15 shlokas
- 1
रसान्विक्रीय कृच्छ्रं चरन्घृतवतीद्वितीयम्
rasānvikrīya kṛcchraṃ caranghṛtavatīdvitīyam
- 2
उभयतोदन्तान्विक्रीय कृच्छ्रं चरन्को अद्य युङ्क्त इत्य् एतत्
ubhayatodantānvikrīya kṛcchraṃ caranko adya yuṅkta ity etat
- 3
तान्प्रतिगृह्यैतेनैव कल्पेन शं पदम् इत्य् एतत्
tānpratigṛhyaitenaiva kalpena śaṃ padam ity etat
- 4
अदत्तां कन्यां प्रकृत्य कृच्छ्रं चरन्न् अभ्रातृव्यो अना त्वम् इत्य् एतद्गायेत्
adattāṃ kanyāṃ prakṛtya kṛcchraṃ carann abhrātṛvyo anā tvam ity etadgāyet
- 5
तां प्रतिगृह्यैतेनैव कल्पेन शं पदम् इत्य् एतत्
tāṃ pratigṛhyaitenaiva kalpena śaṃ padam ity etat
- 6
अभ्युदितो भद्रो नो अग्निर् आहुत इत्य् एतद्गायेत्
अभ्यस्तमितो न तस्य मायया च नेति
abhyudito bhadro no agnir āhuta ity etadgāyet
abhyastamito na tasya māyayā ca neti
- 7
दुःस्वप्नेष्व् अद्या नो देव सवितर् इति द्वितीयम्
duḥsvapneṣv adyā no deva savitar iti dvitīyam
- 8
अन्यस्मिंस्त्व् अनाज्ञाते कयानीया द्वितीयम् आवर्तयेत्
anyasmiṃstv anājñāte kayānīyā dvitīyam āvartayet
- 9
अग्निदग्धे घृताक्तान्यवाञ्जुहुयाज्जातः परेण धर्मेणेत्य् एतेनाग्नये स्वाहेति च
agnidagdhe ghṛtāktānyavāñjuhuyājjātaḥ pareṇa dharmeṇety etenāgnaye svāheti ca
- 10
मूषिकजग्धे तिलाञ्जुहुयान्नकि देवा इनीमसीतीन्द्राय स्वाहेति च
mūṣikajagdhe tilāñjuhuyānnaki devā inīmasītīndrāya svāheti ca
- 11
कूर्चनाश एकरात्रम् उपवसन्न् अग्निस्तिग्मेनेति द्वितीयम्
kūrcanāśa ekarātram upavasann agnistigmeneti dvitīyam
- 12
अन्यस्मिंस्त्व् अनाज्ञाते यं वृत्रेष्व् इति द्वितीयम्
anyasmiṃstv anājñāte yaṃ vṛtreṣv iti dvitīyam
- 13
मनुष्येष्व् अभिवातेषु घृताक्तानां यवानाम् आढकं जुहुयाद् अग्ने त्वं नो अन्तम इति चतुर्वर्गेण सामान्तेषु स्वाहाकारैर् अग्नये स्वाहा वायवे स्वाहा सूर्याय स्वाहा चन्द्राय स्वाहेति च स्नेहवद् अमांसम् अन्नं ब्राह्मणान्भोजयित्वा स्वस्ति वाचयित्वा स्वस्ति हैषां भवति
manuṣyeṣv abhivāteṣu ghṛtāktānāṃ yavānām āḍhakaṃ juhuyād agne tvaṃ no antama iti caturvargeṇa sāmānteṣu svāhākārair agnaye svāhā vāyave svāhā sūryāya svāhā candrāya svāheti ca snehavad amāṃsam annaṃ brāhmaṇānbhojayitvā svasti vācayitvā svasti haiṣāṃ bhavati
- 14
गोष्व् अभिवातासु घृताक्तानां यवानाम् आढकं जुहुयाद् आ वो राजानम् इत्य् एतेन रुद्राय स्वाहेति च यावतीर्धूमः स्पृशति स्वस्ति हासां भवति
goṣv abhivātāsu ghṛtāktānāṃ yavānām āḍhakaṃ juhuyād ā vo rājānam ity etena rudrāya svāheti ca yāvatīrdhūmaḥ spṛśati svasti hāsāṃ bhavati
- 15
अश्वेष्व् अभिवातेषु घृताक्तानां यवानाम् आढकं जुहुयाद् अश्वी रथी द्वितीयेनाश्विभ्यां स्वाहेति च यावतो धूमः स्पृशति स्वस्ति हैषां भवति स्वस्ति हैषां भवति
aśveṣv abhivāteṣu ghṛtāktānāṃ yavānām āḍhakaṃ juhuyād aśvī rathī dvitīyenāśvibhyāṃ svāheti ca yāvato dhūmaḥ spṛśati svasti haiṣāṃ bhavati svasti haiṣāṃ bhavati

