10 shlokas
- 1
उपनीतो ब्रह्मचारी मेखलोपवीताजिनदण्डधारी स्नात्वा तर्पणं ब्रह्मयज्ञं सायं प्रातः संध्योपासनसमिद्धोमौ च कुर्वन्गुरोः पादाव् उपसंगृह्य नित्याभिवन्दी व्रतेनाध्ययनं करोति
upanīto brahmacārī mekhalopavītājinadaṇḍadhārī snātvā tarpaṇaṃ brahmayajñaṃ sāyaṃ prātaḥ saṃdhyopāsanasamiddhomau ca kurvanguroḥ pādāv upasaṃgṛhya nityābhivandī vratenādhyayanaṃ karoti
- 2
स्थिते गुरौ स्थेयाद् उत्थिते पूर्वम् उत्थाय व्रजन्तम् अनुगच्छेद् आसीने शयाने च नियुक्तो नीचैर् अन्वासनशयने कुर्यात्
sthite gurau stheyād utthite pūrvam utthāya vrajantam anugacched āsīne śayāne ca niyukto nīcair anvāsanaśayane kuryāt
- 3
अनुक्तो यत्किंचित्कर्म नाचरति
anukto yatkiṃcitkarma nācarati
- 4
अनुक्तो ऽपि स्वाध्यायनित्यकर्माण्य् आचरेत्
anukto 'pi svādhyāyanityakarmāṇy ācaret
- 5
उष्णाम्बुस्नानदन्तधावनाञ्जनानुलेपनगन्धपुष्पोपानट्छत्रदिवास्वापरेतःस्कन्दस्त्रीदर्शनस्पर्शनमैथुनानि कामक्रोधलोभमोहमदमात्सर्यहिंसादीनि वर्जयित्वा सदाशुश्रूषुर्गुरोः प्रियहितकर्माणि कुर्वीत
uṣṇāmbusnānadantadhāvanāñjanānulepanagandhapuṣpopānaṭchatradivāsvāparetaḥskandastrīdarśanasparśanamaithunāni kāmakrodhalobhamohamadamātsaryahiṃsādīni varjayitvā sadāśuśrūṣurguroḥ priyahitakarmāṇi kurvīta
- 6
अद्वेषी वाक्चित्तानुकूलः प्रियं सत्यं वदति
adveṣī vākcittānukūlaḥ priyaṃ satyaṃ vadati
- 7
आर्तो ऽप्य् असत्याप्रियं निन्दं नाचक्षीत
ārto 'py asatyāpriyaṃ nindaṃ nācakṣīta
- 8
मधुमांसमत्स्यरसशुक्ताद्यभोज्यभोजनवर्जी भैक्षाचरणं कृत्वा गुरुणानुज्ञातो भैक्षान्नम् अश्नीयात्
madhumāṃsamatsyarasaśuktādyabhojyabhojanavarjī bhaikṣācaraṇaṃ kṛtvā guruṇānujñāto bhaikṣānnam aśnīyāt
- 9
गुरुवृद्धदीक्षितानाम् आख्यां न ब्रूयात्
guruvṛddhadīkṣitānām ākhyāṃ na brūyāt
- 10
गुर्वभावे तत्पुत्रे च गुरुवत्कर्माचरति
gurvabhāve tatputre ca guruvatkarmācarati

