18 shlokas
- 1
अथ कथमपि यामिनीम्विनीय स्मरशरजर्जरिता अपि सा प्रभाते
अनुनयवचनम्वदन्तम् अग्रे प्रणतम् अपि प्रियम् आह साभ्यसूयम्
atha kathamapi yāminīmvinīya smaraśarajarjaritā api sā prabhāte
anunayavacanamvadantam agre praṇatam api priyam āha sābhyasūyam
- 2
रजनिजनितगुरुजागररागकषायितम् अलसनिवेशम्
वहति नयनम् अनुरागम् इव स्फुटम् उदितरसाभिनिवेशम्
rajanijanitagurujāgararāgakaṣāyitam alasaniveśam
vahati nayanam anurāgam iva sphuṭam uditarasābhiniveśam
- 3
हरिहरि याहि माधव याहि केशव मा वद कैतववादम्ताम् अनुसर सरसीरुहलोचन या तव हरति विषादम्
harihari yāhi mādhava yāhi keśava mā vada kaitavavādamtām anusara sarasīruhalocana yā tava harati viṣādam
- 4
कज्जलमलिनविलोचनचुम्बनविरचितनीलिमरूपम्
दशनवसनम् अरुणम्तव कृष्ण तनोति तनोः अनुरूपम्
kajjalamalinavilocanacumbanaviracitanīlimarūpam
daśanavasanam aruṇamtava kṛṣṇa tanoti tanoḥ anurūpam
- 5
हरिहरि याहि माधव याहि केशव मा वद कैतववादम्ताम् अनुसर सरसीरुहलोचन या तव हरति विषादम्
harihari yāhi mādhava yāhi keśava mā vada kaitavavādamtām anusara sarasīruhalocana yā tava harati viṣādam
- 6
वपुः अनुहरति तव स्मरसङ्गरखरनखरक्षतरेखम्
मरकतशकलकलितकलधौतलिपेः इव रतिजयलेखम्
vapuḥ anuharati tava smarasaṅgarakharanakharakṣatarekham
marakataśakalakalitakaladhautalipeḥ iva ratijayalekham
- 7
हरिहरि याहि माधव याहि केशव मा वद कैतववादम्ताम् अनुसर सरसीरुहलोचन या तव हरति विषादम्
harihari yāhi mādhava yāhi keśava mā vada kaitavavādamtām anusara sarasīruhalocana yā tava harati viṣādam
- 8
चरणकमलगलदलक्तकसिक्तम् इदम्तव हृदयम् उदारम्
दर्शयति इव बहिः मदनद्रुमनवकिसलयपरिवारम्
caraṇakamalagaladalaktakasiktam idamtava hṛdayam udāram
darśayati iva bahiḥ madanadrumanavakisalayaparivāram
- 9
हरिहरि याहि माधव याहि केशव मा वद कैतववादम्ताम् अनुसर सरसीरुहलोचन या तव हरति विषादम्
harihari yāhi mādhava yāhi keśava mā vada kaitavavādamtām anusara sarasīruhalocana yā tava harati viṣādam
- 10
दशनपदम्भवदधरगतम्मम जनयति चेतसि खेदम्
कथयति कथम् अधुना अपि मया सह तव वपुः एतत् अभेदम्
daśanapadambhavadadharagatammama janayati cetasi khedam
kathayati katham adhunā api mayā saha tava vapuḥ etat abhedam
- 11
हरिहरि याहि माधव याहि केशव मा वद कैतववादम्ताम् अनुसर सरसीरुहलोचन या तव हरति विषादम्
harihari yāhi mādhava yāhi keśava mā vada kaitavavādamtām anusara sarasīruhalocana yā tava harati viṣādam
- 12
बहिः इव मलिनतरम्तव कृष्ण मनः अपि भविष्यति नूनम्
कथम् अथ वञ्चयसे जनम् अनुगतम् असमशरज्वरदूनम्
bahiḥ iva malinataramtava kṛṣṇa manaḥ api bhaviṣyati nūnam
katham atha vañcayase janam anugatam asamaśarajvaradūnam
- 13
हरिहरि याहि माधव याहि केशव मा वद कैतववादम्ताम् अनुसर सरसीरुहलोचन या तव हरति विषादम्
harihari yāhi mādhava yāhi keśava mā vada kaitavavādamtām anusara sarasīruhalocana yā tava harati viṣādam
- 14
भ्रमति भवान् अबलाकवलाय वनेषु किम् अत्र विचित्रम्
प्रथयति पूतनिका एव वधूवधनिर्दयबालचरित्रम्
bhramati bhavān abalākavalāya vaneṣu kim atra vicitram
prathayati pūtanikā eva vadhūvadhanirdayabālacaritram
- 15
हरिहरि याहि माधव याहि केशव मा वद कैतववादम्ताम् अनुसर सरसीरुहलोचन या तव हरति विषादम्
harihari yāhi mādhava yāhi keśava mā vada kaitavavādamtām anusara sarasīruhalocana yā tava harati viṣādam
- 16
श्रीजयदेवभणितरतिवञ्चितखण्डितयुवतिविलापम्
शृणुत सुधामधुरम्विबुधाः विबुधालयतः अपि दुरापम्
śrījayadevabhaṇitarativañcitakhaṇḍitayuvativilāpam
śṛṇuta sudhāmadhuramvibudhāḥ vibudhālayataḥ api durāpam
- 17
हरिहरि याहि माधव याहि केशव मा वद कैतववादम्ताम् अनुसर सरसीरुहलोचन या तव हरति विषादम्
harihari yāhi mādhava yāhi keśava mā vada kaitavavādamtām anusara sarasīruhalocana yā tava harati viṣādam
- 18
तव इदम्पश्यन्त्याः प्रसरदनुरागम्बहिः इव प्रियापादालक्तछुरितम् अरुणछायहृदयम्
मम अद्य प्रख्यातप्रणयभरभङ्गेन कितव त्वदालोकः शोकाद् अपि किम् अपि लज्जाम्जनयति
tava idampaśyantyāḥ prasaradanurāgambahiḥ iva priyāpādālaktachuritam aruṇachāyahṛdayam
mama adya prakhyātapraṇayabharabhaṅgena kitava tvadālokaḥ śokād api kim api lajjāmjanayati

