5 shlokas
- 1
एकैकं सप्तरात्रेण पुनाति विधिवत्कृतः
त्वगसृक्पिशितास्थीनि मेदोमज्जानम् एव च
ekaikaṃ saptarātreṇa punāti vidhivatkṛtaḥ
tvagasṛkpiśitāsthīni medomajjānam eva ca
- 2
एकैकं सप्तरात्रं तु त्वगादीनां विशोधनम्
एभिर्व्रतैर्विपूतात्मा कुर्यात्कर्माण्य् अतन्द्रितः
ekaikaṃ saptarātraṃ tu tvagādīnāṃ viśodhanam
ebhirvratairvipūtātmā kuryātkarmāṇy atandritaḥ
- 3
इष्टान्कामान्ततः सर्वान् अवाप्नोति न संशयः
कणपिण्याकतक्राणाम् एकैकम्शोधनं भवेत्
iṣṭānkāmāntataḥ sarvān avāpnoti na saṃśayaḥ
kaṇapiṇyākatakrāṇām ekaikamśodhanaṃ bhavet
- 4
शुद्धात्मा कर्म कुर्वीत सत्यवादी जितेन्द्रियः
एवं शुद्धस्य कर्माणि मन्त्रैर्वक्ष्यामि तद्यथा
śuddhātmā karma kurvīta satyavādī jitendriyaḥ
evaṃ śuddhasya karmāṇi mantrairvakṣyāmi tadyathā
- 5
त्रिरात्रम् एवोपवसेद् आदितः सर्वकर्मणाम्
त्रीणि नक्तानि वा कुर्यात्ततः कर्म समारभेत्
trirātram evopavased āditaḥ sarvakarmaṇām
trīṇi naktāni vā kuryāttataḥ karma samārabhet

