार्योपाध्यायतत्पुत्रेषु त्रिरात्रम्
ācāryopādhyāyatatputreṣu trirātram
- 29
ऋत्विजां च
ṛtvijāṃ ca
- 30
शिष्यसतीर्थ्यसब्रह्मचारिषु त्रिरात्रम् अहोरात्रम् एकाहम् इति कुर्वीत
śiṣyasatīrthyasabrahmacāriṣu trirātram ahorātram ekāham iti kurvīta

