21 shlokas
- 1
वषट्कृते हुत्वा विरुज्य प्राशित्रम् अवद्यतीडां च न यजमानभागम्
vaṣaṭkṛte hutvā virujya prāśitram avadyatīḍāṃ ca na yajamānabhāgam
- 2
इडान्तः पशुपुरोडाशः
iḍāntaḥ paśupuroḍāśaḥ
- 3
उपहूताम् इडां मैत्रावरुणषष्ठाः प्राश्नन्ति
upahūtām iḍāṃ maitrāvaruṇaṣaṣṭhāḥ prāśnanti
- 4
प्रस्तरे मार्जयन्ते
prastare mārjayante
- 5
कृत्स्नसंस्थेत्य् एके
kṛtsnasaṃsthety eke
- 6
जुह्वां पञ्चगृहीतं गृहीत्वा पृषदाज्यं गृहीत्वा स्रुवं पृषदाज्यं चादाय शृतं हविः शमितर् इत्य् अभ्यागम्याभ्यागम्य त्रिः पृच्छति
juhvāṃ pañcagṛhītaṃ gṛhītvā pṛṣadājyaṃ gṛhītvā sruvaṃ pṛṣadājyaṃ cādāya śṛtaṃ haviḥ śamitar ity abhyāgamyābhyāgamya triḥ pṛcchati
- 7
शृतम् इति शमिता त्रिः प्रत्याह
śṛtam iti śamitā triḥ pratyāha
- 8
उत्तरतः परिक्रम्य शूलाद्धृदयं प्रवृह्य कुम्भ्याम् अवधाय सं ते मनसा मन इति पृषदाज्येन हृदयम् अभिघारयति
uttarataḥ parikramya śūlāddhṛdayaṃ pravṛhya kumbhyām avadhāya saṃ te manasā mana iti pṛṣadājyena hṛdayam abhighārayati
- 9
ऊष्माणम् उद्गतम्स्वाहोष्मणो ऽव्यथिष्या इत्य् अनुमन्त्र्य यस्त आत्मा पशुष्व् इत्य् आज्येन पशुम् अभिघार्य दृंह गा इति कुम्भीम् उद्वास्य यूपाहवनीययोर् अन्तरेण दक्षिणातिहृत्य वपावत्पञ्चहोत्रा पशुम् आसादयति षड्ढोत्रा वा
ūṣmāṇam udgatamsvāhoṣmaṇo 'vyathiṣyā ity anumantrya yasta ātmā paśuṣv ity ājyena paśum abhighārya dṛṃha gā iti kumbhīm udvāsya yūpāhavanīyayor antareṇa dakṣiṇātihṛtya vapāvatpañcahotrā paśum āsādayati ṣaḍḍhotrā vā
- 10
हृदयशूलं सुरक्षितं निदधाति
hṛdayaśūlaṃ surakṣitaṃ nidadhāti
- 11
जुह्वाम् उपभृति वसाहवन्यां समवत्तधान्यां च चतसृष्व् आज्येनोपस्तृणाति
juhvām upabhṛti vasāhavanyāṃ samavattadhānyāṃ ca catasṛṣv ājyenopastṛṇāti
- 12
जुह्वां हिरण्यशकलं निदधात्य् उपभृति च
juhvāṃ hiraṇyaśakalaṃ nidadhāty upabhṛti ca
- 13
प्लक्षशाखायां स्वधितेर् अश्र्याक्तया हविषो ऽवदानान्य् अवद्यन्मनोतायै हविषो ऽवदीयमानस्यानुब्रूहीति संप्रेष्यति
plakṣaśākhāyāṃ svadhiter aśryāktayā haviṣo 'vadānāny avadyanmanotāyai haviṣo 'vadīyamānasyānubrūhīti saṃpreṣyati
- 14
हृदयस्याग्रे ऽवद्यत्य् अथ जिह्वाया अथ वक्षसः
hṛdayasyāgre 'vadyaty atha jihvāyā atha vakṣasaḥ
- 15
एतद्वै पशोर्यथापूर्वं
etadvai paśoryathāpūrvaṃ
- 16
यथाकामम् उत्तरेषाम् अवद्यति
yathākāmam uttareṣām avadyati
- 17
यथोद्धृतम् अवद्यतीत्य् एके
yathoddhṛtam avadyatīty eke
- 18
मध्यतो गुदस्यावद्यति
madhyato gudasyāvadyati
- 19
द्विर्द्विर् अवदाय दैवतानि जुह्वाम्
dvirdvir avadāya daivatāni juhvām
- 20
सौविष्टकृतानि सकृत्सकृद् अवदायोपभृति निधाय शेषाणि समवत्तधान्यां निदधाति
sauviṣṭakṛtāni sakṛtsakṛd avadāyopabhṛti nidhāya śeṣāṇi samavattadhānyāṃ nidadhāti
- 21
गुदं द्विधा विभज्य स्थवीय उपयड्भ्यो निदधाति
gudaṃ dvidhā vibhajya sthavīya upayaḍbhyo nidadhāti

