5 shlokas
- 1
चतुरः प्रातर् अश्नीयाद्विप्रः पिण्डान्कृताह्निकः
चतुरो ऽस्तमिते सूर्ये शिशुचान्द्रायणं स्मृतम्
caturaḥ prātar aśnīyādvipraḥ piṇḍānkṛtāhnikaḥ
caturo 'stamite sūrye śiśucāndrāyaṇaṃ smṛtam
- 2
अष्टाव् अष्टौ समश्नीयात्पिण्डान्मध्यंदिने स्थिते
नियतात्मा हविष्यस्य यतिचान्द्रायणव्रतम्
aṣṭāv aṣṭau samaśnīyātpiṇḍānmadhyaṃdine sthite
niyatātmā haviṣyasya yaticāndrāyaṇavratam
- 3
यथाकथंचित्पिण्डानां तिस्रो ऽशीतीः समाहितः
मासेनाश्नन्हविष्यस्य चन्द्रस्यैति सलोकताम्
yathākathaṃcitpiṇḍānāṃ tisro 'śītīḥ samāhitaḥ
māsenāśnanhaviṣyasya candrasyaiti salokatām
- 4
एतद्रुद्रास्तथादित्या वसवश्चाचरन्व्रतम्
सर्वाकुशलमोक्षाय मरुतश्चर्भुभिः सह
etadrudrāstathādityā vasavaścācaranvratam
sarvākuśalamokṣāya marutaścarbhubhiḥ saha
- 5
यावकः सप्तरात्रं तु पातव्यो नियतात्मना
स्थानासनत्रिसवनैर्जपता पावनानि च
yāvakaḥ saptarātraṃ tu pātavyo niyatātmanā
sthānāsanatrisavanairjapatā pāvanāni ca

