5 shlokas
- 1
अम्लिकायां तु चाङ्गेर्यां मोचिका चाम्रचिञ्चके
वयःस्थायां च काकोल्यौ दार्वी च सोमवल्लरी
amlikāyāṃ tu cāṅgeryāṃ mocikā cāmraciñcake
vayaḥsthāyāṃ ca kākolyau dārvī ca somavallarī
- 2
जन्तुकायां पुत्रदात्र्यां षट्पद्यां भ्रमरी त्वचौ
भ्रमरी चारको वैद्यशास्त्रम् आयुष्मते स्मृतः
jantukāyāṃ putradātryāṃ ṣaṭpadyāṃ bhramarī tvacau
bhramarī cārako vaidyaśāstram āyuṣmate smṛtaḥ
- 3
अभया चिर्भिटा वन्ध्या कर्कोटी च मृगादनी
पथ्यायां सम्प्रवक्ष्यन्ते चतस्रश्च भिषग्वरैः
abhayā cirbhiṭā vandhyā karkoṭī ca mṛgādanī
pathyāyāṃ sampravakṣyante catasraśca bhiṣagvaraiḥ
- 4
कुष्ठे कुन्दुरुके निम्बे राजके राजभद्रकः
कटके काचके लोहे तिलके गन्धभेदकः
kuṣṭhe kunduruke nimbe rājake rājabhadrakaḥ
kaṭake kācake lohe tilake gandhabhedakaḥ
- 5
मीनाख्यायां महाराष्ट्र्यां काकमाच्यां ततः परम्
ब्रह्ममण्डूकिकायां तु मत्स्याक्षी च प्रचक्षते
mīnākhyāyāṃ mahārāṣṭryāṃ kākamācyāṃ tataḥ param
brahmamaṇḍūkikāyāṃ tu matsyākṣī ca pracakṣate

