54 shlokas
- 1
मेघैः मेदुरम् अम्बरम्वनभुवः श्यामाः तमालद्रुमैः नक्तम्भीरुः अयम्त्वम् एव तत् इमम्राधे गृहम्प्रापय
इत्थम्नन्दनिदेशतः चलितयोः प्रत्यध्वकुञ्जद्रुमम्राधामाधवयोः जयन्ति यमुनाकूले रहःकेलयः
meghaiḥ meduram ambaramvanabhuvaḥ śyāmāḥ tamāladrumaiḥ naktambhīruḥ ayamtvam eva tat imamrādhe gṛhamprāpaya
itthamnandanideśataḥ calitayoḥ pratyadhvakuñjadrumamrādhāmādhavayoḥ jayanti yamunākūle rahaḥkelayaḥ
- 2
वाग्देवताचरितचित्रितचित्तसद्मा पद्मावतीचरणचारणचक्रवर्ती
श्रीवासुदेवरतिकेलिकथासमेतम् एतम्करोति जयदेवकविः प्रबन्धम्
vāgdevatācaritacitritacittasadmā padmāvatīcaraṇacāraṇacakravartī
śrīvāsudevaratikelikathāsametam etamkaroti jayadevakaviḥ prabandham
- 3
वाचः पल्लवयति उमापतिधरः संदर्भशुद्धिम्गिराम्जानीते जयदेवः एव शरणः श्लाघ्यः दुरूहद्रुते
शृङ्गारोत्तरसत्प्रमेयरचनैः आचार्यगोवर्धनस्पर्धी को ऽपि न विश्रुतः श्रुतिधरः धोयी कविक्ष्मापतिः
vācaḥ pallavayati umāpatidharaḥ saṃdarbhaśuddhimgirāmjānīte jayadevaḥ eva śaraṇaḥ ślāghyaḥ durūhadrute
śṛṅgārottarasatprameyaracanaiḥ ācāryagovardhanaspardhī ko 'pi na viśrutaḥ śrutidharaḥ dhoyī kavikṣmāpatiḥ
- 4
यदि हरिस्मरणे सरसम्मनः यदि विलासकलासु कुतूहलम्
मधुरकोमलकान्तपदावलीम्शृणु तदा जयदेवसरस्वतीम्
yadi harismaraṇe sarasammanaḥ yadi vilāsakalāsu kutūhalam
madhurakomalakāntapadāvalīmśṛṇu tadā jayadevasarasvatīm
- 5
प्रलयपयोधिजले धृतवान् असि वेदम्विहितवहित्रचरित्रम् अखेदम्
केशव धृतमीनशरीर जय जगदीश हरे
pralayapayodhijale dhṛtavān asi vedamvihitavahitracaritram akhedam
keśava dhṛtamīnaśarīra jaya jagadīśa hare
- 6
क्षितिः अतिविपुलतरे तव तिष्ठति पृष्ठे धरणिधरणकिणचक्रगरिष्ठे
केशव धृतकच्छपरूप जय जगदीश हरे
kṣitiḥ ativipulatare tava tiṣṭhati pṛṣṭhe dharaṇidharaṇakiṇacakragariṣṭhe
keśava dhṛtakacchaparūpa jaya jagadīśa hare
- 7
वसति दशनशिखरे धरणी तव लग्ना शशिनि कलङ्ककला इव निमग्ना
केशव धृतशूकररूप जय जगदीश हरे
vasati daśanaśikhare dharaṇī tava lagnā śaśini kalaṅkakalā iva nimagnā
keśava dhṛtaśūkararūpa jaya jagadīśa hare
- 8
तव करकमलवरे नखम् अद्भुतशृङ्गम्दलितहिरण्यकशिपुतनुभृङ्गम्
tava karakamalavare nakham adbhutaśṛṅgamdalitahiraṇyakaśiputanubhṛṅgam
- 9
केशव धृतनरहरिरूप जय जगदीश हरे
keśava dhṛtanaraharirūpa jaya jagadīśa hare
- 10
छलयसि विक्रमणे बलिम् अद्भुतवामन पदनखनीरजनितजनपावन
केशव धृतवामनरूप जय जगदीश हरे
chalayasi vikramaṇe balim adbhutavāmana padanakhanīrajanitajanapāvana
keśava dhṛtavāmanarūpa jaya jagadīśa hare
- 11
क्षत्रियरुधिरमये जगत् अपगतपापम्स्नपयसि पयसि शमितभवतापम्
kṣatriyarudhiramaye jagat apagatapāpamsnapayasi payasi śamitabhavatāpam
- 12
केशव धृतभृगुपतिरूप जय जगदीश हरे
keśava dhṛtabhṛgupatirūpa jaya jagadīśa hare
- 13
वितरसि दिक्षु रणे दिक्पतिकमनीयम्दशमुखमौलिबलिम्रमणीयम्
vitarasi dikṣu raṇe dikpatikamanīyamdaśamukhamaulibalimramaṇīyam
- 14
केशव धृतरामशरीर जय जगदीश हरे
keśava dhṛtarāmaśarīra jaya jagadīśa hare
- 15
वहसि वपुषि विशदे वसनम्जलदाभम्हलहतिभीतिमिलितयमुनाभम्
vahasi vapuṣi viśade vasanamjaladābhamhalahatibhītimilitayamunābham
- 16
केशव धृतहलधररूप जय जगदीश हरे
keśava dhṛtahaladhararūpa jaya jagadīśa hare
- 17
निन्दसि यज्ञविधेः अहह श्रुतिजातम्सदयहृदय दर्शितपशुघातम्
nindasi yajñavidheḥ ahaha śrutijātamsadayahṛdaya darśitapaśughātam
- 18
केशव धृतबुद्धशरीर जय जगदीश हरे
keśava dhṛtabuddhaśarīra jaya jagadīśa hare
- 19
म्लेच्छनिवहनिधने कलयसि करवालम्धूमकेतुम् इव किम् अपि करालम्
केशव धृतकल्किशरीर जय जगदीश हरे
mlecchanivahanidhane kalayasi karavālamdhūmaketum iva kim api karālam
keśava dhṛtakalkiśarīra jaya jagadīśa hare
- 20
श्रीजयदेवकवेः इदम् उदितम् उदारम्शृणु सुखदम्शुभदम्भवसारम्
केशव धृतदशविधरूप जय जगदीश हरे
śrījayadevakaveḥ idam uditam udāramśṛṇu sukhadamśubhadambhavasāram
keśava dhṛtadaśavidharūpa jaya jagadīśa hare
- 21
वेदान् उद्धरते जगत्निवहते भूगोलम् उद्बिभ्रते दैत्यम्दारयते बलिम्छलयते क्षत्रक्षयम्कुर्वते
पौलस्त्यम्जयते हलम्कलयते कारुण्यम् आतन्वते म्लेच्छान्मूर्छयते दशाकृतिकृते कृष्णाय तुभ्यम्नमः
vedān uddharate jagatnivahate bhūgolam udbibhrate daityamdārayate balimchalayate kṣatrakṣayamkurvate
paulastyamjayate halamkalayate kāruṇyam ātanvate mlecchānmūrchayate daśākṛtikṛte kṛṣṇāya tubhyamnamaḥ
- 22
श्रितकमलाकुचमण्डल धृतकुण्डल ए
कलितललितवनमाल जय जयदेव हरे
śritakamalākucamaṇḍala dhṛtakuṇḍala e
kalitalalitavanamāla jaya jayadeva hare
- 23
दिनमणिमण्डलमण्डन भवखण्डन ए
मुनिजनमानसहंस जय जयदेव हरे
dinamaṇimaṇḍalamaṇḍana bhavakhaṇḍana e
munijanamānasahaṃsa jaya jayadeva hare
- 24
कालियविषधरगञ्जन जनरञ्जन ए
यदुकुलनलिनदिनेश जय जयदेव हरे
kāliyaviṣadharagañjana janarañjana e
yadukulanalinadineśa jaya jayadeva hare
- 25
मधुमुरनरकविनाशन गरुडासन ए
सुरकुलकेलिनिदान जय जयदेव हरे
madhumuranarakavināśana garuḍāsana e
surakulakelinidāna jaya jayadeva hare
- 26
अमलकमलदललोचन भवमोचन ए
त्रिभुवनभवननिधान जय जयदेव हरे
amalakamaladalalocana bhavamocana e
tribhuvanabhavananidhāna jaya jayadeva hare
- 27
जनकसुताकृतभूषण जितदूषण ए
समरशमितदशकण्ठ जय जयदेव हरे
janakasutākṛtabhūṣaṇa jitadūṣaṇa e
samaraśamitadaśakaṇṭha jaya jayadeva hare
- 28
अभिनवजलधरसुन्दर धृतमन्दर ए
श्रीमुखचन्द्रचकोर जय जयदेव हरे
abhinavajaladharasundara dhṛtamandara e
śrīmukhacandracakora jaya jayadeva hare
- 29
श्रीजयदेवकवेः इदम्कुरुते मुदम् ए
मङ्गलम् उज्ज्वलगीतम्जय जयदेव हरे
śrījayadevakaveḥ idamkurute mudam e
maṅgalam ujjvalagītamjaya jayadeva hare
- 30
पद्मापयोधरतटीपरिरम्भलग्नकाश्मीरमुद्रितम् उरः मधुसूदनस्य
व्यक्तानुरागम् इव खेलतनङ्गखेदस्वेदाम्बुपूरम् अनुपूरयतु प्रियम्वः
padmāpayodharataṭīparirambhalagnakāśmīramudritam uraḥ madhusūdanasya
vyaktānurāgam iva khelatanaṅgakhedasvedāmbupūram anupūrayatu priyamvaḥ

