35 shlokas
- 1
प्रणवे प्रणवे समिधम् आदधात्य् अनुयाजसमिधम् अवशिष्य
praṇave praṇave samidham ādadhāty anuyājasamidham avaśiṣya
- 2
समिद्धम् अग्निं त्रिर्वेदेनोपवाजयत्य् अग्रं वेद्याः संमार्गम्
samiddham agniṃ trirvedenopavājayaty agraṃ vedyāḥ saṃmārgam
- 3
ध्रुवायां पूर्णस्रुवम् अवनीय ध्रुवाया उपहत्योत्तरेण परिधिसंधिनान्ववहृत्य दक्षिणाप्राञ्चम् आघारम् आघारयति प्रजापतये स्वाहेति मनसा
dhruvāyāṃ pūrṇasruvam avanīya dhruvāyā upahatyottareṇa paridhisaṃdhinānvavahṛtya dakṣiṇāprāñcam āghāram āghārayati prajāpataye svāheti manasā
- 4
अग्नीत्परिधींश्चाग्निं च त्रिस्त्रिः संमृड्ढीति संप्रेष्यति
agnītparidhīṃścāgniṃ ca tristriḥ saṃmṛḍḍhīti saṃpreṣyati
- 5
स्फ्येन संमार्ष्टीध्मसंनहनैश्च परिधीन्
ऋते स्फ्याद् अग्निम् इध्मसंनहनैः संमार्ष्ट्य् आजिं त्वाग्ने सरिष्यन्तं सनिं सनिष्यन्तं वाजं जेष्यन्तं देवेभ्यो हव्यं वक्ष्यन्तं वाजिनं त्वा वाजजित्यायै संमार्ज्मि
अग्ने वाजं जयेति
sphyena saṃmārṣṭīdhmasaṃnahanaiśca paridhīn
ṛte sphyād agnim idhmasaṃnahanaiḥ saṃmārṣṭy ājiṃ tvāgne sariṣyantaṃ saniṃ saniṣyantaṃ vājaṃ jeṣyantaṃ devebhyo havyaṃ vakṣyantaṃ vājinaṃ tvā vājajityāyai saṃmārjmi
agne vājaṃ jayeti
- 6
सप्रथा नम इति पुरस्ताज्जुहूपभृतोर् अञ्जलिं करोति
saprathā nama iti purastājjuhūpabhṛtor añjaliṃ karoti
- 7
जुह्वेत्य् अग्निष्ट्वा ह्वयति देवान्यक्ष्यावो देवयज्यया इति जुहूम् आदत्ते
उपभृद् एहि देवस्त्वा सविता ह्वयति देवान्यक्ष्यावो देवयज्यया इत्य् उपभृतम्
juhvety agniṣṭvā hvayati devānyakṣyāvo devayajyayā iti juhūm ādatte
upabhṛd ehi devastvā savitā hvayati devānyakṣyāvo devayajyayā ity upabhṛtam
- 8
सुयमे मे अद्य स्तम् इत्य् अभिमन्त्र्याग्नाविष्णू इत्य् अतिक्रामति
suyame me adya stam ity abhimantryāgnāviṣṇū ity atikrāmati
- 9
विष्णोः स्थामासीत्य् अवतिष्ठते
viṣṇoḥ sthāmāsīty avatiṣṭhate
- 10
अन्तर्वेदि दक्षिणः पादो भवत्य् अवघ्र इव सव्यः
antarvedi dakṣiṇaḥ pādo bhavaty avaghra iva savyaḥ
- 11
अथाघारम् आघारयति ऊर्ध्वो अध्वर इति प्रागुदञ्चं संततम् ऊर्ध्वं स्वर्गकामस्य न्यञ्चं द्वेष्यस्य
athāghāram āghārayati ūrdhvo adhvara iti prāgudañcaṃ saṃtatam ūrdhvaṃ svargakāmasya nyañcaṃ dveṣyasya
- 12
असंस्पर्शयन्स्रुचौ प्रत्यतिक्रामति पाहि माग्ने दुश्चरिताद् आ मा सुचरिताद्भजेति
asaṃsparśayansrucau pratyatikrāmati pāhi māgne duścaritād ā mā sucaritādbhajeti
- 13
जुह्वा ध्रुवां त्रिः समनक्ति
समक्तम् अग्निना हविः समक्तं हविषा घृतम्
सम् अन्तरिक्षम् अर्चिषा सं ज्योतिषा ज्योतिः
इति
juhvā dhruvāṃ triḥ samanakti
samaktam agninā haviḥ samaktaṃ haviṣā ghṛtam
sam antarikṣam arciṣā saṃ jyotiṣā jyotiḥ
iti
- 14
ध्रुवाम् अभिघार्यायतने स्रुचौ सादयति
dhruvām abhighāryāyatane srucau sādayati
- 15
उन्नीतं राय इति ध्रुवाया आज्यम् उन्नयति सुवीराय स्वाहेति जुहूम् आप्याययति
unnītaṃ rāya iti dhruvāyā ājyam unnayati suvīrāya svāheti juhūm āpyāyayati
- 16
यज्ञेन यज्ञः संतत इति जुह्वा ध्रुवां प्रत्यभिघारयति
yajñena yajñaḥ saṃtata iti juhvā dhruvāṃ pratyabhighārayati
- 17
उत्तरतः प्रवरायावतिष्ठते
स्फ्यसंमार्गं पाणौ कृत्वापर आग्नीध्रो वेद्यास्तृणम् अव्यन्तम् अपादायाह क इदम् अध्वर्युर्भविष्यति स इदम् अध्वर्युर्भविष्यति
यज्ञो यज्ञस्य
विष्णोः स्थाने तिष्ठामि
वाग् आर्त्विज्यं करोतु मन आर्त्विज्यं करोतु
वाचं प्रपद्ये
भूर्भुवः स्वः
ब्रह्मन्प्रवरायाश्रावयिष्यामीत्य् आमन्त्र्याश्राव्य प्रत्याश्रुत आह अग्निर्देवो दैव्यो होता देवान्यक्षद्विद्वांश्चिकित्वान्मनुष्वद्भरतवद् अमुवद् अमुवद् इति
uttarataḥ pravarāyāvatiṣṭhate
sphyasaṃmārgaṃ pāṇau kṛtvāpara āgnīdhro vedyāstṛṇam avyantam apādāyāha ka idam adhvaryurbhaviṣyati sa idam adhvaryurbhaviṣyati
yajño yajñasya
viṣṇoḥ sthāne tiṣṭhāmi
vāg ārtvijyaṃ karotu mana ārtvijyaṃ karotu
vācaṃ prapadye
bhūrbhuvaḥ svaḥ
brahmanpravarāyāśrāvayiṣyāmīty āmantryāśrāvya pratyāśruta āha agnirdevo daivyo hotā devānyakṣadvidvāṃścikitvānmanuṣvadbharatavad amuvad amuvad iti
- 18
ऊर्ध्वान् ऋषीन्मन्त्रकृतो यजमानस्य प्रवृणीते
ūrdhvān ṛṣīnmantrakṛto yajamānasya pravṛṇīte
- 19
पुरोहितप्रवरेनाब्राह्मणस्य
purohitapravarenābrāhmaṇasya
- 20
ब्रह्मण्वद् आ च वक्षद्ब्राह्मणा अस्य यज्ञस्य प्रावितार इति
brahmaṇvad ā ca vakṣadbrāhmaṇā asya yajñasya prāvitāra iti
- 21
होतुर् उपांशु नामादिशति मानुष इत्य् उच्चैः
hotur upāṃśu nāmādiśati mānuṣa ity uccaiḥ
- 22
घृतवतीति संप्रेष्यति
ghṛtavatīti saṃpreṣyati
- 23
स्रुचाव् आदाय समिधो यजेति प्रथमे संप्रेष्यति यज यजेत्य् उत्तरान्
srucāv ādāya samidho yajeti prathame saṃpreṣyati yaja yajety uttarān
- 24
त्रीन् इष्ट्वोपभृतो ऽर्धं जुह्वाम् आनीयोत्तरौ यजति
trīn iṣṭvopabhṛto 'rdhaṃ juhvām ānīyottarau yajati
- 25
पञ्च प्रयाजान् उत्तरेणाघारसंभेदं समानत्र यजति
pañca prayājān uttareṇāghārasaṃbhedaṃ samānatra yajati
- 26
ध्रुवादीनि हवींष्य् अभिघारयत्य् उपभृतम् अन्ततः
dhruvādīni havīṃṣy abhighārayaty upabhṛtam antataḥ
- 27
ज्योतिष्मत्याज्यभागौ यजत्य् आग्नेयम् उत्तरार्धे सौम्यं दक्षिणार्धे ऽग्रेणाघारसंभेदम् अतिक्रामम्
jyotiṣmatyājyabhāgau yajaty āgneyam uttarārdhe saumyaṃ dakṣiṇārdhe 'greṇāghārasaṃbhedam atikrāmam
- 28
प्रधानाहुतीः पूर्वां पूर्वां संहिताम्
pradhānāhutīḥ pūrvāṃ pūrvāṃ saṃhitām
- 29
आग्नेयेन प्रचर्योपांशुयज्ञेन प्रचरति
āgneyena pracaryopāṃśuyajñena pracarati
- 30
उपांशु देवताम् आहोच्चैर् अन्यत्
upāṃśu devatām āhoccair anyat

