8 shlokas
- 1
तूष्णीं त्रिधातु शुल्बं कृत्वा यत्कृष्णो रूपम् इति पालाशेन खादिरेण याज्ञिकैर्वा वृक्षैर् एकविंशतिदारुम् इध्मं संभृत्य कृष्णो ऽस्य् आखरेस्थ इति संनह्य पूषा त इति प्रदक्षिणं ग्रन्थिं कृत्वा बर्हिःकल्पेन बर्हिषा सह निदधाति
tūṣṇīṃ tridhātu śulbaṃ kṛtvā yatkṛṣṇo rūpam iti pālāśena khādireṇa yājñikairvā vṛkṣair ekaviṃśatidārum idhmaṃ saṃbhṛtya kṛṣṇo 'sy ākharestha iti saṃnahya pūṣā ta iti pradakṣiṇaṃ granthiṃ kṛtvā barhiḥkalpena barhiṣā saha nidadhāti
- 2
वेदो ऽसीति वत्सज्ञुं त्रिवृच्छिरसं दार्भं वेदं कृत्वाग्रात्प्रादेशे परिवासयति
vedo 'sīti vatsajñuṃ trivṛcchirasaṃ dārbhaṃ vedaṃ kṛtvāgrātprādeśe parivāsayati
- 3
परिवासितानि वेदाग्राणीध्मप्रव्रश्चनैः सह निदधाति
parivāsitāni vedāgrāṇīdhmapravraścanaiḥ saha nidadhāti
- 4
अत्रामावास्यायां वेदिं कृत्वेध्माबर्हिर् आहरेद् इत्य् एके
atrāmāvāsyāyāṃ vediṃ kṛtvedhmābarhir āhared ity eke
- 5
अन्तर्वेदि शाखायाः पर्णानि प्रच्छिद्य मूलतः शाखां परिवास्योपवेषो ऽसि यज्ञायेत्य् अपरेण गार्हपत्यं मूलम् उपवेषाय निदधाति
antarvedi śākhāyāḥ parṇāni pracchidya mūlataḥ śākhāṃ parivāsyopaveṣo 'si yajñāyety apareṇa gārhapatyaṃ mūlam upaveṣāya nidadhāti
- 6
तृतीयस्यै दिव इति परिवासनशकलम् आदाय सुरक्षितं निधाय वसूनां पवित्रम् असि शतधारम् इति शाखायां त्रिवृद्दर्भमयं पवित्रं कृत्वा त्रिवृत्पलाशे दर्भ इति शाखायां शिथिलं मूले मूलान्य् अग्रे ऽग्राण्य् अवसजति
tṛtīyasyai diva iti parivāsanaśakalam ādāya surakṣitaṃ nidhāya vasūnāṃ pavitram asi śatadhāram iti śākhāyāṃ trivṛddarbhamayaṃ pavitraṃ kṛtvā trivṛtpalāśe darbha iti śākhāyāṃ śithilaṃ mūle mūlāny agre 'grāṇy avasajati
- 7
न ग्रन्थिं करोति
na granthiṃ karoti
- 8
अग्न्यगारे ऽग्न्यायतनानाम् उपलेपनादि देवार्हाण्य् अलंकरणानि दम्पती चालंकुर्वाते
agnyagāre 'gnyāyatanānām upalepanādi devārhāṇy alaṃkaraṇāni dampatī cālaṃkurvāte

