35 shlokas
- 1
व्यतिपातविष्टिवैधृतिपापग्रहलग्नवर्गदिवसेषु
चौर्यावस्कन्दानृतसंग्रामासिद्धिम् आयान्ति
vyatipātaviṣṭivaidhṛtipāpagrahalagnavargadivaseṣu
cauryāvaskandānṛtasaṃgrāmāsiddhim āyānti
- 2
हुत्वानलं नमस्कृत्य देवताः स्वस्ति वाच्य विप्रांश्च
ध्यायन्दिगीशम् अविलम्बितं व्रजेद्भूपतिः सुमनाः
hutvānalaṃ namaskṛtya devatāḥ svasti vācya viprāṃśca
dhyāyandigīśam avilambitaṃ vrajedbhūpatiḥ sumanāḥ
- 3
कार्यवशात्स्वयम् अगमं भूभर्तुः केचिद् आहुर् आचार्याः
छत्त्रायुधाद्यम् इष्टं वैजयिकं निर्गमे कुर्यात्
kāryavaśātsvayam agamaṃ bhūbhartuḥ kecid āhur ācāryāḥ
chattrāyudhādyam iṣṭaṃ vaijayikaṃ nirgame kuryāt
- 4
नाकालवर्षवित्स्तनिते ष्ठिष्टकथञ्चिद् अपि मानम्
आ सप्ताहाद्दिव्यान्तरिक्षभौमैस्तथोत्पातैः
nākālavarṣavitstanite ṣṭhiṣṭakathañcid api mānam
ā saptāhāddivyāntarikṣabhaumaistathotpātaiḥ
- 5
दक्षिणपार्श्वस्पन्दनम् इष्टं हृदयं विहाय पृष्ठं च
मनसश्चागमशुद्धिः श्लोकश्चायं मुनिभिर् उक्तः
dakṣiṇapārśvaspandanam iṣṭaṃ hṛdayaṃ vihāya pṛṣṭhaṃ ca
manasaścāgamaśuddhiḥ ślokaścāyaṃ munibhir uktaḥ
- 6
शुभाशुभानि सर्वाणि निमित्तानि स्युर् एकतः
एकतश्च मनो याति तद्विशुद्धं जयावहम्
śubhāśubhāni sarvāṇi nimittāni syur ekataḥ
ekataśca mano yāti tadviśuddhaṃ jayāvaham
- 7
आरोहति क्षितिपतौ विनयोपपन्नो यात्रानुगो ऽन्यतुरगं प्रतिहेषितश्च
वक्त्रेण वा स्पृशति दक्षिणम् आत्मपार्श्वं यो ऽश्वः स भर्तुर् अचिरात्प्रचिनोति लक्ष्मीम्
ārohati kṣitipatau vinayopapanno yātrānugo 'nyaturagaṃ pratiheṣitaśca
vaktreṇa vā spṛśati dakṣiṇam ātmapārśvaṃ yo 'śvaḥ sa bhartur acirātpracinoti lakṣmīm
- 8
मुहुर्मुहुर्मूत्रशकृत्करोति न ताड्यमानो ऽप्य् अनुलोमयायी
अकार्यभीतो ऽश्रुविलोचनश्च शिवं न भर्तुस्तुरगो ऽभिधत्ते
muhurmuhurmūtraśakṛtkaroti na tāḍyamāno 'py anulomayāyī
akāryabhīto 'śruvilocanaśca śivaṃ na bhartusturago 'bhidhatte
- 9
स्खलितगतिर् अकस्मात्त्रस्तकर्णो ऽतिदीनः श्वसति मृदु सुदीर्घं न्यस्तहस्तः पृथिव्याम्
द्रुतमुकुलितदृष्टिः स्वप्नशीलो विकोमो भयकृद् अहितभक्षी नैकशो ऽसृक्शकृत्कृत्
skhalitagatir akasmāttrastakarṇo 'tidīnaḥ śvasati mṛdu sudīrghaṃ nyastahastaḥ pṛthivyām
drutamukulitadṛṣṭiḥ svapnaśīlo vikomo bhayakṛd ahitabhakṣī naikaśo 'sṛkśakṛtkṛt
- 10
वल्मीकस्थाणुगुल्मतृणतरुमथनः स्वेच्छया हृष्टदृष्टिर्यायाद्यात्रानुलोमं त्वरितपदगतिर्वक्त्रम् उन्नम्य चोच्चैः
कक्षासन्नाहकाले जनयति सुमहच्छीकरं वृहंते वा तत्कालं वा मदाप्तौ जयकृद् अथ रदं वेष्टयन्दक्षिणं च
valmīkasthāṇugulmatṛṇatarumathanaḥ svecchayā hṛṣṭadṛṣṭiryāyādyātrānulomaṃ tvaritapadagatirvaktram unnamya coccaiḥ
kakṣāsannāhakāle janayati sumahacchīkaraṃ vṛhaṃte vā tatkālaṃ vā madāptau jayakṛd atha radaṃ veṣṭayandakṣiṇaṃ ca
- 11
सिद्धार्थकादर्शपयोञ्जनानि बद्धैकपश्वामिषपूर्णकुम्भाः
siddhārthakādarśapayoñjanāni baddhaikapaśvāmiṣapūrṇakumbhāḥ
- 12
दधिमधुघृतरोचनाकुमार्यो ध्वजकनकाम्बुजभद्रपीठशङ्खाः
सितवृषकुसुमाम्बराणि मीना द्विजगणिकाप्तजनाश्च चारुवेषाः
dadhimadhughṛtarocanākumāryo dhvajakanakāmbujabhadrapīṭhaśaṅkhāḥ
sitavṛṣakusumāmbarāṇi mīnā dvijagaṇikāptajanāśca cāruveṣāḥ
- 13
ज्वलितशिखिफलाक्षतेक्षुभक्षा द्विरदमृदङ्कुशचामरायुधानि
मरकतकुरविन्दपद्मरागस्फटिकमणिप्रमुखाश्च रत्नभेदाः
jvalitaśikhiphalākṣatekṣubhakṣā dviradamṛdaṅkuśacāmarāyudhāni
marakatakuravindapadmarāgasphaṭikamaṇipramukhāśca ratnabhedāḥ
- 14
स्वयम् अथ रचितान्य् अयत्नतो वा यदि कथितानि भवन्ति मङ्गलानि
स जयति सकलां ततो धरित्रीं ग्रहणदृगालभनश्रुतैर् उपास्य
svayam atha racitāny ayatnato vā yadi kathitāni bhavanti maṅgalāni
sa jayati sakalāṃ tato dharitrīṃ grahaṇadṛgālabhanaśrutair upāsya
- 15
कर्पासौषधकृष्णधान्यलवणक्लीबास्थितैलं वसा पङ्काङ्गारगुडाहिचर्मशकृतः क्लेशाय सव्याधिताः
मत्तोन्मत्तजडीकृतान्धबधिरक्षुत्क्षामतक्रारयो मुण्डाभ्यक्तविमुक्तकेशपतिताः काषायिनश्चाशुभाः
karpāsauṣadhakṛṣṇadhānyalavaṇaklībāsthitailaṃ vasā paṅkāṅgāraguḍāhicarmaśakṛtaḥ kleśāya savyādhitāḥ
mattonmattajaḍīkṛtāndhabadhirakṣutkṣāmatakrārayo muṇḍābhyaktavimuktakeśapatitāḥ kāṣāyinaścāśubhāḥ
- 16
पटुपटहमृदङ्गशङ्खभेरीपणवरवं सपताकतोरणाग्रम्
प्रचुरकुसुमतोयशान्तरेणुं सुरभिसुवेषजनं भजेच्च मार्गम्
paṭupaṭahamṛdaṅgaśaṅkhabherīpaṇavaravaṃ sapatākatoraṇāgram
pracurakusumatoyaśāntareṇuṃ surabhisuveṣajanaṃ bhajecca mārgam
- 17
यान्य् अत्र मङ्गलामङ्गलानि निर्गच्छतां प्रदिष्टानि
स्वप्नेष्व् अपि तानि शुभाशुभानि विड्लेपनं धन्यम्
yāny atra maṅgalāmaṅgalāni nirgacchatāṃ pradiṣṭāni
svapneṣv api tāni śubhāśubhāni viḍlepanaṃ dhanyam
- 18
मृदुर् अनुकूलः स्निग्धपवनः तद्वद्वीनाश्च शस्यन्ते
ललाटं धनुर् अथेन्द्रंन शुभदम् अन्यत्र शस्तंफलम्
mṛdur anukūlaḥ snigdhapavanaḥ tadvadvīnāśca śasyante
lalāṭaṃ dhanur athendraṃna śubhadam anyatra śastaṃphalam
- 19
पुन्नामानछुछुगृहगोधिकपिंगला शिवा श्यामा
कोकिलशूकरिकारलाप्रस्थाने वामतः शस्ताः
punnāmānachuchugṛhagodhikapiṃgalā śivā śyāmā
kokilaśūkarikāralāprasthāne vāmataḥ śastāḥ
- 20
स्त्रीसंज्ञा भासभषकपिञ्जलाप्लवकम्बुकिंत्सका
शिखिश्रीकष्ठपयीकरुरुश्येनाश्च दक्षिणाङ्ग
strīsaṃjñā bhāsabhaṣakapiñjalāplavakambukiṃtsakā
śikhiśrīkaṣṭhapayīkaruruśyenāśca dakṣiṇāṅga
- 21
भारद्वाजमयूचापनकुलावलोकनं धन्यः
गोधाहिरपजाहकसरटाशशानाम् अनिष्टफलम्
bhāradvājamayūcāpanakulāvalokanaṃ dhanyaḥ
godhāhirapajāhakasaraṭāśaśānām aniṣṭaphalam
- 22
कीर्तनम् इष्टं चाषकशशगोधाहिसूकरजातीनाम्
रुतदर्शनं त्व् अधन्यं विपरीतं वानरर्क्षानाम्
kīrtanam iṣṭaṃ cāṣakaśaśagodhāhisūkarajātīnām
rutadarśanaṃ tv adhanyaṃ viparītaṃ vānararkṣānām
- 23
मृगविहगा शस्यन्ते प्रदक्षिणं विषमसंख्यया च मृगाः
नृपदर्शने गमणवत्तद्विपरीता प्रवेशे तु
mṛgavihagā śasyante pradakṣiṇaṃ viṣamasaṃkhyayā ca mṛgāḥ
nṛpadarśane gamaṇavattadviparītā praveśe tu
- 24
आक्षेपशीलः पुरुषाविधायी विरक्तभृत्यः परदारगामी
लुब्धो ऽसहायो व्यसनी कृतघ्नः स्थितिप्रभेत्ता करशीर्णराष्ट्रः
ākṣepaśīlaḥ puruṣāvidhāyī viraktabhṛtyaḥ paradāragāmī
lubdho 'sahāyo vyasanī kṛtaghnaḥ sthitiprabhettā karaśīrṇarāṣṭraḥ
- 25
विस्रम्भहा क्रोधवशे नृशंसे क्षुद्रा प्रमादी न बहुश्रुताश्च
दिव्यान्तरिक्षक्षितिजैर्विकारैर्निपीडितः स दैवहीनः
visrambhahā krodhavaśe nṛśaṃse kṣudrā pramādī na bahuśrutāśca
divyāntarikṣakṣitijairvikārairnipīḍitaḥ sa daivahīnaḥ
- 26
अतो विपर्यस्तगुणेन राज्ञा तादृग्विधो ऽरिस्त्व् अभियुक्तमात्रः
तरुर्घुणैर्जग्ध इवात्तकार्यो महान् अपि क्षिप्रम् उपैति भङ्गाः
ato viparyastaguṇena rājñā tādṛgvidho 'ristv abhiyuktamātraḥ
tarurghuṇairjagdha ivāttakāryo mahān api kṣipram upaiti bhaṅgāḥ
- 27
तद्विष्टप्रवरनरप्रतापहीना नीशौर्या वरवारणाश्वयोधमुखाः
सोत्पातप्रकृतिविपर्यायानयाता शोकार्ता रिपुबलम् आशुर्याति सेनाः
tadviṣṭapravaranarapratāpahīnā nīśauryā varavāraṇāśvayodhamukhāḥ
sotpātaprakṛtiviparyāyānayātā śokārtā ripubalam āśuryāti senāḥ
- 28
संग्रामे वम् अमरप्रसादा ज्येष्यामो रिपुबलम् आश्व् असंशयेन
यस्यैवं भवति बले जनप्रवादाः स्वल्पो ऽपि प्रवरबलं निहन्ति राजा
saṃgrāme vam amaraprasādā jyeṣyāmo ripubalam āśv asaṃśayena
yasyaivaṃ bhavati bale janapravādāḥ svalpo 'pi pravarabalaṃ nihanti rājā
- 29
पुरं रिपोर्भूमिपतिनिहन्याच्छत्रोर् अनिष्टग्रहदिटिविष्टिः
युद्धस्य यात्रासम एव कालः कूरेषु लग्नेषु च कूटायुधः
puraṃ riporbhūmipatinihanyācchatror aniṣṭagrahadiṭiviṣṭiḥ
yuddhasya yātrāsama eva kālaḥ kūreṣu lagneṣu ca kūṭāyudhaḥ
- 30
अन्तर्मुखाः पौरभयं विहंगाः प्रकारसंस्था विनिवेदयन्ति
आगन्तुनाशाय बहिर्मुखास्ते तुल्यं विहंगैः सरमात्मजैश्च
antarmukhāḥ paurabhayaṃ vihaṃgāḥ prakārasaṃsthā vinivedayanti
āgantunāśāya bahirmukhāste tulyaṃ vihaṃgaiḥ saramātmajaiśca

