38 shlokas
- 1
गतवति सखीवृन्दे अमन्दत्रपाभरनिर्भरस्मरपरवशाकूतस्फीतस्मितस्नपिताधराम्
सरसमनसम्दृष्ट्वा राधाम्मुहुः नवपल्लवप्रसवशयने निक्षिप्ताक्षीम् उवाच हरिः प्रियाम्
gatavati sakhīvṛnde amandatrapābharanirbharasmaraparavaśākūtasphītasmitasnapitādharām
sarasamanasamdṛṣṭvā rādhāmmuhuḥ navapallavaprasavaśayane nikṣiptākṣīm uvāca hariḥ priyām
- 2
किसलयशयनतले कुरु कामिनि चरणनलिनविनिवेशम्
तव पदपल्लववैरिपराभवम् इदम् अनुभवतु सुवेशम्
kisalayaśayanatale kuru kāmini caraṇanalinaviniveśam
tava padapallavavairiparābhavam idam anubhavatu suveśam
- 3
क्षणम् अधुना नारायणम् अनुगतम् अनुसर राधिके
kṣaṇam adhunā nārāyaṇam anugatam anusara rādhike
- 4
करकमलेन करोमि चरणमहम् आगमिता असि विदूरम्
क्षणम् उपकुरु शयनोपरि माम् इव नूपुरम् अनुगतशूरम्
karakamalena karomi caraṇamaham āgamitā asi vidūram
kṣaṇam upakuru śayanopari mām iva nūpuram anugataśūram
- 5
क्षणम् अधुना नारायणम् अनुगतम् अनुसर राधिके
kṣaṇam adhunā nārāyaṇam anugatam anusara rādhike
- 6
वदनसुधानिधिगलितम् अमृतमिव रचय वचनम् अनुकूलम्
विरहम् इव अपनयामि पयोधररोधकम् उरसि दुकूलम्
vadanasudhānidhigalitam amṛtamiva racaya vacanam anukūlam
viraham iva apanayāmi payodhararodhakam urasi dukūlam
- 7
क्षणम् अधुना नारायणम् अनुगतम् अनुसर राधिके
kṣaṇam adhunā nārāyaṇam anugatam anusara rādhike
- 8
प्रियपरिरम्भणरभसवलितम् इव पुलकितम् अतिदुरवापम्
मदुरसि कुचकलशम्विनिवेशय शोषय मनसिजतापम्
priyaparirambhaṇarabhasavalitam iva pulakitam atiduravāpam
madurasi kucakalaśamviniveśaya śoṣaya manasijatāpam
- 9
क्षणम् अधुना नारायणम् अनुगतम् अनुसर राधिके
kṣaṇam adhunā nārāyaṇam anugatam anusara rādhike
- 10
अधरसुधारसम् उपनय भाविनि जीवय मृतम् इव दासम्
त्वयि विनिहितमनसम्विरहानलदग्धवपुषम् अविलासम्
adharasudhārasam upanaya bhāvini jīvaya mṛtam iva dāsam
tvayi vinihitamanasamvirahānaladagdhavapuṣam avilāsam
- 11
क्षणम् अधुना नारायणम् अनुगतम् अनुसर राधिके
kṣaṇam adhunā nārāyaṇam anugatam anusara rādhike
- 12
शशिमुखि मुखरय मणिरशनागुणम् अनुगुणकण्ठनिनादम्
श्रुतियुगले पिकरुतविकले मम शमय चिरात् अवसादम्
śaśimukhi mukharaya maṇiraśanāguṇam anuguṇakaṇṭhaninādam
śrutiyugale pikarutavikale mama śamaya cirāt avasādam
- 13
क्षणम् अधुना नारायणम् अनुगतम् अनुसर राधिके
kṣaṇam adhunā nārāyaṇam anugatam anusara rādhike
- 14
माम् अतिविफलरुषा विकलीकृतम् अवलोकितुम् अधुना इदम्
मीलितलज्जितम् इव नयनम्तव विरम विसृज रतिखेदम्
mām ativiphalaruṣā vikalīkṛtam avalokitum adhunā idam
mīlitalajjitam iva nayanamtava virama visṛja ratikhedam
- 15
क्षणम् अधुना नारायणम् अनुगतम् अनुसर राधिके
kṣaṇam adhunā nārāyaṇam anugatam anusara rādhike
- 16
श्रीजयदेवभणितम् इदम् अनुपदनिगदितमधुरिपुमोदम्
जनयतु रसिकजनेषु मनोरमरतिसभावविनोदम्
śrījayadevabhaṇitam idam anupadanigaditamadhuripumodam
janayatu rasikajaneṣu manoramaratisabhāvavinodam
- 17
क्षणम् अधुना नारायणम् अनुगतम् अनुसर राधिके
kṣaṇam adhunā nārāyaṇam anugatam anusara rādhike
- 18
माराङ्के रतिकेलिसंकुलरणारम्भे तया साहसप्रायम्कान्तजयाय किंचित् उपरि प्रारम्भि यत्सम्भ्रमात्
निष्पन्दा जघनस्थली शिथिला दोर्वल्लिः उत्कम्पितम्वक्षः मीलितम् अक्षि पौरुषरसः स्त्रीणाम्कुतः सिध्यति
mārāṅke ratikelisaṃkularaṇārambhe tayā sāhasaprāyamkāntajayāya kiṃcit upari prārambhi yatsambhramāt
niṣpandā jaghanasthalī śithilā dorvalliḥ utkampitamvakṣaḥ mīlitam akṣi pauruṣarasaḥ strīṇāmkutaḥ sidhyati
- 19
अथ कान्तम्रतिक्लान्तम् अपि मण्डनवाञ्छया
निजगाद निराबाधा राधा स्वाधीनभर्तृका
atha kāntamratiklāntam api maṇḍanavāñchayā
nijagāda nirābādhā rādhā svādhīnabhartṛkā
- 20
कुरु यदुनन्दन चन्दनशिशिरतरेण करेण पयोधरे
मृगमदपत्रकम् अत्र मनोभवमङ्गलकलशसहोदरे
kuru yadunandana candanaśiśiratareṇa kareṇa payodhare
mṛgamadapatrakam atra manobhavamaṅgalakalaśasahodare
- 21
निजगाद सा यदुनन्दने क्रीडति हृदयानन्दने
nijagāda sā yadunandane krīḍati hṛdayānandane
- 22
अलिकुलगञ्जनम् अञ्जनकम्रतिनायकसायकमोचने
त्वदधरचुम्बनलम्बितकज्जलम् उज्ज्वलय प्रिय लोचने
alikulagañjanam añjanakamratināyakasāyakamocane
tvadadharacumbanalambitakajjalam ujjvalaya priya locane
- 23
निजगाद सा यदुनन्दने क्रीडति हृदयानन्दने
nijagāda sā yadunandane krīḍati hṛdayānandane
- 24
नयनकुरङ्गतरङ्गविकासनिरासकरे श्रुतिमण्डले
मनसिजपाशविलासधरे शुभवेश निवेशय कुण्डले
nayanakuraṅgataraṅgavikāsanirāsakare śrutimaṇḍale
manasijapāśavilāsadhare śubhaveśa niveśaya kuṇḍale
- 25
निजगाद सा यदुनन्दने क्रीडति हृदयानन्दने
nijagāda sā yadunandane krīḍati hṛdayānandane
- 26
भ्रमरचयम्रचयन्तम् उपरि रुचिरम्सुचिरम्मम संमुखे
जितकमले विमले परिकर्मय नर्मजनकम् अलकम्मुखे
bhramaracayamracayantam upari ruciramsucirammama saṃmukhe
jitakamale vimale parikarmaya narmajanakam alakammukhe
- 27
निजगाद सा यदुनन्दने क्रीडति हृदयानन्दने
nijagāda sā yadunandane krīḍati hṛdayānandane
- 28
मृगमदरसवलितम्ललितम्कुरु तिलकम् अलिकरजनीकरे
विहितकलङ्ककलम्कमलानन विश्रमितश्रमशीकरे
mṛgamadarasavalitamlalitamkuru tilakam alikarajanīkare
vihitakalaṅkakalamkamalānana viśramitaśramaśīkare
- 29
निजगाद सा यदुनन्दने क्रीडति हृदयानन्दने
nijagāda sā yadunandane krīḍati hṛdayānandane
- 30
मम रुचिरे चिकुरे कुरु मानद मानसजध्वजचामरे
रतिगलिते ललिते कुसुमानि शिखण्डिशिखण्डकडामरे
mama rucire cikure kuru mānada mānasajadhvajacāmare
ratigalite lalite kusumāni śikhaṇḍiśikhaṇḍakaḍāmare

