38 shlokas
- 1
दीक्षितस्येष्टकाः कुर्वन्त्य् अदीक्षितस्य वा
dīkṣitasyeṣṭakāḥ kurvanty adīkṣitasya vā
- 2
न त्व् एवानालब्धप्राजापत्यस्य
na tv evānālabdhaprājāpatyasya
- 3
मृन्मयीस्त्र्यालिखिताश्चतुरश्रा दक्षिणावृतः सव्यावृत ऋजुलेखाश्च निर्मन्थ्येन लोहिनीः पचन्त्य् अन्वाहार्यपचनेन वा
mṛnmayīstryālikhitāścaturaśrā dakṣiṇāvṛtaḥ savyāvṛta ṛjulekhāśca nirmanthyena lohinīḥ pacanty anvāhāryapacanena vā
- 4
समाप्तासु दीक्षासु क्रमवात्सप्रे
samāptāsu dīkṣāsu kramavātsapre
- 5
तस्या एतत्तिनति देवयजनम् अध्यवस्यति
tasyā etattinati devayajanam adhyavasyati
- 6
आहवनीयदेशे गार्हपत्यं चिनोति
āhavanīyadeśe gārhapatyaṃ cinoti
- 7
मण्डलं चतुरश्रं वा व्यायाममात्रं विमायोद्धत्याद्भिर् अवोक्ष्य यो नो अग्निः
मयि गृह्णामीति जपति
maṇḍalaṃ caturaśraṃ vā vyāyāmamātraṃ vimāyoddhatyādbhir avokṣya yo no agniḥ
mayi gṛhṇāmīti japati
- 8
चितः स्थ परिचितः स्थेत्य् एकविंशत्या शर्कराभिः परिश्रयति
citaḥ stha paricitaḥ sthety ekaviṃśatyā śarkarābhiḥ pariśrayati
- 9
अग्नेर्भस्मासीति सिकता निवपति
agnerbhasmāsīti sikatā nivapati
- 10
संज्ञानम् असीत्य् ऊषान्न्युप्य व्यूहति
saṃjñānam asīty ūṣānnyupya vyūhati
- 11
अयं सो अग्निर् इति प्रभृतिभिश्चतस्रो मध्ये प्राचीर् उपदधाति
ayaṃ so agnir iti prabhṛtibhiścatasro madhye prācīr upadadhāti
- 12
इडाम् अग्ने
अयं ते योनिर् ऋत्विय इति द्वे समीची पुरस्ताच्चिद् असि तया देवतयाङ्गिरस्वद्ध्रुवा सीदेति
iḍām agne
ayaṃ te yonir ṛtviya iti dve samīcī purastāccid asi tayā devatayāṅgirasvaddhruvā sīdeti
- 13
परिचिद् असीति द्वे समीची पश्चात्
paricid asīti dve samīcī paścāt
- 14
त्रयोदश च लोकंपृणाः
trayodaśa ca lokaṃpṛṇāḥ
- 15
पृष्टो दिवीति चात्वालदेशात्पुरीषम् आहृत्य व्यूहति
pṛṣṭo divīti cātvāladeśātpurīṣam āhṛtya vyūhati
- 16
एवं सर्वाश्चिनोति
evaṃ sarvāścinoti
- 17
पञ्चचितिकं प्रथमं त्रिचितिकं द्वितीयम् एकचितिकं तृतीयम्
सर्वत्र वैकचितिकम्
pañcacitikaṃ prathamaṃ tricitikaṃ dvitīyam ekacitikaṃ tṛtīyam
sarvatra vaikacitikam
- 18
संचिते समितं संकल्पेथाम् इत्य् उख्यं निवपति
saṃcite samitaṃ saṃkalpethām ity ukhyaṃ nivapati
- 19
मातेव पुत्रम् इति शिक्याद् उखां विमुञ्चते
māteva putram iti śikyād ukhāṃ vimuñcate
- 20
न रिक्ताम् अवेक्षते
na riktām avekṣate
- 21
प्रत्यग्दक्षिणा नैरृतीभिर्यन्ति
pratyagdakṣiṇā nairṛtībhiryanti
- 22
यद् अस्य पार इति शिक्यम् आदत्ते
yad asya pāra iti śikyam ādatte
- 23
तिस्रस्तुषपक्वाः कृष्णा इष्टकाः स्वकृत इरिणे ऽसुन्वन्तम् इति तिसृभिः परां पराम् उपदधाति
tisrastuṣapakvāḥ kṛṣṇā iṣṭakāḥ svakṛta iriṇe 'sunvantam iti tisṛbhiḥ parāṃ parām upadadhāti
- 24
न तयादेवतं करोति
na tayādevataṃ karoti
- 25
यं ते देवीति शिक्यम् अधिवपति
yaṃ te devīti śikyam adhivapati
- 26
रुक्मसूत्रम् आसन्दीम् इति निधाय यद् अस्य पारे रजस इत्य् अपः परिषिञ्चन्पर्येति
rukmasūtram āsandīm iti nidhāya yad asya pāre rajasa ity apaḥ pariṣiñcanparyeti
- 27
भूत्यै नम इत्य् उक्त्वा निवृत्य
शं नो देवीर् अभिष्टय आपो भवन्तु पीतये
शं योर् अभिस्रवन्तु नः
इति परोगोष्ठं मार्जयन्ते
bhūtyai nama ity uktvā nivṛtya
śaṃ no devīr abhiṣṭaya āpo bhavantu pītaye
śaṃ yor abhisravantu naḥ
iti parogoṣṭhaṃ mārjayante
- 28
अनपेक्षमाणाः प्रत्यायन्ति
anapekṣamāṇāḥ pratyāyanti
- 29
निवेशन इति गार्हपत्यम् उपतिष्ठन्ते
niveśana iti gārhapatyam upatiṣṭhante
- 30
येन देवा ज्योतिषेत्य् आहवनीयं यजमानः समिन्द्धे
yena devā jyotiṣety āhavanīyaṃ yajamānaḥ saminddhe

