20 shlokas
- 1
वसूनां पवित्रम् असि शतधारम् इति कुम्भ्यां शाखापवित्रं प्रागग्रं सायम् अधिनिदधाति वसूनां पवित्रम् असि सहस्रधारम् इत्य् उदीचीनाग्रं प्रातः
vasūnāṃ pavitram asi śatadhāram iti kumbhyāṃ śākhāpavitraṃ prāgagraṃ sāyam adhinidadhāti vasūnāṃ pavitram asi sahasradhāram ity udīcīnāgraṃ prātaḥ
- 2
कुम्भीम् अन्वारभ्य वाचंयमः पवित्रं धारयन्न् आस्ते
kumbhīm anvārabhya vācaṃyamaḥ pavitraṃ dhārayann āste
- 3
उपसृष्टां मे प्रब्रूताद् इति संप्रेष्यति
upasṛṣṭāṃ me prabrūtād iti saṃpreṣyati
- 4
उपसृजामीत्य् आमन्त्र्यादित्यै रास्नासीत्य् अभिधानीम् आदत्ते
upasṛjāmīty āmantryādityai rāsnāsīty abhidhānīm ādatte
- 5
पूषासीति वत्समुपसृजति
pūṣāsīti vatsamupasṛjati
- 6
विहारं गां चोपसृष्टाम् अन्तरेण मा संचारिष्टेति संप्रेष्यति
vihāraṃ gāṃ copasṛṣṭām antareṇa mā saṃcāriṣṭeti saṃpreṣyati
- 7
यद्य् अन्तरेण संचरेत्सांनाय्यं मा विलोपीति जपेत्
yady antareṇa saṃcaretsāṃnāyyaṃ mā vilopīti japet
- 8
यक्ष्मा वः प्रजया संसृजामीत्य् अभिमन्त्रयते
yakṣmā vaḥ prajayā saṃsṛjāmīty abhimantrayate
- 9
ऊर्जं पय इति दोग्धोपसीदति
ūrjaṃ paya iti dogdhopasīdati
- 10
द्यौश्चेमम् इति दुह्यमानाम् अनुमन्त्रयत उत्सं दुहन्ति कलशम् इति धाराघोषं हुतः स्तोको हुतो द्रप्स इति
dyauścemam iti duhyamānām anumantrayata utsaṃ duhanti kalaśam iti dhārāghoṣaṃ hutaḥ stoko huto drapsa iti
- 11
विप्रुषः स्वाहा द्यावापृथिवीभ्याम् इति स्कन्नान्
vipruṣaḥ svāhā dyāvāpṛthivībhyām iti skannān
- 12
कामधुक्ष इति पयः प्रत्याहरन्तं दोग्धारं पृच्छति
kāmadhukṣa iti payaḥ pratyāharantaṃ dogdhāraṃ pṛcchati
- 13
अमूं यस्याम् इति दोग्धा प्रत्याह
amūṃ yasyām iti dogdhā pratyāha
- 14
सा विश्वायुर् इति गाम् अध्वर्युर् उपस्तौति
sā viśvāyur iti gām adhvaryur upastauti
- 15
देवस्त्वा सवितेति पयः कुम्भ्याम् आनयति
devastvā saviteti payaḥ kumbhyām ānayati
- 16
कामधुक्ष इत्य् आह तृतीयस्या इत्य् उक्तम्
kāmadhukṣa ity āha tṛtīyasyā ity uktam
- 17
सा विश्वव्यचा इति द्वितीयां सा विश्वकर्मेति तृतीयाम् उपस्तौति
sā viśvavyacā iti dvitīyāṃ sā viśvakarmeti tṛtīyām upastauti
- 18
एवं तिस्रो दोहयित्वा बहु दोग्धीन्द्राय देवेभ्य इति त्रिः संप्रेष्यति
evaṃ tisro dohayitvā bahu dogdhīndrāya devebhya iti triḥ saṃpreṣyati
- 19
इन्द्रयाजिन इन्द्रम् उपलक्षयेन्महेन्द्रयाजिनो महेन्द्रम्
indrayājina indram upalakṣayenmahendrayājino mahendram
- 20
विसृष्टवाग् अनन्वारभ्य तूष्णीम् उत्तरा दोहयति
visṛṣṭavāg ananvārabhya tūṣṇīm uttarā dohayati

