49 shlokas
- 1
दर्शितेङ्गिताकारां कन्याम् उपायतो ऽभियुञ्जीत
darśiteṅgitākārāṃ kanyām upāyato 'bhiyuñjīta
- 2
द्यूते क्रीडनकेषु च विवदमानः साकारम् अस्याः पाणिम् अवलम्बेत
dyūte krīḍanakeṣu ca vivadamānaḥ sākāram asyāḥ pāṇim avalambeta
- 3
यथोक्तं च स्पृष्टकादिकम् आलिङ्गनविधिं विदध्यात्
yathoktaṃ ca spṛṣṭakādikam āliṅganavidhiṃ vidadhyāt
- 4
पत्रच्छेद्यक्रियायां च स्वाभिप्रायासूचकं मिथुनम् अस्या दर्शयेत्
patracchedyakriyāyāṃ ca svābhiprāyāsūcakaṃ mithunam asyā darśayet
- 5
एवम् अन्यद्विरलशो दर्शयेत्
evam anyadviralaśo darśayet
- 6
जलक्रीडायां तद्दूरतो ऽप्सु निमग्नः समीपम् अस्या गत्वा स्पृष्ट्वा चैनां तत्रैवोन्मज्जेत्
jalakrīḍāyāṃ taddūrato 'psu nimagnaḥ samīpam asyā gatvā spṛṣṭvā caināṃ tatraivonmajjet
- 7
नवपत्रिकादिषु च सविशेषभावनिवेदनम्
navapatrikādiṣu ca saviśeṣabhāvanivedanam
- 8
आत्मदुःखस्यानिर्वेदेन कथनम्
ātmaduḥkhasyānirvedena kathanam
- 9
स्वप्नस्य च भावयुक्तस्यान्यापदेशेन
svapnasya ca bhāvayuktasyānyāpadeśena
- 10
प्रेक्षणके स्वजनसमाजे वा समीपोपवेशनम्
तत्रान्यापदिष्टं स्पर्शनम्
prekṣaṇake svajanasamāje vā samīpopaveśanam
tatrānyāpadiṣṭaṃ sparśanam
- 11
अपाश्रयार्थं च चरणेन चरणस्य पीडनम्
apāśrayārthaṃ ca caraṇena caraṇasya pīḍanam
- 12
ततः शनकैर् एकैकाम् अङ्गुलिम् अभिस्पृशेत्
tataḥ śanakair ekaikām aṅgulim abhispṛśet
- 13
पादाङ्गुष्ठेन च नखाग्राणि घट्टयेत्
pādāṅguṣṭhena ca nakhāgrāṇi ghaṭṭayet
- 14
तत्र सिद्धः पदात्पदम् अधिकम् आकाङ्क्षेत्
tatra siddhaḥ padātpadam adhikam ākāṅkṣet
- 15
क्षान्त्यर्थं च तद् एवाभ्यसेत्
kṣāntyarthaṃ ca tad evābhyaset
- 16
पादशौचे पादाङ्गुलिसंदंशेन तदङ्गुलिपीडनम्
pādaśauce pādāṅgulisaṃdaṃśena tadaṅgulipīḍanam
- 17
द्रव्यस्य समर्पणे प्रतिग्रहे वा तद्गतो विकारः
dravyasya samarpaṇe pratigrahe vā tadgato vikāraḥ
- 18
आचमनान्ते चोदकेनासेकः
ācamanānte codakenāsekaḥ
- 19
विजने तमसि च द्वन्द्वम् आसीनः क्षान्तिं कुर्वीत
समानदेशशय्यायां च
vijane tamasi ca dvandvam āsīnaḥ kṣāntiṃ kurvīta
samānadeśaśayyāyāṃ ca
- 20
तत्र यथार्थम् अनुद्वेजयतो भावनिवेदनम्
tatra yathārtham anudvejayato bhāvanivedanam
- 21
विविक्ते च किंचिद् अस्ति कथयितव्यम् इत्युक्त्वा निर्वचनं भावं च तत्रोपलक्षयेत्
यथा पारदारिके वक्ष्यामः
vivikte ca kiṃcid asti kathayitavyam ityuktvā nirvacanaṃ bhāvaṃ ca tatropalakṣayet
yathā pāradārike vakṣyāmaḥ
- 22
विदितभावस्तु व्याधिम् अपदिश्यैनां वार्ताग्रहणार्थं स्वम् उदवसितम् आनयेत्
viditabhāvastu vyādhim apadiśyaināṃ vārtāgrahaṇārthaṃ svam udavasitam ānayet
- 23
आगतायाश्च शिरःपीडने नियोगः
पाणिम् अवलम्ब्य चास्याः साकारं नयनयोर्ललाटे च निदध्यात्
āgatāyāśca śiraḥpīḍane niyogaḥ
pāṇim avalambya cāsyāḥ sākāraṃ nayanayorlalāṭe ca nidadhyāt
- 24
औषधापदेशार्थं चास्याः कर्म विनिर्दिशेत्
auṣadhāpadeśārthaṃ cāsyāḥ karma vinirdiśet
- 25
इदं त्वया कर्तव्यम्
न ह्येतद् ऋते कन्यया अन्येन कार्यम् इति गच्छन्तीं पुनर् आगमनानुबन्धम् एनां विसृजेत्
idaṃ tvayā kartavyam
na hyetad ṛte kanyayā anyena kāryam iti gacchantīṃ punar āgamanānubandham enāṃ visṛjet
- 26
अस्य च योगस्य त्रिरात्रं त्रिसंध्यं च प्रयुक्तिः
asya ca yogasya trirātraṃ trisaṃdhyaṃ ca prayuktiḥ
- 27
अभीक्ष्णदर्शनार्थम् आगतायाश्च गोष्ठीं वर्धयेत्
abhīkṣṇadarśanārtham āgatāyāśca goṣṭhīṃ vardhayet
- 28
अन्याभिर् अपि सह विश्वासनार्थम् अधिकम् अधिकं चाभियुञ्जीत
न तु वाचा निर्वदेत्
anyābhir api saha viśvāsanārtham adhikam adhikaṃ cābhiyuñjīta
na tu vācā nirvadet
- 29
दूरगतभावो ऽपि हि कन्यासु न निर्वेदेन सिध्यतीति घोटकमुखः
dūragatabhāvo 'pi hi kanyāsu na nirvedena sidhyatīti ghoṭakamukhaḥ
- 30
यदा तु बहुसिद्धां मन्येत तदैवोपक्रमेत्
yadā tu bahusiddhāṃ manyeta tadaivopakramet

