17 shlokas
- 1
यद् उपभृति पृषदाज्यं तज्जुह्वाम् आनीय ताम् एवोपभृत्य सकृद्दक्षिणातिक्रान्तः पृषदाज्येनैकादशानूयाजान्यजति
yad upabhṛti pṛṣadājyaṃ tajjuhvām ānīya tām evopabhṛtya sakṛddakṣiṇātikrāntaḥ pṛṣadājyenaikādaśānūyājānyajati
- 2
आश्राव्य प्रत्याश्राविते देवेभ्यः प्रेष्येति प्रथमम् अनूयाजं संप्रेष्यति प्रेष्य प्रेष्येत्य् उत्तरान्
āśrāvya pratyāśrāvite devebhyaḥ preṣyeti prathamam anūyājaṃ saṃpreṣyati preṣya preṣyety uttarān
- 3
यजमानश्चतुर आद्यान् अनूयाजान्प्रथमेनानुमन्त्रयते दशमं चानूयाजं पञ्चमप्रभृतींश्चतुरो द्वितीयेनोत्तमेन नवमैकादशौ
yajamānaścatura ādyān anūyājānprathamenānumantrayate daśamaṃ cānūyājaṃ pañcamaprabhṛtīṃścaturo dvitīyenottamena navamaikādaśau
- 4
पञ्चमप्रभृतिष्व् अध्वर्युमैत्रावरुणौ यजेति होतारं प्रेष्यतो दशमवर्जम्
pañcamaprabhṛtiṣv adhvaryumaitrāvaruṇau yajeti hotāraṃ preṣyato daśamavarjam
- 5
उपयष्टा सर्वाणि हुत्वाद्भ्यस्त्वौषधीभ्य इत्य् उत्तरतो लेपं निमृज्य मनो मे हार्दि यच्छेति हृदयम् अभिमृशति
upayaṣṭā sarvāṇi hutvādbhyastvauṣadhībhya ity uttarato lepaṃ nimṛjya mano me hārdi yaccheti hṛdayam abhimṛśati
- 6
तनूं त्वचम् इति धूमं प्रेक्षते
tanūṃ tvacam iti dhūmaṃ prekṣate
- 7
अध्वर्युः प्रत्याक्रम्य जुह्वा त्रिः स्वरुम् अक्त्वाहवनीये पुरस्तात्प्रत्यङ्मुखस्तिष्ठन्द्यां ते धूमो गच्छत्व् इत्य् अनूयाजान्ते जुह्वा स्वरुं जुहोति
adhvaryuḥ pratyākramya juhvā triḥ svarum aktvāhavanīye purastātpratyaṅmukhastiṣṭhandyāṃ te dhūmo gacchatv ity anūyājānte juhvā svaruṃ juhoti
- 8
शृङ्गाणीवेच्छृङ्गिणाम् इति यजमानो हुतं स्वरुम् उपतिष्ठते
śṛṅgāṇīvecchṛṅgiṇām iti yajamāno hutaṃ svarum upatiṣṭhate
- 9
अध्वर्युः स्रुग्व्यूहनादि प्रतिपद्याश्राव्य प्रत्याश्राविते सूक्ता प्रेष्येति सूक्तवाके संप्रेष्यति
adhvaryuḥ srugvyūhanādi pratipadyāśrāvya pratyāśrāvite sūktā preṣyeti sūktavāke saṃpreṣyati
- 10
अग्निम् अद्येति स होतारं प्रेष्यति
agnim adyeti sa hotāraṃ preṣyati
- 11
जुह्वा बिले जुहूपभृताम् अग्राण्यवधाय संस्रावभागः स्थेति तान्परिधीन्प्रहृतान् अभिप्रस्रावयति
juhvā bile juhūpabhṛtām agrāṇyavadhāya saṃsrāvabhāgaḥ stheti tānparidhīnprahṛtān abhiprasrāvayati
- 12
प्रत्यञ्चः परेत्य पत्नीः संयाजयन्ति
pratyañcaḥ paretya patnīḥ saṃyājayanti
- 13
दक्षिणेन विहारम्जाघनीम् आहृत्य तया पत्नीर् अग्निं गृहपतिं च यजति
dakṣiṇena vihāramjāghanīm āhṛtya tayā patnīr agniṃ gṛhapatiṃ ca yajati
- 14
पूर्वस्योत्तानाया जाघन्या अवद्यत्य् उत्तरस्य नीच्यास्तथोत्तानभागयोर्होत्र इडायाम् अग्नीध्रे षडवत्तं च क्रमेण भवतः
pūrvasyottānāyā jāghanyā avadyaty uttarasya nīcyāstathottānabhāgayorhotra iḍāyām agnīdhre ṣaḍavattaṃ ca krameṇa bhavataḥ
- 15
प्राशितायाम्जाघन्यां शेषम्पत्न्यै प्रयच्छति
prāśitāyāmjāghanyāṃ śeṣampatnyai prayacchati
- 16
साध्वर्यवे
sādhvaryave
- 17
बाहुं शमित्रे यदि ब्राह्मणः
bāhuṃ śamitre yadi brāhmaṇaḥ

