49 shlokas
- 1
श्रीश्च लक्ष्मीफले ज्ञेया त्व् असनो बीजवृक्षकः
शालूकं पद्मकन्दे स्यात्सदापुष्पो रविद्रुमे
śrīśca lakṣmīphale jñeyā tv asano bījavṛkṣakaḥ
śālūkaṃ padmakande syātsadāpuṣpo ravidrume
- 2
कुबेरको नन्दिवृक्षे गोकण्टो गोक्षुरे तथा
दन्तफलस्तु पिप्पल्यां कसेरुर्भद्रमुस्तके
kuberako nandivṛkṣe gokaṇṭo gokṣure tathā
dantaphalastu pippalyāṃ kaserurbhadramustake
- 3
नागरोत्था कच्छरुहा अङ्कोले दीर्घकीलके
वल्लकी सल्लकीवृक्षे मातुलुङ्गे तु पूरकः
nāgarotthā kaccharuhā aṅkole dīrghakīlake
vallakī sallakīvṛkṣe mātuluṅge tu pūrakaḥ
- 4
ब्रह्मघ्नी तु कुमारी स्यादङ्कोले गूढमल्लिका
अतिविषा श्वेतवचोपकुञ्ची स्थूलजीरके
brahmaghnī tu kumārī syādaṅkole gūḍhamallikā
ativiṣā śvetavacopakuñcī sthūlajīrake
- 5
कवचः स्यात्पर्पटके लवणं तु पयोधिजम्
बृहत्त्वक्सप्तपर्णे स्यात्काम्भोजी वाकुची तथा
kavacaḥ syātparpaṭake lavaṇaṃ tu payodhijam
bṛhattvaksaptaparṇe syātkāmbhojī vākucī tathā
- 6
कीटपादी हंसपाद्यां कुनटी तु मनःशिला
वैकुण्ठम् अर्जके प्राहुर्भूधात्र्यां तु तमालिनी
kīṭapādī haṃsapādyāṃ kunaṭī tu manaḥśilā
vaikuṇṭham arjake prāhurbhūdhātryāṃ tu tamālinī
- 7
शतकुन्दः शरीरे स्यादग्निकाष्ठं तथागुरौ
सूक्ष्मपत्त्री शतावर्यां क्षीरपर्ण्यर्कसंज्ञके
śatakundaḥ śarīre syādagnikāṣṭhaṃ tathāgurau
sūkṣmapattrī śatāvaryāṃ kṣīraparṇyarkasaṃjñake
- 8
शौण्डी तु पिप्पली ज्ञेया कस्तूर्यां मदनी तथा
ब्रह्मपर्णी पृश्निपर्ण्यां चित्रपर्णी च सा स्मृता
śauṇḍī tu pippalī jñeyā kastūryāṃ madanī tathā
brahmaparṇī pṛśniparṇyāṃ citraparṇī ca sā smṛtā
- 9
छत्त्रपर्णः सप्तपर्णे पीलुपर्णी तु तुण्डिका
शाकश्रेष्ठस्तु वृन्ताके शङ्गरः शमिर् उच्यते
chattraparṇaḥ saptaparṇe pīluparṇī tu tuṇḍikā
śākaśreṣṭhastu vṛntāke śaṅgaraḥ śamir ucyate
- 10
गोरटः स्याद्विट्खदिरे तुण्डिश्चारण्यबिम्बिका
विष्णुगुप्तं तु चाणक्यमूले ऽनन्ता यवासके
goraṭaḥ syādviṭkhadire tuṇḍiścāraṇyabimbikā
viṣṇuguptaṃ tu cāṇakyamūle 'nantā yavāsake
- 11
कपिकच्छुर् आत्मगुप्ता वातपोथस्तु किंशुके
पीता तु रजनी ज्ञेया बोधिवृक्षस्तु पिप्पलः
kapikacchur ātmaguptā vātapothastu kiṃśuke
pītā tu rajanī jñeyā bodhivṛkṣastu pippalaḥ
- 12
उशीरे समगन्धिः स्याद्धिङ्गुले चूर्णपारदः
हिङ्गाव् अगूढगन्धः स्याद्गोदन्ते विस्रगन्धिके
uśīre samagandhiḥ syāddhiṅgule cūrṇapāradaḥ
hiṅgāv agūḍhagandhaḥ syādgodante visragandhike
- 13
शम्यामीशान इत्याहुर्दिवान्धो घूक उच्यते
पयस्या क्षीरकाकोल्यां शतवेध्यम्लवेतसे
śamyāmīśāna ityāhurdivāndho ghūka ucyate
payasyā kṣīrakākolyāṃ śatavedhyamlavetase
- 14
रोचनी नारिकेले च भूधात्र्यां चारुहा स्मृता
प्रियां प्रियङ्गुके प्राहुः खराह्वा चाजमोदके
rocanī nārikele ca bhūdhātryāṃ cāruhā smṛtā
priyāṃ priyaṅguke prāhuḥ kharāhvā cājamodake
- 15
तगरं दण्डहस्ती स्याद्रसोनो लशुने स्मृतः
तपस्विनी जटामांस्यां मेघपुष्ये ऽजशृङ्गिका
tagaraṃ daṇḍahastī syādrasono laśune smṛtaḥ
tapasvinī jaṭāmāṃsyāṃ meghapuṣye 'jaśṛṅgikā
- 16
ज्ञेयं मातुलपुष्पं तु धुस्तूरे चोरके रिपुः
शष्पं बालतृणं प्रोक्तं शैलेयं चाश्मपुष्पके
jñeyaṃ mātulapuṣpaṃ tu dhustūre corake ripuḥ
śaṣpaṃ bālatṛṇaṃ proktaṃ śaileyaṃ cāśmapuṣpake
- 17
श्रीपुष्पं तु लवंगे स्याद्बालपुष्पी तु यूथिका
स्थूलपुष्पं तु झेण्डूके चित्रके दारुणः स्मृतः
śrīpuṣpaṃ tu lavaṃge syādbālapuṣpī tu yūthikā
sthūlapuṣpaṃ tu jheṇḍūke citrake dāruṇaḥ smṛtaḥ
- 18
अथ स्याद्विषपुष्पं तु पुष्पं श्यामदलान्वितम्
बलभद्रः कदम्बोऽन्यः शाखोटे भूतवृक्षकः
atha syādviṣapuṣpaṃ tu puṣpaṃ śyāmadalānvitam
balabhadraḥ kadambo'nyaḥ śākhoṭe bhūtavṛkṣakaḥ
- 19
रामा तमालपत्त्रे स्याद्भूर्जे चर्मदलो मतः
आत्मशल्या शतावर्यां पिक्यां कलभवल्लभा
rāmā tamālapattre syādbhūrje carmadalo mataḥ
ātmaśalyā śatāvaryāṃ pikyāṃ kalabhavallabhā
- 20
विप्रप्रिया पलाशे च ज्वरारिस्तु गुडूचिका
कण्टकार्यां तु श्वेतायां ज्ञेया तु कपटेश्वरी
viprapriyā palāśe ca jvarāristu guḍūcikā
kaṇṭakāryāṃ tu śvetāyāṃ jñeyā tu kapaṭeśvarī
- 21
पाण्डुफलं पटोले स्याच्छालिपर्ण्यां स्थिरा मता
गायत्री खदिरे प्रोक्ता स्याद् एर्वारुस्तु कर्कटी
pāṇḍuphalaṃ paṭole syācchāliparṇyāṃ sthirā matā
gāyatrī khadire proktā syād ervārustu karkaṭī
- 22
नीवारे ऽरण्यशालिः स्यात्पार्वत्यां गजपिप्पली
स्पृक्कायां देवपुत्री स्यादङ्कोले देवदारु च
nīvāre 'raṇyaśāliḥ syātpārvatyāṃ gajapippalī
spṛkkāyāṃ devaputrī syādaṅkole devadāru ca
- 23
रीठां प्रकीर्यके प्राहुर्दन्त्यां केशरुहा स्मृता
आम्रस्तु सहकारे स्यात्ज्ञेयस्ताले द्रुमेश्वरः
rīṭhāṃ prakīryake prāhurdantyāṃ keśaruhā smṛtā
āmrastu sahakāre syātjñeyastāle drumeśvaraḥ
- 24
दुष्पुत्रश्चोरके प्रोक्तो माडे चैव वितानकः
माचिषा मण्डके प्रोक्ता मार्जारी मृगनाभिजा
duṣputraścorake prokto māḍe caiva vitānakaḥ
māciṣā maṇḍake proktā mārjārī mṛganābhijā
- 25
तिन्तिडीके तु बीजाम्लः कदल्यां तु सकृत्फला
जर्तिलश्चारण्यतिले तार्क्ष्यशैलं रसाञ्जने
tintiḍīke tu bījāmlaḥ kadalyāṃ tu sakṛtphalā
jartilaścāraṇyatile tārkṣyaśailaṃ rasāñjane
- 26
विभीतके कलिन्दः स्याच्छालिर्ज्ञेया तु पाटला
रङ्गमाता तु लाक्षायाम् अग्निज्वाला तु धातकी
vibhītake kalindaḥ syācchālirjñeyā tu pāṭalā
raṅgamātā tu lākṣāyām agnijvālā tu dhātakī
- 27
तिनिशे स्याद्भस्मगर्भा मधूल्यां मधुकर्कटी
सितगुञ्जा काकपीलौ चन्द्रायां तु गुडूचिका
tiniśe syādbhasmagarbhā madhūlyāṃ madhukarkaṭī
sitaguñjā kākapīlau candrāyāṃ tu guḍūcikā
- 28
नटश्चाशोकवृक्षे स्याद्दाडिमे फलषाडवः
निष्पावे तु पलङ्कः स्यात्कलशी पृश्निपर्णिका
naṭaścāśokavṛkṣe syāddāḍime phalaṣāḍavaḥ
niṣpāve tu palaṅkaḥ syātkalaśī pṛśniparṇikā
- 29
राजान्ने दीर्घशूकः स्याज्जरणः कृष्णजीरके
पिङ्गा चैव हरिद्रायां श्वेतशूके यवः स्मृतः
rājānne dīrghaśūkaḥ syājjaraṇaḥ kṛṣṇajīrake
piṅgā caiva haridrāyāṃ śvetaśūke yavaḥ smṛtaḥ
- 30
श्यामाके तु त्रिबीजः स्यादाढक्यां तुवरी स्मृता
गोधूमेऽथ मृदुः प्रोक्तः करला त्रिपुटा तथा
śyāmāke tu tribījaḥ syādāḍhakyāṃ tuvarī smṛtā
godhūme'tha mṛduḥ proktaḥ karalā tripuṭā tathā

