12 shlokas
- 1
मैत्रावरुणो होतारं प्रेष्यति
maitrāvaruṇo hotāraṃ preṣyati
- 2
वषट्कृत उत्तरार्धपूर्वार्धे ऽतिहाय पूर्वा आहुतीर्जुहोति
vaṣaṭkṛta uttarārdhapūrvārdhe 'tihāya pūrvā āhutīrjuhoti
- 3
औपभृतानि जुह्वां विपर्यस्याग्नये स्विष्टकृते ऽनुब्रूहीति संप्रेष्यति
aupabhṛtāni juhvāṃ viparyasyāgnaye sviṣṭakṛte 'nubrūhīti saṃpreṣyati
- 4
आश्राव्य प्रत्याश्राविते ऽग्नये स्विष्टकृते प्रेष्येति संप्रेष्यति मैत्रावरुणो होतरम्प्रेष्यति
āśrāvya pratyāśrāvite 'gnaye sviṣṭakṛte preṣyeti saṃpreṣyati maitrāvaruṇo hotarampreṣyati
- 5
वषट्कृते वनस्पतिवद्धुत्वा प्रत्याक्रम्य यथायतनं स्रुचौ सादयति
vaṣaṭkṛte vanaspativaddhutvā pratyākramya yathāyatanaṃ srucau sādayati
- 6
मेदस्विनीम् अवान्तरेडाम् अवद्यति
medasvinīm avāntareḍām avadyati
- 7
मेदसोपस्तीर्य होतुर्हस्ते प्रकृतिवद् इडाम् अवदाय मेदसाभिघारयति
medasopastīrya hoturhaste prakṛtivad iḍām avadāya medasābhighārayati
- 8
होत्रे ऽध्युद्धिं हरत्य् अग्नीधे मेदस्विनं वनिष्ठुं ब्रह्मणे वक्षः
hotre 'dhyuddhiṃ haraty agnīdhe medasvinaṃ vaniṣṭhuṃ brahmaṇe vakṣaḥ
- 9
वयं सोम व्रते तवेति ब्रह्मा तत्प्राश्नाति
vayaṃ soma vrate taveti brahmā tatprāśnāti
- 10
प्राश्याचम्यान्तर्वेदि मार्जयन्ते
prāśyācamyāntarvedi mārjayante
- 11
अग्नीद् औपयजान् अङ्गारान् आहरोपयष्टर् उपसीद ब्रह्मन्प्रस्थास्यामः समिधम् आधायाग्नीत्परिधींश्चाग्निं च सकृत्सकृत्संमृड्ढीति संप्रेष्यति
agnīd aupayajān aṅgārān āharopayaṣṭar upasīda brahmanprasthāsyāmaḥ samidham ādhāyāgnītparidhīṃścāgniṃ ca sakṛtsakṛtsaṃmṛḍḍhīti saṃpreṣyati
- 12
शामित्राद् आग्नीध्रीयाद्वाग्नीध्रो ऽङ्गारान् आहृत्योत्तरस्याम्वेदिश्रोण्यां होत्रीये वा बर्हिर्व्यूह्य न्युप्योपसमाधाय निहितं स्थवीयो गुदकाण्डम् एकादशधा तिर्यग् असंछिन्दन्प्रच्छिद्यानूयाजानां हुतं हुतम् अपर्यावर्तयन्प्रतिप्रस्थाता समुद्रं गच्छ स्वाहेत्य् एतैः प्रतिमन्त्रं वसाहवन्या हस्तेन वोपयजति
śāmitrād āgnīdhrīyādvāgnīdhro 'ṅgārān āhṛtyottarasyāmvediśroṇyāṃ hotrīye vā barhirvyūhya nyupyopasamādhāya nihitaṃ sthavīyo gudakāṇḍam ekādaśadhā tiryag asaṃchindanpracchidyānūyājānāṃ hutaṃ hutam aparyāvartayanpratiprasthātā samudraṃ gaccha svāhety etaiḥ pratimantraṃ vasāhavanyā hastena vopayajati

