15 shlokas
- 1
अथ ह वै त्रयः पूर्वे ऽग्नय आसुर्भूपतिर्भुवनपतिर्भूतानां पतिः
atha ha vai trayaḥ pūrve 'gnaya āsurbhūpatirbhuvanapatirbhūtānāṃ patiḥ
- 2
अयं वै लोको भूपतिर् अन्तरिक्षं भुवनपतिर् असाव् एव लोको भूतानां पतिः
ayaṃ vai loko bhūpatir antarikṣaṃ bhuvanapatir asāv eva loko bhūtānāṃ patiḥ
- 3
अथ हायं भूतिर्नाम
atha hāyaṃ bhūtirnāma
- 4
तेषां ह वषट्कारः शीर्षाणि चिछेद
teṣāṃ ha vaṣaṭkāraḥ śīrṣāṇi cicheda
- 5
त इमास्तिस्रः पृथिवीः प्रविविशुः
ta imāstisraḥ pṛthivīḥ praviviśuḥ
- 6
तस्माद्यद् अग्निहोत्रस्य वाज्यस्य वावस्कन्देत्तद् अभिमृशेद्भूपतये स्वाहा भुवनपतये स्वाहा भूतानां पतये स्वाहेति
tasmādyad agnihotrasya vājyasya vāvaskandettad abhimṛśedbhūpataye svāhā bhuvanapataye svāhā bhūtānāṃ pataye svāheti
- 7
एतेषु हैवास्याग्निषु हुतम् अस्कन्नं भवति
eteṣu haivāsyāgniṣu hutam askannaṃ bhavati
- 8
अथ ह वै त्रयः पूर्व ऋषय आसुः शूर्पंयवम् अध्वाना अन्तर्वान्कृषिः सोल्वालाः
atha ha vai trayaḥ pūrva ṛṣaya āsuḥ śūrpaṃyavam adhvānā antarvānkṛṣiḥ solvālāḥ
- 9
ते ह यज्ञस्य कृन्तत्राणि ददृशुः
te ha yajñasya kṛntatrāṇi dadṛśuḥ
- 10
तस्यैताः प्रायश्चित्तीर्ददृशुः शं च म उप च म आयुश्च मे भूयश्च मे यज्ञ शिवो मे संतिष्ठस्व यज्ञ स्विष्टो मे संतिष्ठस्व यज्ञारिष्टो मे संतिष्ठस्वेति
tasyaitāḥ prāyaścittīrdadṛśuḥ śaṃ ca ma upa ca ma āyuśca me bhūyaśca me yajña śivo me saṃtiṣṭhasva yajña sviṣṭo me saṃtiṣṭhasva yajñāriṣṭo me saṃtiṣṭhasveti
- 11
तस्माद् एता दर्शपूर्णमासाभ्यां वा चातुर्मास्यैर्वा पशुबन्धेन वा सौम्येन वाध्वरेणेष्ट्वोपरिष्टाज्जपेत्
tasmād etā darśapūrṇamāsābhyāṃ vā cāturmāsyairvā paśubandhena vā saumyena vādhvareṇeṣṭvopariṣṭājjapet
- 12
यद् एवात्र यज्ञस्य विधुरं भवति तद् एव तेन शमयति
yad evātra yajñasya vidhuraṃ bhavati tad eva tena śamayati
- 13
प्राण एवाविषुवतो व्यानो विषुवान् अपानो यद् ऊर्ध्वं विषुवतः
prāṇa evāviṣuvato vyāno viṣuvān apāno yad ūrdhvaṃ viṣuvataḥ
- 14
अपानो वा इदं सर्वम् आहरति
apāno vā idaṃ sarvam āharati
- 15
तस्माद्वयं परस्ताद्विषुवतो ऽर्वाचः षडहान् उपैमः
tasmādvayaṃ parastādviṣuvato 'rvācaḥ ṣaḍahān upaimaḥ

