37 shlokas
- 1
त्वं सोमासि धारयुर् इति गायत्री भवत्य् अह्नो धृत्यै त्वम् इति बृहतो रूपं बार्हतं ह्य् एतद् अहः
tvaṃ somāsi dhārayur iti gāyatrī bhavaty ahno dhṛtyai tvam iti bṛhato rūpaṃ bārhataṃ hy etad ahaḥ
- 2
त्वं ह्यङ्ग दैव्येति त्वम् इति बृहतो रूपं बार्हतं ह्य् एतद् अहः
tvaṃ hyaṅga daivyeti tvam iti bṛhato rūpaṃ bārhataṃ hy etad ahaḥ
- 3
पवस्व देववीतय इति बृहतो रूपं बार्हतं ह्य् एतद् अहः
pavasva devavītaya iti bṛhato rūpaṃ bārhataṃ hy etad ahaḥ
- 4
परित्यं हर्यतं हरिम् इति परिवत्यो भवन्त्यन्तो वै नवमम् अहस्तस्यैताः पर्याप्त्यै
parityaṃ haryataṃ harim iti parivatyo bhavantyanto vai navamam ahastasyaitāḥ paryāptyai
- 5
पवस्व सोम महे दक्षायेत्यक्षरपङ्क्तिः स्तोमानां प्रभूतिर् अथो एतद्ध्येवैतर्हि छन्दो ऽयातयाम यद् अक्षरपङ्क्तिस्तेन छन्दोमा अयातयामाः क्रियन्ते ब्रह्मवादिनो वदन्ति यत्षडहे स्तोमाश्छन्दांस्य् आप्यन्ते किंछन्दसश्छन्दोमा इत्य् एतच्छन्दसो यद् एता अक्षरपङ्क्तय इति ब्रूयात्
pavasva soma mahe dakṣāyetyakṣarapaṅktiḥ stomānāṃ prabhūtir atho etaddhyevaitarhi chando 'yātayāma yad akṣarapaṅktistena chandomā ayātayāmāḥ kriyante brahmavādino vadanti yatṣaḍahe stomāśchandāṃsy āpyante kiṃchandasaśchandomā ity etacchandaso yad etā akṣarapaṅktaya iti brūyāt
- 6
उपोषु जातम् अप्तुरम् इति गायत्र्यस्सत्यो जगत्यो रूपेण तस्मात्जगतीनां लोके क्रियन्ते
upoṣu jātam apturam iti gāyatryassatyo jagatyo rūpeṇa tasmātjagatīnāṃ loke kriyante
- 7
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
- 8
आश्वसूक्तं भवति
āśvasūktaṃ bhavati
- 9
अग्निं वै पूर्वैर् अहर्भिर् आजुहोत्य् अथैतद् आदित्यदेवत्यम् अहः शुक्र आहुत इत्य् असौ वा आदित्यः शुक्रस्तम् एवैतेनाजुहोति
agniṃ vai pūrvair aharbhir ājuhoty athaitad ādityadevatyam ahaḥ śukra āhuta ity asau vā ādityaḥ śukrastam evaitenājuhoti
- 10
शाम्मदं भवति
śāmmadaṃ bhavati
- 11
शम्मद्वा एतेनाङ्गिरसो ऽञ्जसा स्वर्गं लोकम् अपश्यत्स्वर्गस्य लोकस्यानुख्यात्यै स्वर्गाल्लोकान्न च्यवते तुष्टुवानः
śammadvā etenāṅgiraso 'ñjasā svargaṃ lokam apaśyatsvargasya lokasyānukhyātyai svargāllokānna cyavate tuṣṭuvānaḥ
- 12
दावसुनिधनं भवति
dāvasunidhanaṃ bhavati
- 13
आशिषम् एवास्मा एतेनाशास्ते साम हि सत्याशीः
āśiṣam evāsmā etenāśāste sāma hi satyāśīḥ
- 14
दावसुर्वा एतद् आङ्गिरसः पशुकामः सामापश्यत्तेन सहस्रं पशून् असृजत्यद् एतत्साम भवति पशूनां पुष्ट्यै
dāvasurvā etad āṅgirasaḥ paśukāmaḥ sāmāpaśyattena sahasraṃ paśūn asṛjatyad etatsāma bhavati paśūnāṃ puṣṭyai
- 15
प्रतीचीनेडं काशीतं भवति
pratīcīneḍaṃ kāśītaṃ bhavati
- 16
पराचीभिर्वा अन्याभिर् इडाभी रेतो दधदेत्य् अथैतत्प्रतीचीनेडं काशीतं प्रजात्यै तस्मात्पराञ्चो गर्भाः सम्भवन्ति प्रत्यञ्चः प्रजायन्ते तस्माद् उ ते ऽवाचीनबिलेभ्यो नावपद्यन्त एतेन ह्य् एव ते धृताः
parācībhirvā anyābhir iḍābhī reto dadhadety athaitatpratīcīneḍaṃ kāśītaṃ prajātyai tasmātparāñco garbhāḥ sambhavanti pratyañcaḥ prajāyante tasmād u te 'vācīnabilebhyo nāvapadyanta etena hy eva te dhṛtāḥ
- 17
हाविष्कृतं भवति प्रतिष्ठायै कृतानुवाद एव सः
hāviṣkṛtaṃ bhavati pratiṣṭhāyai kṛtānuvāda eva saḥ
- 18
सौपर्णं भवति यद् एव सौपर्णस्य ब्राह्मणम्
sauparṇaṃ bhavati yad eva sauparṇasya brāhmaṇam
- 19
वैश्वमनसं भवति
vaiśvamanasaṃ bhavati
- 20
विश्वमनसं वा ऋषिम् अध्यायम् उद्व्रजितं रक्षो ऽगृह्णात्तम् इन्द्रो ऽचायद् ऋषिं वै रक्षो ऽग्रहीद् इति तम् अभ्यवदद् ऋषे कस्त्वैष इति स्थाणुर् इति ब्रूहीति रक्षो ऽब्रवीत्स स्थाणुर् इत्य् अब्रवीत्तस्मै वा एतेन प्रहरेत्य् अस्मा इषीकां वज्रं प्रयच्छन्न् अब्रवीत्तेनास्य सीमानम् अभिनत्सैषेन्द्रेणतेषीका पाप्मा वाव स तम् अगृह्णात्तं वैश्वमनसेनापाहताप पाप्मानं हते वैश्वमनसेन तुष्टुवानः
viśvamanasaṃ vā ṛṣim adhyāyam udvrajitaṃ rakṣo 'gṛhṇāttam indro 'cāyad ṛṣiṃ vai rakṣo 'grahīd iti tam abhyavadad ṛṣe kastvaiṣa iti sthāṇur iti brūhīti rakṣo 'bravītsa sthāṇur ity abravīttasmai vā etena praharety asmā iṣīkāṃ vajraṃ prayacchann abravīttenāsya sīmānam abhinatsaiṣendreṇateṣīkā pāpmā vāva sa tam agṛhṇāttaṃ vaiśvamanasenāpāhatāpa pāpmānaṃ hate vaiśvamanasena tuṣṭuvānaḥ
- 21
गौरीवितं भवति यद् एव गौरीवितस्य ब्राह्मणम्
gaurīvitaṃ bhavati yad eva gaurīvitasya brāhmaṇam
- 22
निहवो भवत्य् अन्नाद्यस्यावरुद्ध्यै
nihavo bhavaty annādyasyāvaruddhyai
- 23
हीति वा अन्नं प्रदीयत ईत्यग्निर् अन्नम् अत्ति
hīti vā annaṃ pradīyata ītyagnir annam atti
- 24
ऋषयो वा इन्द्रं प्रत्यक्षं नापश्यन्स वसिष्ठो ऽकामयत कथम् इन्द्रं प्रत्यक्षं पश्येयम् इति स एतं निहवम् अपश्यत्ततो वै स इन्द्रं प्रत्यक्षम् अपश्यत्स एनम् अब्रवीद्ब्राह्मणं ते वक्ष्यामि यथा त्वत्पुरोहिता भरताः प्रजनिष्यन्ते ऽथ मान्येभ्य ऋषिभ्यो मा प्रवोच इति तस्मा एतान्स्तोमभागान् अब्रवीत्ततो वै वसिष्ठपुरोहिता भरताः प्राजायन्त सेन्द्रं वा एतत्साम यद् एतत्साम भवति सेन्द्रत्वाय
ṛṣayo vā indraṃ pratyakṣaṃ nāpaśyansa vasiṣṭho 'kāmayata katham indraṃ pratyakṣaṃ paśyeyam iti sa etaṃ nihavam apaśyattato vai sa indraṃ pratyakṣam apaśyatsa enam abravīdbrāhmaṇaṃ te vakṣyāmi yathā tvatpurohitā bharatāḥ prajaniṣyante 'tha mānyebhya ṛṣibhyo mā pravoca iti tasmā etānstomabhāgān abravīttato vai vasiṣṭhapurohitā bharatāḥ prājāyanta sendraṃ vā etatsāma yad etatsāma bhavati sendratvāya
- 25
यद्वाहिष्ठीयं भवति
yadvāhiṣṭhīyaṃ bhavati
- 26
ब्रह्मयशसं वा एतानि सामान्य् ऋचा श्रोत्रीयाणि ब्रह्मयशसी भवति यद्वाहिष्ठीयेन तुष्टुवानः
brahmayaśasaṃ vā etāni sāmāny ṛcā śrotrīyāṇi brahmayaśasī bhavati yadvāhiṣṭhīyena tuṣṭuvānaḥ
- 27
आसितं भवति यद् एवासितस्य ब्राह्मणम्
āsitaṃ bhavati yad evāsitasya brāhmaṇam
- 28
साध्रं भवति सिद्ध्यै
sādhraṃ bhavati siddhyai
- 29
आकूपारं भवति
ākūpāraṃ bhavati
- 30
अकूपारो वा एतेन कश्यपो जेमानं महिमानम् अगच्छज्जेमानं महिमानं गच्छत्य् आकूपारेण तुष्टुवानः
akūpāro vā etena kaśyapo jemānaṃ mahimānam agacchajjemānaṃ mahimānaṃ gacchaty ākūpāreṇa tuṣṭuvānaḥ

