7 shlokas
- 1
श्रायन्त इव सूर्यम् इति सूर्यवत्यो भवन्ति
śrāyanta iva sūryam iti sūryavatyo bhavanti
- 2
आदित्यदेवत्यं ह्य् एतद् अहर् अन्तो वै सूरो ऽन्त एतन्नवमम् अह्नाम् अन्त एव तद् अन्तेन स्तुवते प्रतिष्ठायै
ādityadevatyaṃ hy etad ahar anto vai sūro 'nta etannavamam ahnām anta eva tad antena stuvate pratiṣṭhāyai
- 3
यत इन्द्र भयामहे ततो नो अभयं कृधि मघवञ्छग्धि तव तन्न ऊतये विद्विषो विमृधो जहीति द्विषश्चैव मृधश्च नवमेनाह्ना विहत्य दशमेनाह्नोत्तिष्ठन्ति
yata indra bhayāmahe tato no abhayaṃ kṛdhi maghavañchagdhi tava tanna ūtaye vidviṣo vimṛdho jahīti dviṣaścaiva mṛdhaśca navamenāhnā vihatya daśamenāhnottiṣṭhanti
- 4
श्रीर्वै श्रायन्तीयं श्रीर्नवमम् अहः श्रियम् एव तच्छ्रियां प्रतिष्ठापयति
śrīrvai śrāyantīyaṃ śrīrnavamam ahaḥ śriyam eva tacchriyāṃ pratiṣṭhāpayati
- 5
समन्तं भवति
samantaṃ bhavati
- 6
समन्तेन पशुकामः स्तुवीत पुरोधाकामः समन्तेन स्तुवीत
samantena paśukāmaḥ stuvīta purodhākāmaḥ samantena stuvīta
- 7
आग्नेयी पृथिव्याग्नेयो ब्राह्मण ऐन्द्री द्यौर् ऐन्द्रो राजन्यो ऽन्तरिक्षेण द्यावापृथिवी समन्ते अन्तरिक्षेणैवैनं समन्तं करोति विन्दते पशून्प्र पुरोधाम् आप्नोति य एवं विद्वान्समन्तेन स्तुवते स्तोमः
āgneyī pṛthivyāgneyo brāhmaṇa aindrī dyaur aindro rājanyo 'ntarikṣeṇa dyāvāpṛthivī samante antarikṣeṇaivainaṃ samantaṃ karoti vindate paśūnpra purodhām āpnoti ya evaṃ vidvānsamantena stuvate stomaḥ

