5 shlokas
- 1
नित्यप्रयोगिनां चैव प्रयोगादौ व्रतं त्र्यहम्
उपरिष्टाद् उपवसेत्कृत्वा वा सांनिपातिकम्
nityaprayogināṃ caiva prayogādau vrataṃ tryaham
upariṣṭād upavasetkṛtvā vā sāṃnipātikam
- 2
आयुष्याण्येव कर्माणि मन्त्रयुक्तः समारभेत्
शम्वत्यः स्वस्तिमत्यश्च जपेत त्रिवृतर्चः
āyuṣyāṇyeva karmāṇi mantrayuktaḥ samārabhet
śamvatyaḥ svastimatyaśca japeta trivṛtarcaḥ
- 3
अरण्ये चोदिते सूर्ये दिशं प्राप्यापराजिताम्
प्राचीम् अथोत्तरां वापि शुचौ देशे समाहितः
araṇye codite sūrye diśaṃ prāpyāparājitām
prācīm athottarāṃ vāpi śucau deśe samāhitaḥ
- 4
सवासाः सशिरस्को ऽप्सु स्नात्वाभ्युक्ष्य जपेद्द्विजः
शुद्धवत्यस्तथाब्वत्यः पावमान्यो ऽघमर्षणम्
savāsāḥ saśirasko 'psu snātvābhyukṣya japeddvijaḥ
śuddhavatyastathābvatyaḥ pāvamānyo 'ghamarṣaṇam
- 5
एवं त्रिर् आप्लुत्य शुचिः प्राणायामान्त्समाचरेत्
त्रीन्षड् अष्टौ द्वादश वा षोडशाष्टादशापि वा
evaṃ trir āplutya śuciḥ prāṇāyāmāntsamācaret
trīnṣaḍ aṣṭau dvādaśa vā ṣoḍaśāṣṭādaśāpi vā

