6 shlokas
- 1
भद्रायां तु बला नीली दन्ती काश्मरी सारिवा
श्वेताद्रिकर्णी गौरी च सप्त प्रोक्ता भिषग्वरैः
bhadrāyāṃ tu balā nīlī dantī kāśmarī sārivā
śvetādrikarṇī gaurī ca sapta proktā bhiṣagvaraiḥ
- 2
मञ्जिष्ठा कटुका पथ्या काश्मरी चन्द्रवल्लभा
वन्दाको रजनी चैव रोहिण्यां सप्त च स्मृताः
mañjiṣṭhā kaṭukā pathyā kāśmarī candravallabhā
vandāko rajanī caiva rohiṇyāṃ sapta ca smṛtāḥ
- 3
धात्री बहुफलायां स्याच्छर्दिनी काकमाचिका
काम्भोजी च शशाण्डूली कटुहुञ्ची च वालुकी
dhātrī bahuphalāyāṃ syācchardinī kākamācikā
kāmbhojī ca śaśāṇḍūlī kaṭuhuñcī ca vālukī
- 4
मण्डूकी ब्रह्मजा शङ्खपुष्पी ज्योतिष्मती मुनिः
विष्णुक्रान्ता वचा श्वेता मेध्यायां सप्त संमताः
maṇḍūkī brahmajā śaṅkhapuṣpī jyotiṣmatī muniḥ
viṣṇukrāntā vacā śvetā medhyāyāṃ sapta saṃmatāḥ
- 5
आखुकर्णी सुतश्रेणी इन्द्राह्वा च कलिङ्गकः
गण्डदूर्वा गवाक्षी च चित्रायाम् ऋक्षम् एकतः
ākhukarṇī sutaśreṇī indrāhvā ca kaliṅgakaḥ
gaṇḍadūrvā gavākṣī ca citrāyām ṛkṣam ekataḥ
- 6
रास्ना पाठा प्रियङ्गुश्च सितक्षुद्रा हरीतकी
श्रेयस्यां चेति सम्प्रोक्ता अम्बष्ठा गजपिप्पली
rāsnā pāṭhā priyaṅguśca sitakṣudrā harītakī
śreyasyāṃ ceti samproktā ambaṣṭhā gajapippalī

