20 shlokas
- 1
अग्निष्टपतीत्य् अवभृथसाम
agniṣṭapatīty avabhṛthasāma
- 2
तस्यावृद्यथा प्रथमस्य प्रवर्ग्यसाम्नः
tasyāvṛdyathā prathamasya pravargyasāmnaḥ
- 3
सर्व ऋत्विजो निधनम् उपेयुः
sarva ṛtvijo nidhanam upeyuḥ
- 4
इष्टाहोत्रीयम् अभिषेचनीये समस्येति वा
iṣṭāhotrīyam abhiṣecanīye samasyeti vā
- 5
अश्वत्रिरात्रे नानावभृथानि सामानि
aśvatrirātre nānāvabhṛthāni sāmāni
- 6
तेषां प्रथमस्य सनाद् अग्न इत्य् अवभृथसाम
teṣāṃ prathamasya sanād agna ity avabhṛthasāma
- 7
यद्वा उ विश्पतिर् इति द्वितीयस्य त्यग्नायिर् इति वा
yadvā u viśpatir iti dvitīyasya tyagnāyir iti vā
- 8
अवभृथेष्टौ संस्थितायाम् अवभृथ निचुम्पुण निचेरुर् असि निचुम्पुणाव देवैर्देवकृतम् एनो ऽयासिषम् अव मर्त्यैर्मर्त्यकृतं पुरुराव्णो देव रिषस्पाहीत्य् अप उपस्पृश्य त्रिर् अभ्युक्षेरन्
avabhṛtheṣṭau saṃsthitāyām avabhṛtha nicumpuṇa nicerur asi nicumpuṇāva devairdevakṛtam eno 'yāsiṣam ava martyairmartyakṛtaṃ pururāvṇo deva riṣaspāhīty apa upaspṛśya trir abhyukṣeran
- 9
आदित्यम् उपतिष्ठेरन्न् उद्वयं तमसस्परि ज्योतिः पश्यन्त उत्तरं स्वः पश्यन्त उत्तरं देवं देवत्रा सूर्यम् अगन्म ज्योतिर् उत्तमम् इति
ādityam upatiṣṭherann udvayaṃ tamasaspari jyotiḥ paśyanta uttaraṃ svaḥ paśyanta uttaraṃ devaṃ devatrā sūryam aganma jyotir uttamam iti
- 10
अस्तमितश्चेद् आहवनीयम्
astamitaśced āhavanīyam
- 11
तस्मिन्समिध आदध्युर् एधो ऽस्य् एधिषीमहीति प्रथमां समिद् असि समेधिषीमहीति द्वितीयाम्
यद् एनश्चकृमा वयं यद्वान्यकृतम् आरिमा
अनया समिधा वयं तद् अपमृज्महे इति तृतीयाम्
tasminsamidha ādadhyur edho 'sy edhiṣīmahīti prathamāṃ samid asi samedhiṣīmahīti dvitīyām
yad enaścakṛmā vayaṃ yadvānyakṛtam ārimā
anayā samidhā vayaṃ tad apamṛjmahe iti tṛtīyām
- 12
तम् एवोपतिष्ठेरन्
अपो अद्यान्वचारिषं रसेन समसृक्ष्महि
पयस्वान् अग्न आगमं तं मा संसृज वर्चसेति
tam evopatiṣṭheran
apo adyānvacāriṣaṃ rasena samasṛkṣmahi
payasvān agna āgamaṃ taṃ mā saṃsṛja varcaseti
- 13
प्राग् उदयनीयाद् अतिरात्राद् अप्सुषोमान्तम् अहः सत्रेषु
prāg udayanīyād atirātrād apsuṣomāntam ahaḥ satreṣu
- 14
दधिभक्षान्तम् अहीनेषु
dadhibhakṣāntam ahīneṣu
- 15
यावन्त्य् अहानि राजानं भक्षयेयुस्तावत्स्वब्राह्मणायोच्छिष्टं न दद्युः
yāvanty ahāni rājānaṃ bhakṣayeyustāvatsvabrāhmaṇāyocchiṣṭaṃ na dadyuḥ
- 16
अद्भिर्वा प्रोक्ष्य दद्युः
adbhirvā prokṣya dadyuḥ
- 17
तद् एष श्लोकः
सोमम् एतत्पिबत यत्किंचाश्नीत ब्राह्मणाः
मा ब्राह्मणायोच्छिष्टं दत्त मा पात्सोमम् असोमप इति
tad eṣa ślokaḥ
somam etatpibata yatkiṃcāśnīta brāhmaṇāḥ
mā brāhmaṇāyocchiṣṭaṃ datta mā pātsomam asomapa iti
- 18
एतं परिक्रमं सर्वक्रतुषु विद्यात्
etaṃ parikramaṃ sarvakratuṣu vidyāt
- 19
एष ज्योतिः
eṣa jyotiḥ
- 20
सर्वे कामाः सर्वे कामाः
sarve kāmāḥ sarve kāmāḥ

