10 shlokas
- 1
घनतिमिरनागसिंहस्त्रिभुवनभवनाधिपो जगच्चक्षुः
उदयास्ताचमौलिर्जयति रविर्गगनतिलकैकः
ghanatimiranāgasiṃhastribhuvanabhavanādhipo jagaccakṣuḥ
udayāstācamaulirjayati ravirgaganatilakaikaḥ
- 2
मूर्ध्ना गणेशं च सरस्वतीं च सलोकपालं परमेश्वरं च
पद्मोद्भवं पद्मधनं हरिं च त्रैलोक्यदीपं प्रणमामि भानुम्
mūrdhnā gaṇeśaṃ ca sarasvatīṃ ca salokapālaṃ parameśvaraṃ ca
padmodbhavaṃ padmadhanaṃ hariṃ ca trailokyadīpaṃ praṇamāmi bhānum
- 3
यात्राविधिर् अत ऊर्ध्वं विजिगीषोर्विदितजन्मसमयस्य
प्रत्यब्दमासवासरविभक्तसुखदुःखनिष्ठस्य
yātrāvidhir ata ūrdhvaṃ vijigīṣorviditajanmasamayasya
pratyabdamāsavāsaravibhaktasukhaduḥkhaniṣṭhasya
- 4
विदिते होराराशौ स्थानबलपरिग्रहे ग्रहाणां च
आयुषि च परिज्ञाते शुभम् अशुभं वा फलं वाच्यम्
vidite horārāśau sthānabalaparigrahe grahāṇāṃ ca
āyuṣi ca parijñāte śubham aśubhaṃ vā phalaṃ vācyam
- 5
प्रस्तुतविरोध एवं स्थितविषये भवति शास्त्रनिर्देशः
जन्मसमयं च केचिद्वदन्ति न वदन्ति बहवो ऽन्ये
prastutavirodha evaṃ sthitaviṣaye bhavati śāstranirdeśaḥ
janmasamayaṃ ca kecidvadanti na vadanti bahavo 'nye
- 6
जन्मर्क्षोदयलग्ने तद् अपि ययोर्वा यियासतः प्रश्ने
त्रिषडेकादशशीर्षोदयेषु मार्गेषु च जयः स्यात्
janmarkṣodayalagne tad api yayorvā yiyāsataḥ praśne
triṣaḍekādaśaśīrṣodayeṣu mārgeṣu ca jayaḥ syāt
- 7
शत्रोर्होराराशिस्तदधिपतिर्जन्मभं तदीशो वा
यद्य् अस्ते हिबुके वा तथापि शत्रुर्हतो वाच्यः
śatrorhorārāśistadadhipatirjanmabhaṃ tadīśo vā
yady aste hibuke vā tathāpi śatrurhato vācyaḥ
- 8
प्रश्ने मनोरमा भूर्मङ्गल्यद्रव्यदर्शनं शस्तम्
यदि चादरेण पृच्छति दैवज्ञो निर्दिशेद्विजयम्
praśne manoramā bhūrmaṅgalyadravyadarśanaṃ śastam
yadi cādareṇa pṛcchati daivajño nirdiśedvijayam
- 9
नन्दा भद्रा विजया रिक्ता पूर्णा च नामसदृशफलाः
न्यूनसमेष्टा दशमे तिथयः शुक्ले कृष्णे प्रतीपास्ताः
nandā bhadrā vijayā riktā pūrṇā ca nāmasadṛśaphalāḥ
nyūnasameṣṭā daśame tithayaḥ śukle kṛṣṇe pratīpāstāḥ
- 10
नक्षत्रपुटाकिरणं पश्चात्संध्यागतं ग्रहैर्भिन्नम्
क्रूरनिपीडितम् उत्पातदूषितं चाशुभं सर्वम्
nakṣatrapuṭākiraṇaṃ paścātsaṃdhyāgataṃ grahairbhinnam
krūranipīḍitam utpātadūṣitaṃ cāśubhaṃ sarvam

