6 shlokas
- 1
सर्वासु दुग्धासु दोहने ऽप आनीय द्यौश्चेमम्यज्ञम् इति संक्षाल्य संपृच्यध्वम् इति कुम्भ्याम् आनीय श्रपयित्वा तूष्णीकेन घृतेनाभिघार्य दृंह गा इति कर्षन्न् इवोदगुदग्वासयति
sarvāsu dugdhāsu dohane 'pa ānīya dyauścemamyajñam iti saṃkṣālya saṃpṛcyadhvam iti kumbhyām ānīya śrapayitvā tūṣṇīkena ghṛtenābhighārya dṛṃha gā iti karṣann ivodagudagvāsayati
- 2
शीतीकृत्य यत्पूर्वेद्युर्दुग्धं दध्य् एकस्या द्वयोस्तिसृणां वा गवां द्व्यहे त्र्यहे वा संततम् अभिदुग्धम् औपवसथाद्धविर् आतञ्चनम् उपकॢप्तं तेन दध्ना सोमेन त्वातनच्मीत्य् आतनक्ति
śītīkṛtya yatpūrvedyurdugdhaṃ dadhy ekasyā dvayostisṛṇāṃ vā gavāṃ dvyahe tryahe vā saṃtatam abhidugdham aupavasathāddhavir ātañcanam upakḷptaṃ tena dadhnā somena tvātanacmīty ātanakti
- 3
यज्ञस्य संततिर् असीत्य् अग्निहोत्रोच्छेषणम् अन्वातच्यायं पय इति पर्णवल्कम् अन्वातनक्ति तण्डुलैः पूतिकैर् ओषधीभिः क्वलैर्बदरैर्वा
yajñasya saṃtatir asīty agnihotroccheṣaṇam anvātacyāyaṃ paya iti parṇavalkam anvātanakti taṇḍulaiḥ pūtikair oṣadhībhiḥ kvalairbadarairvā
- 4
आपो हविष्ष्व् इत्य् अयस्पात्रे दारुपात्रे वाप आनीयाद् अस्तम् असि विष्णवे त्वेत्य् अपिदधाति
āpo haviṣṣv ity ayaspātre dārupātre vāpa ānīyād astam asi viṣṇave tvety apidadhāti
- 5
यदि मृन्मयं तृणं काष्ठं वानुप्रविध्येत्
yadi mṛnmayaṃ tṛṇaṃ kāṣṭhaṃ vānupravidhyet
- 6
इमौ पर्णं च दर्भं चेति विमुच्य शाखापवित्रं सुरक्षितं निधाय विष्णो हव्यं रक्षस्वेति सांनाय्यं गार्हपत्यदेश उपरीव गुप्तं निदधाति
imau parṇaṃ ca darbhaṃ ceti vimucya śākhāpavitraṃ surakṣitaṃ nidhāya viṣṇo havyaṃ rakṣasveti sāṃnāyyaṃ gārhapatyadeśa uparīva guptaṃ nidadhāti

