17 shlokas
- 1
उच्चा ते जातम् अन्धस इत्य् उद्वत्यो गायत्र्यो भवन्त्य् उत्थानस्य रूपम्
uccā te jātam andhasa ity udvatyo gāyatryo bhavanty utthānasya rūpam
- 2
पुनानस्सोम धारयेति पन्थानम् एव तत्पर्यवयन्ति
punānassoma dhārayeti panthānam eva tatparyavayanti
- 3
आ जागृविर्विप्र ऋतं मतीनाम् इति यद् आप्ते प्रवतीः कुर्युर् अतिपद्येरन्यद् आवत्यो भवन्त्य् अनतिपादाय
ā jāgṛvirvipra ṛtaṃ matīnām iti yad āpte pravatīḥ kuryur atipadyeranyad āvatyo bhavanty anatipādāya
- 4
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
- 5
आमहीयवं भवति कॢप्तिश्चान्नाद्यं च कॢप्तिं चैवैतेनान्नाद्यं चाभ्युत्तिष्ठन्ति
āmahīyavaṃ bhavati kḷptiścānnādyaṃ ca kḷptiṃ caivaitenānnādyaṃ cābhyuttiṣṭhanti
- 6
आजिगं भवत्य् आजिजित्यायै
ājigaṃ bhavaty ājijityāyai
- 7
आजिर्वा एष प्रततो यत्द्वादशाहस्तस्यैतद् उज्जित्यै
ājirvā eṣa pratato yatdvādaśāhastasyaitad ujjityai
- 8
आभीकं भवत्य् अभिक्रान्त्यै
ābhīkaṃ bhavaty abhikrāntyai
- 9
अङ्गिरसस्तपस्तेपानाः शुचम् अशोचंस्त एतत्सामापश्यंस्तान् अभीके ऽभ्यवर्षत्तेन शुचम् अशमयन्त यद् अभीके ऽभ्यवर्षत्तस्माद् आभीकं याम् एव पूर्वैर् अहर्भिः शुचं शोचन्ति ताम् एतेनात्र शमयित्वोत्तिष्ठन्ति
aṅgirasastapastepānāḥ śucam aśocaṃsta etatsāmāpaśyaṃstān abhīke 'bhyavarṣattena śucam aśamayanta yad abhīke 'bhyavarṣattasmād ābhīkaṃ yām eva pūrvair aharbhiḥ śucaṃ śocanti tām etenātra śamayitvottiṣṭhanti
- 10
उत्सेधो भवति
utsedho bhavati
- 11
उत्सेधेन वै देवाः पशून् उदसेधन्निषेधेन पर्यगृह्णन्
utsedhena vai devāḥ paśūn udasedhanniṣedhena paryagṛhṇan
- 12
अन्तरोत्सेधनिषेधौ यज्ञायज्ञीयम्
antarotsedhaniṣedhau yajñāyajñīyam
- 13
पशवो ऽन्नाद्यं यज्ञायज्ञीयं पशून् एव तद् अन्नाद्यम् उत्सेधनिषेधाभ्यां परिगृह्णाति
paśavo 'nnādyaṃ yajñāyajñīyaṃ paśūn eva tad annādyam utsedhaniṣedhābhyāṃ parigṛhṇāti
- 14
माध्यन्दिने वै पवमाने देवा यज्ञायज्ञीयेन यज्ञं संस्थाप्य स्वर्गं लोकम् आरोहंस्तद्य एवं वेद माध्यन्दिन एवैतत्पवमाने यज्ञायज्ञीयेन यज्ञं संस्थाप्य स्वर्गं लोकम् आरोहति
mādhyandine vai pavamāne devā yajñāyajñīyena yajñaṃ saṃsthāpya svargaṃ lokam ārohaṃstadya evaṃ veda mādhyandina evaitatpavamāne yajñāyajñīyena yajñaṃ saṃsthāpya svargaṃ lokam ārohati
- 15
अथो परोक्षम् अनुष्टुभं सम्पद्यते ऽहर् एषा वै प्रत्यक्षम् अनुष्टुप्यद्यज्ञायज्ञीयं तद्यत्तृतीयसवने कुर्युः प्रत्यक्षम् अनुष्टुभम् ऋच्छेयुस्तस्मान्माध्यन्दिने कुर्वन्ति तेन परोक्षम् अनुष्टुभम् उपयन्ति
atho parokṣam anuṣṭubhaṃ sampadyate 'har eṣā vai pratyakṣam anuṣṭupyadyajñāyajñīyaṃ tadyattṛtīyasavane kuryuḥ pratyakṣam anuṣṭubham ṛccheyustasmānmādhyandine kurvanti tena parokṣam anuṣṭubham upayanti
- 16
गौरीवितं भवति
gaurīvitaṃ bhavati
- 17
एतद्वै यज्ञस्य श्वस्तनं यद्गौरीवितम् एतदायतनो यजमानो यन्मध्यन्दिनो यद्गौरीवितं मध्यन्दिने भवति श्वस्तनम् एव तद्यजमान आत्मन्धत्ते स्तोमः
etadvai yajñasya śvastanaṃ yadgaurīvitam etadāyatano yajamāno yanmadhyandino yadgaurīvitaṃ madhyandine bhavati śvastanam eva tadyajamāna ātmandhatte stomaḥ

