5 shlokas
- 1
दारान्संगृह्य गृहस्थो ऽपि स्नानादिनियमाचारो नित्यम् औपासनं कृत्वा पाकयज्ञयाजी वैश्वदेवहोमान्ते गृहागतं गुरुं स्नातकं च प्रत्युत्थायाभिवन्द्यासनपाद्याचमनानि प्रदाय घृतदधिक्षीरमिश्रं मधुपर्कं च दत्त्वान्नाद्यैर्यथाशक्ति भोजयति
dārānsaṃgṛhya gṛhastho 'pi snānādiniyamācāro nityam aupāsanaṃ kṛtvā pākayajñayājī vaiśvadevahomānte gṛhāgataṃ guruṃ snātakaṃ ca pratyutthāyābhivandyāsanapādyācamanāni pradāya ghṛtadadhikṣīramiśraṃ madhuparkaṃ ca dattvānnādyairyathāśakti bhojayati
- 2
भिक्षून्ब्रह्मचारिणो ऽतिथीन्वेदविदः श्रोत्रियान्पितृव्याचार्यर्त्विज्मातुलश्वशुरादीन् अभ्यागतान्बालवृद्धान् अनाथार्ताध्वश्रान्तांश्च यथार्थं पूजयति
bhikṣūnbrahmacāriṇo 'tithīnvedavidaḥ śrotriyānpitṛvyācāryartvijmātulaśvaśurādīn abhyāgatānbālavṛddhān anāthārtādhvaśrāntāṃśca yathārthaṃ pūjayati
- 3
अशक्तो ऽप्यग्रं भिक्षां वा सोदकं दत्त्वा शेषं भुञ्जीत
aśakto 'pyagraṃ bhikṣāṃ vā sodakaṃ dattvā śeṣaṃ bhuñjīta
- 4
दयासत्यशौचाचारयुतः स्वाध्यायतर्पणाभ्याम् ऋषीन्यज्ञबलिहोमजलपुष्पाद्यैर्देवान्श्राद्धैः पुत्रैश्च पितॄन्बलिना भूतान् अन्नाद्यैर्मनुष्यांश्च नित्यम् अर्चयेत्
dayāsatyaśaucācārayutaḥ svādhyāyatarpaṇābhyām ṛṣīnyajñabalihomajalapuṣpādyairdevānśrāddhaiḥ putraiśca pitṝnbalinā bhūtān annādyairmanuṣyāṃśca nityam arcayet
- 5
ऋणत्रयेण मुक्तो ऽनृणो भवति
ṛṇatrayeṇa mukto 'nṛṇo bhavati

