5 shlokas
- 1
तप्तकृच्छ्रं चरन्विप्रो जलक्षीरघृतानिलान्
प्रतित्र्यहं पिबेद् उष्णान्त्सकृत्स्नायी समाहितः
taptakṛcchraṃ caranvipro jalakṣīraghṛtānilān
pratitryahaṃ pibed uṣṇāntsakṛtsnāyī samāhitaḥ
- 2
नियतस्तु पिबेद् अपः प्राजापत्यविधिः स्मृतः
यतिकृच्छ्रं वदन्त्य् एतद्रपसाम् अपनोदनम्
niyatastu pibed apaḥ prājāpatyavidhiḥ smṛtaḥ
yatikṛcchraṃ vadanty etadrapasām apanodanam
- 3
यतात्मनो ऽप्रमत्तस्य द्वादशाहम् अभोजनम्
पराको नाम कृच्छ्रो ऽयं सर्वपापापनोदनः
yatātmano 'pramattasya dvādaśāham abhojanam
parāko nāma kṛcchro 'yaṃ sarvapāpāpanodanaḥ
- 4
एकैकं ह्रासयेत्पिण्डं कृष्णे शुक्ले च वर्धयेत्
उपस्पृशंस्त्रिषवणम् एतच्चान्द्रायणं व्रतम्
ekaikaṃ hrāsayetpiṇḍaṃ kṛṣṇe śukle ca vardhayet
upaspṛśaṃstriṣavaṇam etaccāndrāyaṇaṃ vratam
- 5
एतम् एव विधिं कृत्स्नम् आचरेद्यवमध्यमे
शुक्लपक्षादि नियतः चरंश्चान्द्रायणव्रतम्
etam eva vidhiṃ kṛtsnam ācaredyavamadhyame
śuklapakṣādi niyataḥ caraṃścāndrāyaṇavratam

