37 shlokas
- 1
पवमानस्य जिघ्नतो हरेश्चन्द्रा असृक्षतेति हरिवत्यो गायत्र्यो भवन्ति छन्दोमानाम् अयातयामतायै
pavamānasya jighnato hareścandrā asṛkṣateti harivatyo gāyatryo bhavanti chandomānām ayātayāmatāyai
- 2
पवमानस्य जिघ्नत इति वै बृहतो रूपं हरेश्चन्द्रा असृक्षतेति जगत्या उभयोः सहरूपम् उपैति साम्नश्च छन्दसश्च
pavamānasya jighnata iti vai bṛhato rūpaṃ hareścandrā asṛkṣateti jagatyā ubhayoḥ saharūpam upaiti sāmnaśca chandasaśca
- 3
परीतो षिञ्चता सुतम् इति परिवत्यो भवन्त्य् अन्तो वै नवमम् अहस्तस्यैताः पर्याप्त्यै
parīto ṣiñcatā sutam iti parivatyo bhavanty anto vai navamam ahastasyaitāḥ paryāptyai
- 4
असावि सोमो अरुषो वृषा हरिर् इति जगत्यस्सत्यस्त्रिष्टुभो रूपेण तस्मात्त्रिष्टुभां लोके क्रियन्ते
asāvi somo aruṣo vṛṣā harir iti jagatyassatyastriṣṭubho rūpeṇa tasmāttriṣṭubhāṃ loke kriyante
- 5
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
- 6
भरद्वाजस्यादारसृद्भवति
bharadvājasyādārasṛdbhavati
- 7
दिवोदासं वै भरद्वाजपुरोहितं नानाजनाः पर्ययतन्त स उपासीदद् ऋषे गातुं मे विन्देति तस्मा एतेन साम्ना गातुम् अविन्दद्गातुविद्वा एतत्सामानेन दारे नासृन्मेति तद् अदारसृतो ऽदारसृत्त्वं विन्दते गातुं न दारे धावत्य् अदारसृता तुष्टुवानः
divodāsaṃ vai bharadvājapurohitaṃ nānājanāḥ paryayatanta sa upāsīdad ṛṣe gātuṃ me vindeti tasmā etena sāmnā gātum avindadgātuvidvā etatsāmānena dāre nāsṛnmeti tad adārasṛto 'dārasṛttvaṃ vindate gātuṃ na dāre dhāvaty adārasṛtā tuṣṭuvānaḥ
- 8
सुरूपं भवति यद् एव सुरूपस्य ब्राह्मणम्
surūpaṃ bhavati yad eva surūpasya brāhmaṇam
- 9
हरिश्रीनिधनं भवति
hariśrīnidhanaṃ bhavati
- 10
पशवो वै हरिश्रियः पशूनाम् अवरुद्ध्यै श्रियं च हरश्चोपैति तुष्टुवानः
paśavo vai hariśriyaḥ paśūnām avaruddhyai śriyaṃ ca haraścopaiti tuṣṭuvānaḥ
- 11
सैन्धुक्षितं भवति यद् एव सैन्धुक्षितस्य ब्राह्मणम्
saindhukṣitaṃ bhavati yad eva saindhukṣitasya brāhmaṇam
- 12
गतनिधनं बाभ्रवं भवति गत्यै
gatanidhanaṃ bābhravaṃ bhavati gatyai
- 13
बभ्रुर्वा एतेन कौम्भ्यो ऽञ्जसा स्वर्गं लोकम् अपश्यत्स्वर्गस्य लोकस्यानुख्यात्यै स्वर्गाल्लोकान्न च्यवते तुष्टुवानः
babhrurvā etena kaumbhyo 'ñjasā svargaṃ lokam apaśyatsvargasya lokasyānukhyātyai svargāllokānna cyavate tuṣṭuvānaḥ
- 14
इडानां संक्षारो भवति
iḍānāṃ saṃkṣāro bhavati
- 15
पशवो वा इडा पशवश्छन्दोमाः पशुष्व् एव तत्पशून्दधाति
paśavo vā iḍā paśavaśchandomāḥ paśuṣv eva tatpaśūndadhāti
- 16
ऋषभः पावमानो भवति
ṛṣabhaḥ pāvamāno bhavati
- 17
पशवो वै छन्दोमाः पशुष्व् एव तन्मिथुनम् अप्यर्जति प्रजात्यै न ह वा अनृषभाः पशवः प्रजायन्ते
paśavo vai chandomāḥ paśuṣv eva tanmithunam apyarjati prajātyai na ha vā anṛṣabhāḥ paśavaḥ prajāyante
- 18
पृष्ठं भवति
pṛṣṭhaṃ bhavati
- 19
पृष्ठं वा एतद् अह्नां यन्नवमं पृष्ठ एव तत्पृष्ठेन स्तुवते प्रतिष्ठायै
pṛṣṭhaṃ vā etad ahnāṃ yannavamaṃ pṛṣṭha eva tatpṛṣṭhena stuvate pratiṣṭhāyai
- 20
कौल्मलबर्हिषं भवति
kaulmalabarhiṣaṃ bhavati
- 21
कुल्मलबर्हिर्वा एतेन स्वर्गं लोकम् अपश्यत्प्रजातिं भूमानम् अगच्छत्प्रजायते बहुर्भवति कौल्मलबर्हिषेण तुष्टुवानः
kulmalabarhirvā etena svargaṃ lokam apaśyatprajātiṃ bhūmānam agacchatprajāyate bahurbhavati kaulmalabarhiṣeṇa tuṣṭuvānaḥ
- 22
अर्कपुष्पं भवति
arkapuṣpaṃ bhavati
- 23
अन्नं वै देवा अर्क इति वदन्ति रसम् अस्य पुष्पम् इति सरसम् एवान्नाद्यम् अवरुन्द्धे ऽर्कपुष्पेण तुष्टुवानः
annaṃ vai devā arka iti vadanti rasam asya puṣpam iti sarasam evānnādyam avarunddhe 'rkapuṣpeṇa tuṣṭuvānaḥ
- 24
दैर्घ्यश्रवसं भवति
dairghyaśravasaṃ bhavati
- 25
दीर्घश्रवा वै राजन्य ऋषिर्ज्योग् अपरुद्धो ऽशनायंश्चरन्स एतद्दैर्घश्रवसम् अपश्यत्तेन सर्वाभ्यो दिग्भ्यो ऽन्नाद्यम् अवारुन्द्ध सर्वाभ्यो दिग्भ्यो ऽन्नाद्यम् अवरुन्द्धे दैर्घश्रवसेन तुष्टुवानः
dīrghaśravā vai rājanya ṛṣirjyog aparuddho 'śanāyaṃścaransa etaddairghaśravasam apaśyattena sarvābhyo digbhyo 'nnādyam avārunddha sarvābhyo digbhyo 'nnādyam avarunddhe dairghaśravasena tuṣṭuvānaḥ
- 26
वैयश्वं भवति यद् एव वैयश्वस्य ब्राह्मणम्
vaiyaśvaṃ bhavati yad eva vaiyaśvasya brāhmaṇam
- 27
आभीशवं यद् आभीशवस्य
ābhīśavaṃ yad ābhīśavasya
- 28
देवस्थानं भवति प्रतिष्ठायै संस्कृति भवति संस्कृत्यै
devasthānaṃ bhavati pratiṣṭhāyai saṃskṛti bhavati saṃskṛtyai
- 29
अहर्वा एतद् अव्लीयत तद्देवा देवस्थाने तिष्ठन्तः संकृतिना समस्कुर्वंस्तत्संकृतेः संकृतित्वं देवस्थानेन वै देवाः स्वर्गे लोके प्रत्यतिष्ठन्स्वर्गे लोके प्रतिष्ठाम् एत्य् एतत्
aharvā etad avlīyata taddevā devasthāne tiṣṭhantaḥ saṃkṛtinā samaskurvaṃstatsaṃkṛteḥ saṃkṛtitvaṃ devasthānena vai devāḥ svarge loke pratyatiṣṭhansvarge loke pratiṣṭhām ety etat
- 30
वरुणाय देवता राज्याय नातिष्ठन्त स एतद्देवस्थानम् अपश्यत्ततो वै तास्तस्मै राज्यायातिष्ठन्त तिष्ठन्ते ऽस्मै समानाः श्रैष्ठ्याय
varuṇāya devatā rājyāya nātiṣṭhanta sa etaddevasthānam apaśyattato vai tāstasmai rājyāyātiṣṭhanta tiṣṭhante 'smai samānāḥ śraiṣṭhyāya

