23 shlokas
- 1
तं ह वज्रहस्तो ऽभिदुद्राव
taṃ ha vajrahasto 'bhidudrāva
- 2
स त्वष्टा प्रत्यङ्पतित्वा पत्नीः प्रपेदे
sa tvaṣṭā pratyaṅpatitvā patnīḥ prapede
- 3
तं ह तत्र नानुप्रपेदे
taṃ ha tatra nānuprapede
- 4
तस्मात्त्वष्टारं पत्नीषु संयजन्ति
tasmāttvaṣṭāraṃ patnīṣu saṃyajanti
- 5
तस्माद् उ पत्नीः प्रपन्नं न हन्यात्
tasmād u patnīḥ prapannaṃ na hanyāt
- 6
उदेयायेन्द्रः
udeyāyendraḥ
- 7
स हविर्धानयोर् एव द्रोणकलशे सोमं राजानं संपवितुम् उपेयाय
sa havirdhānayor eva droṇakalaśe somaṃ rājānaṃ saṃpavitum upeyāya
- 8
तं ह द्रोणकलशेनैव प्रतिधाय पीत्वा प्रवव्राज
taṃ ha droṇakalaśenaiva pratidhāya pītvā pravavrāja
- 9
अनूदेयाय त्वष्टा
anūdeyāya tvaṣṭā
- 10
स ह पप्रच्छास्ति किंचित्परिशिष्टा३म् इति
sa ha papracchāsti kiṃcitpariśiṣṭā3m iti
- 11
अस्त्य् अयं संस्राव इति होचुः
asty ayaṃ saṃsrāva iti hocuḥ
- 12
तं हाग्नौ प्रवर्तयांचकारेन्द्रशत्रुर्वर्धस्व स्वाहेति
taṃ hāgnau pravartayāṃcakārendraśatrurvardhasva svāheti
- 13
तं यत्प्रावर्तयत्स एव वृत्रो ऽभवत्
taṃ yatprāvartayatsa eva vṛtro 'bhavat
- 14
स वर्तमान एवाग्नीषोमाव् अभिसंबभूव
sa vartamāna evāgnīṣomāv abhisaṃbabhūva
- 15
तस्माद् आहुर् अग्नीषोमाव् असुर्याव् इति
tasmād āhur agnīṣomāv asuryāv iti
- 16
स ह स्मेषुमात्रम् ऊर्ध्वम् उदर्दति
sa ha smeṣumātram ūrdhvam udardati
- 17
ततो ह स्मानावच्छां क्षितिः
tato ha smānāvacchāṃ kṣitiḥ
- 18
स त्रयीं विद्यां सर्वां श्रियं सर्वम् अन्नाद्यम् अपि यद् इदं त्रिरात्रे सहस्रं प्रोच्यते तद् अभिसंबभूव
sa trayīṃ vidyāṃ sarvāṃ śriyaṃ sarvam annādyam api yad idaṃ trirātre sahasraṃ procyate tad abhisaṃbabhūva
- 19
तस्य हेदं सर्वं बलिकृद् आस
tasya hedaṃ sarvaṃ balikṛd āsa
- 20
कीलालं ह स्मास्मै नद्यो वहन्ति
kīlālaṃ ha smāsmai nadyo vahanti
- 21
अथ हाभियुग्वानो नामाष्टौ देवानां सहचरा आसुर् अष्टौ पितॄणाम् अष्टौ मनुष्याणाम् अष्टाव् असुराणाम्
atha hābhiyugvāno nāmāṣṭau devānāṃ sahacarā āsur aṣṭau pitṝṇām aṣṭau manuṣyāṇām aṣṭāv asurāṇām
- 22
तेषां ह स्मेन्द्रो माययाष्टमो भवति वृत्रं जिघांसन्
teṣāṃ ha smendro māyayāṣṭamo bhavati vṛtraṃ jighāṃsan
- 23
तस्माद् उ हैनम् इन्द्र एव जघान यद् इन्द्रशत्रुर्वर्धस्व स्वाहेति प्रवर्तयांचकार अथ यद्ध प्रावर्तयिष्यद् इन्द्रस्य शत्रुर्वर्धस्व स्वाहेति
tasmād u hainam indra eva jaghāna yad indraśatrurvardhasva svāheti pravartayāṃcakāra atha yaddha prāvartayiṣyad indrasya śatrurvardhasva svāheti

