24 shlokas
- 1
वाजस्य मेति जुहूं सहप्रस्तराम् उद्गृह्णाति
अथा सपत्नान् इन्द्रो म इत्य् उपभृतम् अवगृह्णाति
उद्ग्राभश्चेति जुहूम्
निग्राभश्चेत्य् उपभृतम्
अथा सपत्नान् इन्द्राग्नी म इति विषूची करोति
vājasya meti juhūṃ sahaprastarām udgṛhṇāti
athā sapatnān indro ma ity upabhṛtam avagṛhṇāti
udgrābhaśceti juhūm
nigrābhaścety upabhṛtam
athā sapatnān indrāgnī ma iti viṣūcī karoti
- 2
अग्नेर् उज्जितिम् अनूज्जेषम् इति प्राचीं जुहूं प्रकर्षति
agner ujjitim anūjjeṣam iti prācīṃ juhūṃ prakarṣati
- 3
देवस्तं सविता प्रतिनुदतु यो अस्मान्द्वेष्टि यं च वयं द्विष्म इत्य् उपभृतं प्रतीचीं बहिर्वेदि निरस्यति
devastaṃ savitā pratinudatu yo asmāndveṣṭi yaṃ ca vayaṃ dviṣma ity upabhṛtaṃ pratīcīṃ bahirvedi nirasyati
- 4
अभ्युक्ष्य प्रत्यासादयति
abhyukṣya pratyāsādayati
- 5
जुह्वा परिधीन् अनक्ति वसुर् असीति मध्यमम् उपावसुर् इति दक्षिणं विश्वावसुर् इत्य् उत्तरम्
juhvā paridhīn anakti vasur asīti madhyamam upāvasur iti dakṣiṇaṃ viśvāvasur ity uttaram
- 6
संजानाथां द्यावापृथिवी इति बर्हिषि विधृती विसृज्य प्रस्तरम् अनक्ति पृथिव्याम् अङ्क्ष्वेति ध्रुवायां मूलम् अन्तरिक्षे ऽङ्क्ष्वेत्य् उपभृति मध्यं दिव्यङ्क्ष्वेति जुह्वाम् अग्रम्
saṃjānāthāṃ dyāvāpṛthivī iti barhiṣi vidhṛtī visṛjya prastaram anakti pṛthivyām aṅkṣveti dhruvāyāṃ mūlam antarikṣe 'ṅkṣvety upabhṛti madhyaṃ divyaṅkṣveti juhvām agram
- 7
प्रत्यवरोहैः पुनर् अक्त्वायुषे त्वेति प्रस्तरात्तृणम् अपादाय मूलैः प्रतिष्ठाप्य प्रस्तरम् आसीन आश्राव्य प्रत्याश्रुत आह इषिता दैव्या होतारो भद्रवाच्याय प्रेषितो मानुषः सूक्तवाकाय सूक्ता ब्रूहीति संप्रेष्यति
pratyavarohaiḥ punar aktvāyuṣe tveti prastarāttṛṇam apādāya mūlaiḥ pratiṣṭhāpya prastaram āsīna āśrāvya pratyāśruta āha iṣitā daivyā hotāro bhadravācyāya preṣito mānuṣaḥ sūktavākāya sūktā brūhīti saṃpreṣyati
- 8
अस्याम् ऋधेद्धोत्रायाम् इत्य् उच्यमाने सहशाखं प्रस्तरम् अग्नाव् अनुप्रहरति
asyām ṛdheddhotrāyām ity ucyamāne sahaśākhaṃ prastaram agnāv anupraharati
- 9
अप्तुभी रिहाणा इति नियतं प्राञ्चम् अनुप्रहृत्यैनान्य् अवसृजति
aptubhī rihāṇā iti niyataṃ prāñcam anuprahṛtyaināny avasṛjati
- 10
अग्नीद्गमयेति संप्रेष्यति
agnīdgamayeti saṃpreṣyati
- 11
आग्नीध्रस्त्रिः पाणिना गमयति
āgnīdhrastriḥ pāṇinā gamayati
- 12
अनुप्रहर संवदस्वेत्य् आग्नीध्रः संप्रेष्यति
anuprahara saṃvadasvety āgnīdhraḥ saṃpreṣyati
- 13
अहीनः प्राण इत्य् उपांशु तृणम् अनुप्रहरति
ahīnaḥ prāṇa ity upāṃśu tṛṇam anupraharati
- 14
एतद् इति त्रिर् अङ्गुल्यानुदिशति
etad iti trir aṅgulyānudiśati
- 15
आयुर्धा अग्ने ऽसीति यथारूपं गात्राणि संमृशति
āyurdhā agne 'sīti yathārūpaṃ gātrāṇi saṃmṛśati
- 16
ध्रुवासीति पृथिवीम् अभिमृश्यार्चिर् आलभ्य चक्षुषी आलभेत
पुनर्यमश्चक्षुर् अदात्पुनर् अग्निः पुनर्भगः
पुनर्मे अश्विना युवं चक्षुर् आधत्तम् अक्ष्योः
इति
dhruvāsīti pṛthivīm abhimṛśyārcir ālabhya cakṣuṣī ālabheta
punaryamaścakṣur adātpunar agniḥ punarbhagaḥ
punarme aśvinā yuvaṃ cakṣur ādhattam akṣyoḥ
iti
- 17
अपः स्पृष्ट्वा मध्यमं परिधिम् अन्वारभ्याह अगा३न् अग्नीद् इति
अगन्न् इत्य् आग्नीध्रः
श्रावयेत्य् अध्वर्युः
श्रौषड् इत्य् आग्नीध्रः प्रत्याश्रावयति
apaḥ spṛṣṭvā madhyamaṃ paridhim anvārabhyāha agā3n agnīd iti
agann ity āgnīdhraḥ
śrāvayety adhvaryuḥ
śrauṣaḍ ity āgnīdhraḥ pratyāśrāvayati
- 18
स्वगा दैव्याहोतृभ्यः स्वस्तिर्मानुषेभ्यः शं योर्ब्रूहीति संप्रेष्यति
svagā daivyāhotṛbhyaḥ svastirmānuṣebhyaḥ śaṃ yorbrūhīti saṃpreṣyati
- 19
यं परिधिं पर्यधत्था अग्ने देव पणिभिर्वीयमाणः
तं त एतम् अनु जोषं भरामि नेद् एष युष्मद् अपचेतयातै
इति परिधीन् अनुप्रहरति
yaṃ paridhiṃ paryadhatthā agne deva paṇibhirvīyamāṇaḥ
taṃ ta etam anu joṣaṃ bharāmi ned eṣa yuṣmad apacetayātai
iti paridhīn anupraharati
- 20
उपकर्षत्य् उत्तरार्ध्यम्
upakarṣaty uttarārdhyam
- 21
जुह्वाम् उपभृतम् आधाय संस्रावभागाः स्थेति परिधीन् अभिहुत्य स्रुचौ विमुञ्चति
juhvām upabhṛtam ādhāya saṃsrāvabhāgāḥ stheti paridhīn abhihutya srucau vimuñcati
- 22
अग्नेर्वो ऽपन्नगृहस्य सदसि सादयामीति हविर्धानं च कस्तम्भदेशे स्रुचौ सादयति
agnervo 'pannagṛhasya sadasi sādayāmīti havirdhānaṃ ca kastambhadeśe srucau sādayati
- 23
घृताची यजमानस्य धुर्यौ पाताम् इति धुरोपकर्षति वेद्यंसयोर्वा
ghṛtācī yajamānasya dhuryau pātām iti dhuropakarṣati vedyaṃsayorvā
- 24
न विमुक्ते बर्हिषि प्रत्यासादयति
na vimukte barhiṣi pratyāsādayati

