16 shlokas
- 1
राज्ञः प्रतिगृह्य मासम् उदके वसन्दिवा भुञ्जानो महत्तत्सोमो महिषश्चकारेत्य् एतद्गायेत्
rājñaḥ pratigṛhya māsam udake vasandivā bhuñjāno mahattatsomo mahiṣaścakārety etadgāyet
- 2
अन्यस्याप्रतिग्राह्यस्य कृच्छ्रं चरंस्त्रिकद्रुकेष्व् इत्य् एतत्
anyasyāpratigrāhyasya kṛcchraṃ caraṃstrikadrukeṣv ity etat
- 3
अदत्तादान एकरात्रम् उपवसन्न् अग्निस्तिग्मेनेति द्वितीयम्
adattādāna ekarātram upavasann agnistigmeneti dvitīyam
- 4
ब्राह्मणायावगूर्य प्राणं गायेत्
निहत्यापानम्
शोणिते क्षरति प्र सोम देववीतय इति द्वितीयम्
brāhmaṇāyāvagūrya prāṇaṃ gāyet
nihatyāpānam
śoṇite kṣarati pra soma devavītaya iti dvitīyam
- 5
राजन्यवैश्यौ सवनगतौ हत्वा ब्राह्मणस्वकल्पेन शुद्धाशुद्धीयम् उत्तरम्
rājanyavaiśyau savanagatau hatvā brāhmaṇasvakalpena śuddhāśuddhīyam uttaram
- 6
शूद्रं हत्वा द्वादशरात्रम् उपवास उदके च वासो ऽयं त इन्द्र सोम इति द्वितीयम्
śūdraṃ hatvā dvādaśarātram upavāsa udake ca vāso 'yaṃ ta indra soma iti dvitīyam
- 7
गां हत्वा द्वादशरात्रम् उपवास उदके च वासो वयं घ त्वा सुतावन्त इति द्वितीयम्
gāṃ hatvā dvādaśarātram upavāsa udake ca vāso vayaṃ gha tvā sutāvanta iti dvitīyam
- 8
अन्यत्प्राणि हत्वैकरात्रम् उपवसन्न् अग्निस्तिग्मेनेति द्वितीयम्
anyatprāṇi hatvaikarātram upavasann agnistigmeneti dvitīyam
- 9
अवकीर्णी त्रीन्कृच्छ्रांश्चरन्परीतो षिञ्चता सुतम् इति चतुर्थम् आवर्तयेत्
avakīrṇī trīnkṛcchrāṃścaranparīto ṣiñcatā sutam iti caturtham āvartayet
- 10
एतेन कल्पेन परिवेत्ता परिविन्दश्च सोमं राजानं वरुणम् इत्य् एतत्
etena kalpena parivettā parivindaśca somaṃ rājānaṃ varuṇam ity etat
- 11
अयोनौ रेतः सिक्त्वाग्निर्मूर्धा घृतवती द्वितीयं यद् इतस्तन्वो ममेति च
ayonau retaḥ siktvāgnirmūrdhā ghṛtavatī dvitīyaṃ yad itastanvo mameti ca
- 12
शूद्रजीविकायां सेवित्वोपरम्य त्रीन्कृच्छ्रांश्चरंश्चक्रम् इत्य् एतद्गायेत्
śūdrajīvikāyāṃ sevitvoparamya trīnkṛcchrāṃścaraṃścakram ity etadgāyet
- 13
वैश्यजीविकायां वयः सुपर्णा इत्य् एतत्
राजन्यजीविकायां पवस्व सोम मधुमाꣳ ऋतावेत्य् एतद् अभि त्वं मेषम् इति वा
vaiśyajīvikāyāṃ vayaḥ suparṇā ity etat
rājanyajīvikāyāṃ pavasva soma madhumām̐ ṛtāvety etad abhi tvaṃ meṣam iti vā
- 14
सदा प्रयोगः
sadā prayogaḥ
- 15
ब्राह्मणम् अनृतम् अभिशस्य तत्पापं प्रतिपद्यते
गुह्यं प्रकाशयन्न् अर्धभाग्भवति
brāhmaṇam anṛtam abhiśasya tatpāpaṃ pratipadyate
guhyaṃ prakāśayann ardhabhāgbhavati
- 16
अग्निस्तिग्मेनेति वर्गं प्रयुञ्जानस्तेन तत्तरति तेन तत्तरति
agnistigmeneti vargaṃ prayuñjānastena tattarati tena tattarati

