30 shlokas
- 1
यद् अन्यद् अग्निष्टोमसाम स्यात्तस्य स्युः
yad anyad agniṣṭomasāma syāttasya syuḥ
- 2
अहिंकारे ऽपि प्रतिहारवेलायां पत्नीम् उद्गातावेक्षेत
ahiṃkāre 'pi pratihāravelāyāṃ patnīm udgātāvekṣeta
- 3
अनु ब्राह्मणम् आर्चिकान्संनामान्सर्वत्र कुर्युर् अप्य् अन्यस्मिन्साम्नि
anu brāhmaṇam ārcikānsaṃnāmānsarvatra kuryur apy anyasminsāmni
- 4
तृतीयसवने सर्वेषु स्तोत्रेषु समाप्तेषु भक्षयित्वा स्तोमं विमुञ्चेयुर् ऋतस्य त्वेति
tṛtīyasavane sarveṣu stotreṣu samāpteṣu bhakṣayitvā stomaṃ vimuñceyur ṛtasya tveti
- 5
दक्षिणैः पाणिभिः कुशाः संलोभयेयुः
dakṣiṇaiḥ pāṇibhiḥ kuśāḥ saṃlobhayeyuḥ
- 6
प्रति योजनम् एके यजमानवचनाद् अनन्तरम्
prati yojanam eke yajamānavacanād anantaram
- 7
अत्र वा
atra vā
- 8
यजमानं वाचयेत्तन्तवे मा ज्योतिषेति
yajamānaṃ vācayettantave mā jyotiṣeti
- 9
असाव् अनु मा तनुहि ज्योतिषेति यथाज्येष्ठं पुत्रान्
asāv anu mā tanuhi jyotiṣeti yathājyeṣṭhaṃ putrān
- 10
जनिष्यमाणा इत्य् अजातेषु
janiṣyamāṇā ity ajāteṣu
- 11
जातेष्व् अजातेषु च पुत्रा इत्य् एव सत्रेषु
jāteṣv ajāteṣu ca putrā ity eva satreṣu
- 12
वषट्कृते हारियोजनस्य यथेतम् अपरया द्वारा निष्क्रामन्तो जपेयुः सोमेहीति
vaṣaṭkṛte hāriyojanasya yathetam aparayā dvārā niṣkrāmanto japeyuḥ somehīti
- 13
सुभूर् असीत्य् आदित्यम् उपतिष्ठेरन्
subhūr asīty ādityam upatiṣṭheran
- 14
अस्तमितश्चेद्गार्हपत्यं चन्द्रमसं नक्षत्राणि वा
astamitaścedgārhapatyaṃ candramasaṃ nakṣatrāṇi vā
- 15
आग्नीध्रीये द्वे आहुती जुहुयुर् अपां पुष्पम् असीति पूर्वां स्वाहाकारेणोत्तराम्
āgnīdhrīye dve āhutī juhuyur apāṃ puṣpam asīti pūrvāṃ svāhākāreṇottarām
- 16
हारियोजन्यो नाम धाना द्रोणकलशे भवन्ति तासाम् उद्गाता प्रथम आददानः समुपहूता भक्षयिष्याम इति ब्रूयात्
hāriyojanyo nāma dhānā droṇakalaśe bhavanti tāsām udgātā prathama ādadānaḥ samupahūtā bhakṣayiṣyāma iti brūyāt
- 17
तथेतरौ
tathetarau
- 18
उन्नेतर्य् उपहवम् इष्ट्वा हारियोजनस्य त इति तिरोह्न्यस्येत्य् अतिरात्रे सर्वत्र वा यथाधीतं द्विर् उपघ्राय पश्चाद् आहवनीयस्यान्तःपरिधि निवपेयुः
unnetary upahavam iṣṭvā hāriyojanasya ta iti tirohnyasyety atirātre sarvatra vā yathādhītaṃ dvir upaghrāya paścād āhavanīyasyāntaḥparidhi nivapeyuḥ
- 19
अनुप्रहृतेषु भस्मान्ते
anuprahṛteṣu bhasmānte
- 20
अप उपस्पृश्याष्टाव् अष्टौ शकलान्य् आहवनीये ऽनुप्रहरेयुर्देवकृतस्येत्य् एतत्प्रभृतिभिर् इकारान्तैः
apa upaspṛśyāṣṭāv aṣṭau śakalāny āhavanīye 'nuprahareyurdevakṛtasyety etatprabhṛtibhir ikārāntaiḥ
- 21
सकृद् एव सर्वाण्य् उत्तमेनेति शौचिवृक्षिः
sakṛd eva sarvāṇy uttameneti śaucivṛkṣiḥ
- 22
अप्सुषोमा नाम चमसाश्चात्वालदेशे ऽद्भिः पूर्णाः
apsuṣomā nāma camasāścātvāladeśe 'dbhiḥ pūrṇāḥ
- 23
तेषु हरितानि तृणानि प्रास्तानि भवन्ति
teṣu haritāni tṛṇāni prāstāni bhavanti
- 24
ते स्वं सवं चमसं पर्युपविश्याप्सु धौतस्येत्य् अवमृश्य जपेयुः
te svaṃ savaṃ camasaṃ paryupaviśyāpsu dhautasyety avamṛśya japeyuḥ
- 25
मधुमन्तम् इति पाणीन् उपजिघ्रेरन्
madhumantam iti pāṇīn upajighreran
- 26
शम् अद्भ्यः इत्य् उदञ्चं चमसं निनयेयुः
śam adbhyaḥ ity udañcaṃ camasaṃ ninayeyuḥ
- 27
कामेत्य् अभ्यात्मम् आवर्तयेयुः
kāmety abhyātmam āvartayeyuḥ
- 28
ऊर्ग् इत्य् उरःसु पाणीन्निदधीरन्
ūrg ity uraḥsu pāṇīnnidadhīran
- 29
प्राण सोमेति मुख्यान्प्राणान् अभिमृशेरन्
prāṇa someti mukhyānprāṇān abhimṛśeran
- 30
आग्नीध्रीयं गत्वा दधिभक्षं भक्षयेयुर् असमुपहूय दधिक्राव्णः इति
āgnīdhrīyaṃ gatvā dadhibhakṣaṃ bhakṣayeyur asamupahūya dadhikrāvṇaḥ iti

