6 shlokas
- 1
अत्रोपवसथे ऽमावास्यायाम् अपराह्णे ऽधिवृक्षसूर्ये वा पिण्डपितृयज्ञेन यजते
atropavasathe 'māvāsyāyām aparāhṇe 'dhivṛkṣasūrye vā piṇḍapitṛyajñena yajate
- 2
हुते सायम् अग्निहोत्रे वैकङ्कतीम् अग्निहोत्रहवणीं कुम्भीम् उपवेषं शाखापवित्रम् अभिधानीं निदाने दोहनं दारुपात्रम् अयस्पात्रं वैतानि सांनाय्यपात्राणि प्रक्षाल्योत्तरेण गार्हपत्यं दर्भैर् अन्तर्धायावाचीनानि प्रयुनक्ति
hute sāyam agnihotre vaikaṅkatīm agnihotrahavaṇīṃ kumbhīm upaveṣaṃ śākhāpavitram abhidhānīṃ nidāne dohanaṃ dārupātram ayaspātraṃ vaitāni sāṃnāyyapātrāṇi prakṣālyottareṇa gārhapatyaṃ darbhair antardhāyāvācīnāni prayunakti
- 3
समावग्रवन्तौ दर्भौ प्रादेशमात्रौ पवित्रे कृत्वा पवित्रे स्थ इति छिनत्ति न नखेन
samāvagravantau darbhau prādeśamātrau pavitre kṛtvā pavitre stha iti chinatti na nakhena
- 4
इमौ प्राणापानाव् इत्य् अभिमन्त्र्य विष्णोर्मनसा पूते स्थ इत्य् अद्भिर् अनुमृज्य गां दोहपवित्रे इति संप्रेष्यति
imau prāṇāpānāv ity abhimantrya viṣṇormanasā pūte stha ity adbhir anumṛjya gāṃ dohapavitre iti saṃpreṣyati
- 5
अग्निहोत्रहवण्यां पवित्रान्तर्हितायाम् अप आनीय देवो व इति पच्छो गायत्र्योदगग्राभ्यां पवित्राभ्यां त्रिर् उत्पूयापो देवीर् इत्य् अभिमन्त्रयत उत्तानीकृत्य पात्राणि शुन्धध्वम् इति प्रोक्षति
agnihotrahavaṇyāṃ pavitrāntarhitāyām apa ānīya devo va iti paccho gāyatryodagagrābhyāṃ pavitrābhyāṃ trir utpūyāpo devīr ity abhimantrayata uttānīkṛtya pātrāṇi śundhadhvam iti prokṣati
- 6
सुरक्षिते पवित्रे निधायैता आचरन्तीति गा आयतीः प्रतीक्ष्य निष्टप्तम् इति सांनाय्यपात्राणि प्रतितप्य धृष्टिर् असीत्य् उपवेषम् आदाय भूतकृतः स्थेति गार्हपत्याद् उदीचो ऽङ्गारान्व्यस्य मातरिश्वन इति तेषु कुम्भीम् अधिश्रित्य भृगूणाम् अङ्गिरसाम् इति प्रदक्षिणम् अङ्गारैः पर्यूहति
surakṣite pavitre nidhāyaitā ācarantīti gā āyatīḥ pratīkṣya niṣṭaptam iti sāṃnāyyapātrāṇi pratitapya dhṛṣṭir asīty upaveṣam ādāya bhūtakṛtaḥ stheti gārhapatyād udīco 'ṅgārānvyasya mātariśvana iti teṣu kumbhīm adhiśritya bhṛgūṇām aṅgirasām iti pradakṣiṇam aṅgāraiḥ paryūhati

