12 shlokas
- 1
पित्र्यम् आयुष्यं स्वर्ग्यं यशस्यं पुष्टिकर्म च
pitryam āyuṣyaṃ svargyaṃ yaśasyaṃ puṣṭikarma ca
- 2
त्रिमधुस्त्रिणाचिकेतस्त्रिसुपर्णः पञ्चाग्निः षडङ्गविच्छीर्षको ज्येष्ठसामकः स्नातक इति पङ्क्तिपावनाः
trimadhustriṇāciketastrisuparṇaḥ pañcāgniḥ ṣaḍaṅgavicchīrṣako jyeṣṭhasāmakaḥ snātaka iti paṅktipāvanāḥ
- 3
तदभावे रहस्यवित्
tadabhāve rahasyavit
- 4
ऋचो यजूंषि सामानीति श्राद्धस्य महिमा
तस्माद् एवंविदं सपिण्डम् अप्य् आशयेत्
ṛco yajūṃṣi sāmānīti śrāddhasya mahimā
tasmād evaṃvidaṃ sapiṇḍam apy āśayet
- 5
राक्षोघ्नानि च सामानि स्वधावन्ति यजूंषि च
मध्वृचो ऽथ पवित्राणि श्रावयेद् आशयञ्शनैः
rākṣoghnāni ca sāmāni svadhāvanti yajūṃṣi ca
madhvṛco 'tha pavitrāṇi śrāvayed āśayañśanaiḥ
- 6
चरणवतो ऽनूचानान्योनिगोत्रमन्त्रासंबद्धाञ्शुचीन्मन्त्रवतस्त्र्यवरान् अयुजः पूर्वेद्युः प्रातर् एव वा निमन्त्र्य सदर्भोपकॢप्तेष्व् आसनेषु प्राङ्मुखान् उपवेशयत्य् उदङ्मुखान्वा
caraṇavato 'nūcānānyonigotramantrāsaṃbaddhāñśucīnmantravatastryavarān ayujaḥ pūrvedyuḥ prātar eva vā nimantrya sadarbhopakḷpteṣv āsaneṣu prāṅmukhān upaveśayaty udaṅmukhānvā
- 7
अथैनांस्तिलमिश्रा अपः प्रतिग्राह्य गन्धैर्माल्यैश्चालंकृत्य
अग्नौ करिष्यामीति
अनुज्ञातो ऽग्निम् उपसमाधाय संपरिस्तीर्याग्निमुखात्कृत्वान्नस्यैव तिस्र आहुतीर्जुहोति
सोमाय पितृपीताय स्वधा नमः स्वाहा
यमायाङ्गिरस्वते पितृमते स्वधा नमः स्वाहा
अग्नये कव्यवाहनाय स्विष्टकृते स्वधा नमः स्वाहेति
athaināṃstilamiśrā apaḥ pratigrāhya gandhairmālyaiścālaṃkṛtya
agnau kariṣyāmīti
anujñāto 'gnim upasamādhāya saṃparistīryāgnimukhātkṛtvānnasyaiva tisra āhutīrjuhoti
somāya pitṛpītāya svadhā namaḥ svāhā
yamāyāṅgirasvate pitṛmate svadhā namaḥ svāhā
agnaye kavyavāhanāya sviṣṭakṛte svadhā namaḥ svāheti
- 8
तच्छेषेणान्नम् अभिघार्यान्नस्यैता एव तिस्रो जुहुयात्
taccheṣeṇānnam abhighāryānnasyaitā eva tisro juhuyāt
- 9
वयसां पिण्डं दद्यात्
vayasāṃ piṇḍaṃ dadyāt
- 10
वयसां हि पितरः प्रतिमया चरन्तीति विज्ञायते
vayasāṃ hi pitaraḥ pratimayā carantīti vijñāyate
- 11
अथेतरत्साङ्गुष्ठेन पाणिनाभिमृशति
athetaratsāṅguṣṭhena pāṇinābhimṛśati
- 12
पृथिवीसमन्तस्य ते ऽग्निर् उपद्रष्टर्चस्ते महिमा दत्तस्याप्रमादाय पृथिवी ते पात्रं द्यौर् अपिधानं ब्रह्मणस्त्वा मुखे जुहोमि ब्राह्मणानां त्वा विद्यावतां प्राणापानयोर्जुहोम्य् अक्षितम् असि मा पितॄणां क्षेष्ठा अमुत्रामुष्मिंल्लोक इति
अन्तरिक्षसमन्तस्य ते वायुर् उपश्रोता यजूंषि ते महिमा दत्तस्याप्रमादाय पृथिवी ते पात्रं द्यौर् अपिधानं ब्रह्मणस्त्वा मुखे जुहोमि ब्राह्मणानां त्वा विद्यावतां प्राणापानयोर्जुहोम्य् अक्षितम् असि मा पितामहानां क्षेष्ठा अमुत्रामुष्मिंल्लोक इति
द्युसमन्तस्य त आदित्यो ऽनुख्याता सामानि ते महिमा दत्तस्याप्रमादाय पृथिवी ते पात्रं द्यौर् अपिधानं ब्रह्मणस्त्वा मुखे जुहोमि ब्राह्मणानां त्वा विद्यावतां प्राणापानयोर्जुहोम्य् अक्षितम् असि मा प्रपितामहानां क्षेष्ठा अमुत्रामुष्मिंल्लोक इति
pṛthivīsamantasya te 'gnir upadraṣṭarcaste mahimā dattasyāpramādāya pṛthivī te pātraṃ dyaur apidhānaṃ brahmaṇastvā mukhe juhomi brāhmaṇānāṃ tvā vidyāvatāṃ prāṇāpānayorjuhomy akṣitam asi mā pitṝṇāṃ kṣeṣṭhā amutrāmuṣmiṃlloka iti
antarikṣasamantasya te vāyur upaśrotā yajūṃṣi te mahimā dattasyāpramādāya pṛthivī te pātraṃ dyaur apidhānaṃ brahmaṇastvā mukhe juhomi brāhmaṇānāṃ tvā vidyāvatāṃ prāṇāpānayorjuhomy akṣitam asi mā pitāmahānāṃ kṣeṣṭhā amutrāmuṣmiṃlloka iti
dyusamantasya ta ādityo 'nukhyātā sāmāni te mahimā dattasyāpramādāya pṛthivī te pātraṃ dyaur apidhānaṃ brahmaṇastvā mukhe juhomi brāhmaṇānāṃ tvā vidyāvatāṃ prāṇāpānayorjuhomy akṣitam asi mā prapitāmahānāṃ kṣeṣṭhā amutrāmuṣmiṃlloka iti

